PAWTDAWKNA 13:12 - PATHIEN LEKHABU THIENGTHO (BSI)

¹² cha sûlhawng masapen leh na ganchau suok masapen chuh Lalpa dinga na kawihchuom zel ding uh ahi; a chal haw chuh Lalpa a ding hi’n au.

PAWTDAWKNA 13:12 ပူးပေါင်းရင်းမြစ်များ

NEHEMIA 10:36

Dan bu a kizik banga, ka chapateu laka pieng masapen leh ka ganchateu laka pieng masapen, ka bâwngguol u leh ka belam hawn lak u a pieng masapen chuh ka Pathien In u a nasem thiempu te kawma hun chawi dingin.

NEHEMIA 10:37

Chun, ka changbuong mêk masak pên u leh pei thillat te, thing chitin gah leh, uain leh sathau haw chuh ka Pathien u in a pindan a thiempute masanga ka hun chawih dinguh ahi. Chun, ka lo u a buh sawma-khat chuh Levi te masanga ka hun chawihkhawm dinguh ahi, ka nasep na mun u leh khuo haw a sawma-khat lakhawm chuh Levi chite ahi ngâl u a.

PAWTDAWKNA 13:1

Chun, Lalpa’n Mosi a hopih a,

PAWTDAWKNA 13:2

“Israel chate laka cha lutîl cheng, sûl hawng masa taphawt, mihing leh gancha le kei dinga na kawih thiengtho ding uh ahi, kei a ahiu hi,” ti’n a gen a.

PAWTDAWKNA 22:28

“Pathien chuh gensie ki’n la, na mite laka vaihawm haw chule hansie na lawh ding ahi puoi.

PAWTDAWKNA 22:29

“Na thai gah masapen leh na uain tui va masapen chuh vaigei lo a na lat ding ahi. Na chapa upapen chuh nei piek ding ahi.

PAWTDAWKNA 34:19

“Cha sûl hawng masapen chuh kei a ahi; chun, na ganchateu, a chal chengcheng; bâwngchal leh belamchal suok masapente chu tawh.

PAWTDAWKNA 34:20

Chun, sabiltung suok masapen chuh belamno a na tat ding ahi: na tat nawp loh chun a ngâwng na sukbawt ding ahi. Na chapa chengcheng laka pieng masapen chuh na tat ding ahi. Tichun ka masangah kuomah khutngawn a na hung kilat dinguh ahi puoi.

EZEKIEL 16:20

“Zielo chun le, na chanute na chapate nei hin sak haw chule kithawihna a mat zawh dingin a kawm u ah na pie a. Na hûkna hi thil namai ahi a ahim,

EZEKIEL 44:30

Gah masate laka a phapente, chun, na thillat teu laka a phapente, leh na thillat tincheng teu chuh thiempute a ding ahi: Chun, na In u a vangsakna a um zing theih na dingin na chângthâk mêk masak pên teu laka a masapente chuh thiempu kawma na piek dinguh ahi.

THIEMPUDANTE 27:26

Amahvang chuh, gancha laka pieng masapente chuh Lalpa chanvo ahi a, kuoma’n zie chuh amah nawp thu a thillat in a pie dinguh ahi puoi: bâwngno hileh, belamno hileh Lalpa chanvo ahi ngâl a.

KISIMNA 18:15

“Lalpa dinga a piek uh, sulhawng masapen taphawt chuh mihing le gancha le nanga hi’n a: amahvang chuh cha upapen chuh na tat tei ding hi’n tin, gan thiengtho lo no suok masapen chuh na tat ding ahi.

KISIMNA 3:12

“Ngaitie, Levi te hi Israel chate lak a pata cha lutîl, sûl hawng ta chuh keimah ngêi in ka lak ahiu a; Levi te chuh keia hi’n au.

KISIMNA 3:13

Cha lutîl chengcheng chuh keia ahi ngâla, Aigupta gama cha lutîl chengcheng ka suklup ni khan Israel chate laka cha lutîl chengcheng, mihing leh gancha keia dinga ka hauh ahi; keia hi’n au; kei hi Lalpa chuh ka hi,” a ti a.

KISIMNA 8:17

Israel suonte laka cha lutîl chengcheng chuh kei a ahi him u a; mihing leh ganchate tawh; Aigupta gama cha lutîl chengcheng ka thah lai khan, ka chanvo dinga ka guot ahi tai.

LUKE 2:23

Lalpa kawma piek dingin Naupang chuh Jerusalem ah a pui tau a.

DAN NIHNA 15:19

Na bâwngno u leh na belamchal pieng masapen taphawt chuh Lalpa na Pathien u chan dinga na piek dinguh ahi; bâwngchal pieng masapen chuh na sema na mat dinguh ahi puoh a, na belam suok masapen u chule a mul na met dinguh ahi puoi.