PAWTDAWKNA 13:21 - PATHIEN LEKHABU THIENGTHO (BSI)

²¹ Chun, Lalpa’n sun leh meipi’n a mau a pui a; chun, zan leh a mau haw salhvak dingin meikuong in a pui a; sun leh zan a a chieh zel theihna ding un.

PAWTDAWKNA 13:21 ပူးပေါင်းရင်းမြစ်များ

NEHEMIA 9:12

Tichun, sun leh meipi’n na pui a, zan leh a chieh na dinguh lampi salhvak dingin meikuong in na pui sek a.

SAM LEHKHABU THE PSALMS 99:7

Amau kawm a chun meipi’n thu a gen a! A thuhetsak te leh a thuguot amau kawma a piek chuh a zui u a.

DAN NIHNA 1:33

Na masang u a chieh na puon-In zakna dingu hun hawldawk sak, na lampiu hun kâwkmuh dinga zan leh meikuong a sun leh meipi a hun pui pa chuh ahi ngâla.

SAM LEHKHABU THE PSALMS 105:39

Amah chun a lieh dingin meipi a zam sak a, Zan a amau haw salhvak dingin mei a pie a.

SAM LEHKHABU THE PSALMS 78:14

Sun leh meipi’n a pui a, Chun, zan cheng leh meipi vak in a pui sek a.

NEHEMIA 9:19

Na zahngaihna thuk tak chun gamthip a khan amau haw chuh na thahtham diek puoh a, amau haw pui dingin sun leh meipi’n a taihsan puoh a, zan leh amau haw salhvak dingin meikuong chun le a taihsan diek puoi.

KISIMNA 14:14

Zie gama chêngte hi hilh ding ahiu hi. Zie mipite hin, Lalpa chuh ka kawm u ah na um a, ka chung u a meipi a na um chuh a muu a, sun a meipi leh zan a meikuong a ka masang u a na chieh sek dante a mu vek ngâl u a.

KISIMNA 10:34

Giehbuk a a kichawn dungzui u chun, Lalpa meipi chuh sun leh a chung u achun a um zel a.

PAWTDAWKNA 16:10

Israel chate kikhawm khawm chengcheng kawma Aron in thu a gen lai tak chun, thalek lam chuh a vak en a; chun, ngaitie, Lalpa lopina chuh meipi ah a hung kilang ta a.

DAN NIHNA 31:8

Chun, nanguh hun puipa chuh Lalpa ahi a, hun umpih zing intin, hun nusieh ngei puo’n tin, hun thahtham ngei puo’n a; lau ki’n la, lungkie hiel ki’n,” a ti a.

SAM LEHKHABU THE PSALMS 68:7

Aw Pathien, na mite ma a na hung pawt a, Gamgaw na hawhpai lai khan; Selah

SAM LEHKHABU THE PSALMS 77:20

Na mite chuh belam hawn bangin, Mosi leh Aron khut in na pui sek a.

SOLOMON LA 3:6

Meikhu ding banga gamthip a pata hung pawt a, sumkawlveite gimlim tin cheng leh murra leh begaw gimlim nam vengvung khu kuo ahi?

PAWTDAWKNA 10:10

Chun, amah chun a kawm u ah, “Lalpa chuh na kawm u ah um hen, na cha neucha chateu tawh ka hun chiehsak hiel lele, cham taka gen in kiphinna bawl guo na hiu hi tih a kichien tai.

PAWTDAWKNA 32:1

Chun, mipite chun Mosi chuh tâng akipat hungsuk hak a sak bêk phet un Aron kawmah a hung khawm u a, a kawmah, “Khai, ka mau pui dingin pathiente ei siem sak in; zie Mosi Aigupta gama pata ei puidawkpa hi la a chanchin ka he ta puoh ngâl un,” a tiu a.