PAWTDAWKNA 13:5 - PATHIEN LEKHABU THIENGTHO (BSI)

⁵ Lalpa’n Kanaan te, Hit te, Amor te, Hiv te, Jebus te gam, khuoizu leh bâwngnawi a luonna gam, nang uh hun suonte kipautiema piek a tiemna gam achun a hun puihtung tieng leh, kum chengin zie tha hih na nit zel ding uh ahi.

PAWTDAWKNA 13:5 ပူးပေါင်းရင်းမြစ်များ

THILSIEMBUL 26:3

Zie gam ahin um tadih inla, tichun na kawmah um zing ing ka ting, hun vangsak ing ka ting; zie gam chengcheng hi nang leh na suonte pien, na pa Abraham kawma ka kihâksiel na kha sudet ing ka.

THILSIEMBUL 50:24

Chun, Joseph in a suohpihte kawmah, “Thi ding ka hi ta a, himahlele Pathien in hun tawhtha ngêi ngêi intin, zie gam apat hin hun puidawk in, Abraham te, Isak te, Jakob te kawma kihâksiela piek a tiem gam ah hun puito ina,” a ti a.

1 KHANGTHUBU 1:15

Hiv te Ark te, Sin te haw

PAWTDAWKNA 12:24

Nang haw leh na chateu in zie dân hi kumkhuo a na zuih ding uh ahi.

PAWTDAWKNA 13:10

Khutichun zie kut hi kum chengin a hun taka chuh na hun mat zing ding uh ahi.

PAWTDAWKNA 13:11

“Lalpa’n na kawm u leh nang uh hun suonte kawma kipautiema piek a tiemsa bang khan, Kanaan te gam a hun puihtung a, a hun piek tieng chuleh,

PAWTDAWKNA 3:17

Aigupta gama sukgimtheihna lak apat chun hun puidawk ing ka ting, Kanaan mite, Hit mite, Amor mite, Periz mite, Hiv mite, Jebus mite gam, bâwngnawi leh khuoizu a luong gam achun hun puilut ing ka,” tih ka tiem ta ngâl a.

PAWTDAWKNA 3:8

Tichun, Aigupta pata hukdawk ding leh, zie gam apat a chuh puidawk a, Kanaan mite, Hit mite, Amor mite, Periz mite, Hiv mite, Jebus mite umna gam phatak leh lientak, bâwngnawi leh khuoizu a luong gama chuh puilut dinga hungsuk ka hi tai, a ti a.

PAWTDAWKNA 32:13

Na suok Abraham te, Isak te, leh Israel te kawm a, ‘Vana aksi zah in na suonte chuh hun supung ing ka ting, zie gam ka na gen tâksa chengcheng hi na suonte hun pie’ng ka ting, tichun, kumkhuo’n luoh den tan au,’ ti a nangmah ngêi na kihâksiel na haw kha hezing in,” ti’n a ngên a.

PAWTDAWKNA 33:1

Tichun Lalpa’n Mosi chuh a hopih a, “Kipan inla, zie apat hin pawtdawk unla, Abraham te, Isak te, Jakob te kawm a, ‘Na suonte pie ding ka hi,’ ti a ka na kipautiemna gam achun nang leh Aigupta gam apat a na hun puihdawkte hi zie tak apat hin va chiehto un.

PAWTDAWKNA 34:11

Tuni a ka hun thupiek ding hi pawm in, na masang achun Amor te, Kanaan te, Hit te, Periz te, Hiv te, Jebus te nawhdawk ing ka.

PAWTDAWKNA 6:4

Chun, amau haw kawm achun, Kanaan gam, a khuolzinnau gam, hun chawmcha a na umnau kha piek guo’n ka thugawlh chule ka na sudet ta a.

