PAWTDAWKNA 13:19 - PATHIEN LEKHABU THIENGTHO (BSI)

¹⁹ Chun, Mosi’n Joseph guhhaw chuh a sawm a: Israel chate kha, “Pathien in hung tawhtha ngêi ngêi intin, zie tieng chuleh, ka guhhaw hi zie apat a hi na zawn toh ding uh ahi,” ti’n a kihâksiel sak ta ngâl a.

PAWTDAWKNA 13:19 ပူးပေါင်းရင်းမြစ်များ

JOSHUA 24:32

Chun, Israel chate’n Aigupta gam apat Joseph guh a hun puok toh u khah Sekem khuo a mun, Sekem pa Hamor chate apat a Jakob in dangka zakhat a a châwk a khan a vui u a. Tichun zie chuh Joseph suonte gochan a hung hi tai.

NASEPTE 7:16

Chun, a luong chuh Sekem khuo a zawn tung u a, Abraham in Sekem khuo a Hamor chate laka thân, dangka suma a châwk akhan a vui tau hi.

THILSIEMBUL 48:21

Chun, Israel chun Joseph kawmah, “Ngaitie, thi ding ka hi ta a, himahlele, Pathien chuh na kawmah um intin, na pilepute gam ahin hun puikit in a.

LUKE 7:16

A bawn u chun lauhna a dim in, Pathien a pakcha tau a, “I lak u ah thiemgau lopitak hung um ahi ta hi,” a tiu a. “Pathien in a mite a hun tawh ahi ta hi!” a tiu a.

LUKE 1:58

Chun, a invengte leh a ulenau te chun, Lalpa’n a lungsiet mah mah hi tih a he tau a, a kipahpih chiet tau a.

PAWTDAWKNA 4:31

Chun, mipite chun a gingcha tau a: chun, Lalpa’n Israel chate gimtheih zie a mu tai tih a het un, a bawkkhup u a, a ho tau hi.

NASEPTE 7:15

Tichun, Jakob chuh Aigupta gam ah a va chieh a; tak achun amah leh ei suonteu chuh a thi tau hi.

HEBRAI 11:22

Taksanna ziekin Joseph chun, a thih ding a hung naih khan, Israel suonte pawt ding thu a gen a; a luong chung thu a thilhih ding dân cheng le a gen a.