PAWTDAWKNA 12:51 - PATHIEN LEKHABU THIENGTHO (BSI)

⁵¹ Chun, zie ni ngêi chun Lalpa’n Israel suonte, a mipi haw chuh Aigupta gam apat chun a hawn hawn in a puidawk ta a.

PAWTDAWKNA 12:51 ပူးပေါင်းရင်းမြစ်များ

PAWTDAWKNA 12:41

Chun, hiti hi ahi a, kum zali leh kum sawmthum a hung beih phetin Lalpa mipite chengcheng chuh Aigupta gam apat chun a pawt tau a.

PAWTDAWKNA 6:26

Zie Aron leh Mosi te hi ahiu hi Lalpa’n “Aigupta gam apat in Israel chate asi-asen in puidawk un,” ti a a gennate chuh.

NASEPTE 13:17

Zie Israel Pathien hin, ei uh ei suonte a tel a, Aigupta gama a tham lai u khan nam lopi takin a siem a; a khut thilhih thei tak chun tak apat chun a puidawk ta a.

JUDA 1:5

Chun, khatvei chuh, bang cheng heta mahleu chin le, Lalpa chun Aigupta gam apat in mite a hukdawk a, zie nunga a gingchalote a sukmangthai zie thu haw khah, hun geldawk sak kit ka nawp ahi.

PAWTDAWKNA 3:8

Tichun, Aigupta pata hukdawk ding leh, zie gam apat a chuh puidawk a, Kanaan mite, Hit mite, Amor mite, Periz mite, Hiv mite, Jebus mite umna gam phatak leh lientak, bâwngnawi leh khuoizu a luong gama chuh puilut dinga hungsuk ka hi tai, a ti a.

PAWTDAWKNA 6:6

Zieziekchun Israel chate kawm achun, ‘Kei Jehovah chuh ka hi a, hun hukdawk ing ka ting, Aigupta te suok a na umnau apat hin hun suohchak sak ing ka. A chung u a gawtna lauh-um tak a tun theihna dingin bân zak hiel in hun hukdawk ing ka.

PAWTDAWKNA 7:4

Himahlele Pharao’n na thuu pawm nuom puo’n tin, Aigupta chung ahin gawtna tunsak ing ka ting, ka mi Israel chate, ka mipite hi Aigupta gam apat chun puidawk ing ka.

PAWTDAWKNA 12:50

Chun, Israel chate chengcheng chun khutibang chun a hih u a, Lalpa’n Mosi leh Aron thu a piek bang ngêi chun a hih tau a.

PAWTDAWKNA 13:1

Chun, Lalpa’n Mosi a hopih a,

PAWTDAWKNA 16:1

Chun, Elim mun apat chun a pawtdawk u a, chun, Israel chate chengcheng Aigupta gam apat a pawt uh apat tha nihna, ni sawmlenga ni’n Elim leh Sinai tâng kikala Sin thalek a va tung u a.

PAWTDAWKNA 19:1

Chun, Israel chate Aigupta gam apat a pawt u apat a tha thumna, zie ni mah chun Sinai thalek a tung u a.

SAM LEHKHABU THE PSALMS 114:1

Israel te chuh Aigupta a kipatin a pawt u a, Jakob inkawte ngêi chu pau hetloh lak ah a pawt lai u khan.

SAM LEHKHABU THE PSALMS 136:11

A lak u a pata Israel puidawkpa kawm achun: A zahngaihna chuh kumlekhuo a um ding ahi ngâl a.

AMOS 2:10

Chun, Amor te gam luoh dingin, Aigupta gam apat in ka hun puidawk a, gamthip ah kum sawmli sung chuh nanguh ka hun pui a.

MIKA 6:4

Aigupta gam apat chun ka hun puidawk a, suok apat in ka hun tandawk a; na mau ah Mosi te, Aron te leh Miriam te, a hun pui dingin ka sawl kha!

THILSIEMBUL 50:24

Chun, Joseph in a suohpihte kawmah, “Thi ding ka hi ta a, himahlele Pathien in hun tawhtha ngêi ngêi intin, zie gam apat hin hun puidawk in, Abraham te, Isak te, Jakob te kawma kihâksiela piek a tiem gam ah hun puito ina,” a ti a.

THIEMPUDANTE 23:43

Tichun, Israel chate chuh Aigupta gam apat ka puihdawk lai khan sawlbuk ah ka um sak hi tih na suon teu chun hethei un au: kei hi Lalpa na Pathien u chuh ka hi, a tii ti’n.

KISIMNA 23:22

Pathien in Aigupta apat in a puidawk a, a mau chule zangsiel banga thahat ahi.

KISIMNA 26:4

Lalpa’n Mosi kawma thu a piek bangin Israel mipite chuh kum sawmnih apat achunglam na sim ding ahi, Israel chate Aigupta gam apat a hung pawtte chuh ziehaw hi ahiu hi.

KISIMNA 33:1

Ziehaw hi Mosi leh Aron makaihna nuoi a, Israel chate’n Aigupta a pawtsan u a, a inkuon dungzui zela, giehbuk a siem na mun teu chuh ahi.

DAN NIHNA 4:37

Na pu na pateu a hehpih ziekin a nung u a a suonteu chuh a hun tel a, a umpihna leh a hatna nasatak chun Aigupta apat a hun puidawk a;

DAN NIHNA 16:1

Abib tha chuh umnit unla, Lalpa na Pathien u dingin Chiehkân Kut chuh lawm un: Abib tha hin ahi Lalpa na Pathien un Aigupta gam apat a hun puih dawk chuh.

JOSHUA 24:5

Chun, Mosi leh Aron ka sawl a, Aigupta gam chuh a lak u a thilmak hihin ka gawt a; zie zawh chun ka hun puidawk ta a.

1 LENGTE 6:1

Chun, Israel chate Aigupta gam apat a a hung pawtdawk nung uh, kum zali leh sawmgietna, Israel te chunga Solomon vaihawm kum lina, Ziv tha, tha nihna chun Lalpa In sak ding chu a pan ta a.

2 KHANGTHUBU 14:12

Khutichun Lalpa’n Asa leh Juda te ma achun Ethiopia mite chu a do a; tichun, Ethiopia mite chuh a taise tau hi.