PAWTDAWKNA 13:18 - PATHIEN LEKHABU THIENGTHO (BSI)

¹⁸ Zieziekchun Pathien in mipi haw chuh Tuipi San lam zuonin, gamgaw lam ah a pui kawi zaw ta a.

PAWTDAWKNA 13:18 ပူးပေါင်းရင်းမြစ်များ

DAN NIHNA 32:10

“Gamthip gam ah amah chuh a mu a, Gamthip chai tieltuol leh mau hulhul achun; ûmkimvel in a enkawla, A mitnaucha bangin a veng.

PAWTDAWKNA 14:2

“Israel chate kawm ahin thu gen in, vaikit u henla, Migdol leh tuipi kikal Pi-hahiroth Baal Zephon kieng achun giek u hen.

PAWTDAWKNA 12:51

Chun, zie ni ngêi chun Lalpa’n Israel suonte, a mipi haw chuh Aigupta gam apat chun a hawn hawn in a puidawk ta a.

SAM LEHKHABU THE PSALMS 107:7

Mihing chênna khuo tun macheng un, Lamzang tak ah a pui ta a.

JOSHUA 1:14

Na ziteu, na chaneu teu leh na ganguolteu hi chuh Jordan lui gâl a Mosi’n gam a hun pieknau achun um untin; nang haw mihat hangsante hi chu vang kigalvan in hung kai masau unla, na suohpih teu va panpih un na tin uh,

DAN NIHNA 17:16

Ahihziekin, leng chun sakawl tamtak a sepaihte dinga a neih ding ahi puo a, chun, mite chuh sakawl thenna a nei a Aigupta gama a chiehsak ding le ahi diek puoi: Lalpa’n, “Tu apat in zie lama chuh na chieh kit tâk loh dinguh ahi,” na kawm u ah a ti ta ngâla.

JOSHUA 4:12

Chun, Reuben suonte, Gad suonte, Manasseh nam kimkhatte chuh Mosi’n a kawm u a a na gen tâk bang khan Israel chate masang achun kigalthuom zo sa’n a galkai u a.

JOSHUA 4:13

Tichun, gâlthuom a kithuom zo sa’n mi singli vel kido dingin Jerikoh phaizawl achun Lalpa masangah a galkai u a.

SAM LEHKHABU THE PSALMS 136:16

A mite gamthip a puipa kawm achun: A zahngaihna chuh kumlekhuo a um ding ahi ngâl a.

THILSIEMBUL 50:25

Chun, Joseph in Israel suonte chuh a kihâksiel sak a, “Pathien in hun tawhtha ngêi ngêi ding ahi a, ka guhhaw hi zie apat ahih na zawn toh dinguh ahi,” a ti a.

PAWTDAWKNA 14:9

Chun, Aigupta mihaw chun sakawl chengcheng leh lengpa kangtalai leh a sakawl chung chuong mihaw leh a sepaihte chu tawh a delh u a. Pi-hahiroth naih Baal Zephon mun a Tuipi San panga a gieknau achun a va delhpha tau a.

SAM LEHKHABU THE PSALMS 68:8

Lei a kilîng dul dul a, Van haw khule Pathien ma ah a tuitha tau a: Sinai tâng nasan le Pathien masangah, Israel Pathien masang a chun a kilîng dul dul kha.