PAWTDAWKNA 14:10 - PATHIEN LEKHABU THIENGTHO (BSI)

¹⁰ Chun, Pharao’n a va naih phet chun, Israel chate chuh a vak dâk dawk u a, chun, ngaitie, Aigupta mite chun amau lam chuh ahun zuon phei tau a; tichun ana lau mah mah zieng tau a, chun, Israel chate chun Lalpa chuh a sam tau a.

PAWTDAWKNA 14:10 ပူးပေါင်းရင်းမြစ်များ

SAM LEHKHABU THE PSALMS 107:6

Zie tak chuleh a buoinau ah Lalpa chu a uou u a, Amah chun a lungkhamnau a kipat chun a hukbit a.

SAM LEHKHABU THE PSALMS 34:17

Mi diktatte chuh a kiko tieng u leh Lalpa chun a na dâwng a, A lungkham na chengcheng u apat chun a hukdawk sek hi.

NEHEMIA 9:9

“Aigupta gama ka pileputeu gimtheih zie chuh na mu zing a, Tuipi San panga a kiko thawm chuh na za a.

JOSHUA 24:7

Chun, amau chun Lalpa a vak sam u a, Aigupta mite tawh a kikal u chuh a hun hih thim mup ta a, tuipi achup tum sak a; tichun Aigupta gam a ka thilhih kha na mit ngêi in na muu a; zie nung chun, gamthip a khan sawttak na um u a.

SAM LEHKHABU THE PSALMS 106:44

Khuti nasan chun le amah chun, a kiko husau a het tieng leh A lungkham u chu a limsak a:

SAM LEHKHABU THE PSALMS 53:5

Lauhna himhim um lohna achun lauh atih in a lau u a, zie tawbang chun kuomah a lau kha puou hi. Pathien in pathien kihchalote guh chuh thehzak ding ahi; Pathien in amau haw chuh a paih thak ziekin na suzahhuoi ta a.

2 KHANGTHUBU 18:31

Chun, hiti hi a hung hi a, kangtalai chunga lawiupate chun Jehoshaphat a muh un, Israel lengpa a hi khu, a tiu a, do guo’n a um tau a; himahleh, Jehoshaphat chu a kiko a, chun, Lalpa’n a panpih ta a, amah chu a nutsieh sak tai.

1 JOHAN 4:18

Hehpihna achun lauhna himhim a um puoi, hehpihna bukim chun, lauhna a nawhmang zawk sek ahi. Zieziekchun, a laupa achun hehpihna chuh siem bukim in a um nailo ahi, lauhna achun gawtna a um ziekin.

JEREMIA 22:23

Aw Lebanon tânga chêngte haw, Sidar thing laka bu sieh a, na chunga natna a hung tun tieng lungsiet na um ding zie mai chuh! Numei nauhanat bang hung hin la.

ISAI 26:16

Aw Lalpa, a lungdawn lai un a hun hawl u a, na mite chuh na thunun tieng leh na masang ah a paucham sek ui;

ISAI 7:2

Chun, Suria chuh Ephraim tawh a pangkhawm tau hi tih David inkawte chun a het phet u chun, Ahaz leh a mipite lunggil chuh a lau mah mah tau a, huih in gamnuoia thing a mût lîng bang hielin a kithing sie tau a.

SAM LEHKHABU THE PSALMS 107:28

Zie tieng chuleh a buoinau achun Lalpa chuh a uou u a, Amah chun a lungzînnau a kipat chun a puidawk sek hi.

SAM LEHKHABU THE PSALMS 107:19

Zie tak chuleh a buoinau a chun Lalpa chuh a uou u a, Amah chun a lungkhamnau apan chun a hukdam sek hi.

SAM LEHKHABU THE PSALMS 107:13

Zie tak chuleh a buoinau achun Lalpa chuh uou un au, Amah chun a lungkham nau a kipat chun a hukdawk a.

PAWTDAWKNA 15:25

Mosi chuh Lalpa kawmah a paucham a; chun, Lalpa chun thing khat hi a vak kâwkmuh a, zie chuh tui achun a vak khawh lut a, tichun tui chuh a hung lim ta a. Zie tak achun dân leh thupiek a siem sak a; zie tak achun amau haw chuh a patep a.

DAN NIHNA 9:7

“Gamthip a Lalpa na suklungnat sek dân u kha hezing unla, hengilh kiu in; Aigupta gam apat na pawt niu apat a zie mun hi na hung tun chan u khan Lalpa chungah na hel zing ngâl u a.

SAM LEHKHABU THE PSALMS 81:7

Lungkham in nei sama; ka hun humbit a, Van gi kisêlna mun akhan ka hun dawng a, Meribah tui haw akhan ka hun patep na hi. Selah

PAWTDAWKNA 13:17

Chun, Pharao’n mipi haw chuh a pawtdawk sak phet chun, Pathien in Philistia te gama a naih zawk na ah a pui puoh a. Pathien in, “Kidonahaw mu leu kisik untin, Aigupta gam ah vaikit kha’n au,” a ti ngâl a.

JOSHUA 24:6

Chun, na pulepateu chuh Aigupta gam apat in ka puidawk a, chun, tuipi na va tung u a; tichun Aigupta mite chun na pulepateu chuh kangtalai haw leh sakawl chung chuong mite tawh Tuipi San tiengin a delh u a.