PAWTDAWKNA 6:8

Abraham te, Isak te leh Jakob te kawma kipautiem ngeia piek ka tiemna gam akhan hun puilut ing ka ting; tichun, na goluoh dingun hun pie’ng ka: kei Jehovah chuh ka hi hi,’ ti’n hilh in,” a ti a.

JEREMIA 11:5

Khuoizu leh bâwngnawi a luong gam, nanguh hun suonte kawma kipautiem a piek ka tiem kha ka sukpitit theih na dingin, tuni guol hin,” a ti a. Chun, kei chun, “Hi hen, Aw Lalpa,” ti’n ka dâwng a.

JEREMIA 32:22

Zie khuoizu leh bâwngnawi a luong gam, a suonteu kienga kipautiem a piek le pie ngâl pa,

EZEKIEL 20:6

Zie ni khan amau chuh Aigupta gam apat a puidawk a, amau dinga ka gam huol, nawitui leh khuoizu a luong gam, gam chengcheng laka gam hawihpen a chuh puilut dingin a kawm u ah kihâksielna’n ka khut ka zaka.

THIEMPUDANTE 20:24

Himahleh, nang haw kawm achun ‘A gam uh luoh sak ding na hiu a, na goluoh ding u a hun pie ding ka hi, zie gam chuh bâwngnawi leh khuoizu a luong ahi, kei Lalpa na Pathien uh, nam dang te apat hun kawihchuom pa chuh ka hi’ ti’n ka na gen tai, a ti a.

KISIMNA 11:12

Ka siem leh ka hinthak ahi puoh ngâl u a! A pileputeu kawma na tiem gama puilut dinga; nausen dawnte’n a bân u a nausen a pawm bang u a, lam tungtawna pui dinga bang zieka nei tih ahim?

KISIMNA 13:27

A kawm u ah, “Nei sawlnau gam achun ka va chieh u a, bâwngnawi leh khuoizu a luong gam ahi a; a gam gah haw le ka hun puou hi.

KISIMNA 14:16

‘Lalpa chun zie mipite haw hi kipautiem a A tiem na gama chuh a puih theih loh ziekin thalek a a thah ahi ti’n gen kha’n au.

KISIMNA 14:30

Jephuneh chapa Kaleb leh Nun chapa Joshua tih loh chuh na chênna ding u a ka hun piek na gam achun khat chale lut hiel puo’n lau,

KISIMNA 32:11

‘Aigupta gam apat a hung pawt, kum sawmnih apat a chunglam mi himhim chun Abraham te, Isak te, Jakob te kawm a kipautiema ka piek gam chuh kuoma’n mu puo’n au; ei zuih takloh ziek un:

DAN NIHNA 12:29

Lalpa na Pathien un na va zawh dinguh nam haw chuh na mau a a sukmangthai a, a gam uh na lâksak u a na luoh tiengu leh,

DAN NIHNA 19:1

“A gam uh Lalpa na Pathien un a hun piek nam haw chuh Lalpa na Pathien un a sukmangthai a, na nawhdawk u a, a khawpi hawu, a In hawu a na chen tieng u leh,

DAN NIHNA 26:1

“Chun, hiti hi hi’n tin, Lalpa na Pathien un a hun piek gama chuh na valut u a, na luoh det u a, na chen tieng u leh,

DAN NIHNA 7:1

“Lalpa na Pathien un va luoh dinga na chiehnau gam chuh a hun puih tunga, nam tamtak, Hit te, Girgash te, Amor te, Kanaan te, Periz te, Hiv te leh Jebus te, nang u sanga thupi zaw leh thilhih thei zaw nam sagihte chuh na masang u a a nawhdawk tieng leh;

JOSHUA 24:11

Chun, Jordan lui na galkai u a, Jerikoh khuo na va tung u a; Jerikoh khuo a mite chun a hun na do u a. Amor te, Periz te, Kanaan te, Hit te, Girgash te, Hiv te, Jebus te kha tawh, tichun amau haw chuh na khut u ah ka pie ta a.