PAWTDAWKNA 12:50 - PATHIEN LEKHABU THIENGTHO (BSI)

⁵⁰ Chun, Israel chate chengcheng chun khutibang chun a hih u a, Lalpa’n Mosi leh Aron thu a piek bang ngêi chun a hih tau a.

PAWTDAWKNA 12:50 ပူးပေါင်းရင်းမြစ်များ

THUPHUON 22:15

Himahlele, khawpi pawlam achun, uichate, dawithiemte, kideihchak nuomte, tuolthatte, milim hote leh, a thu leh a thilhih uh a lepchiehte um un au.

JOHAN 15:14

Thu ka hun piek cheng na hih u chun, ka guolte hi’n lau.

JOHAN 13:17

Zie tawbang thudik na het u chuh hih leu chin, bang tienga kipâkin na um ta phet ding um maw!

JOHAN 2:5

Ziephet chun, Isu nu chun tuonvaite kawmah, “Na kawm u a a gen tâk chuh hih zel un,” a ti a.

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

DAN NIHNA 12:32

Hih dinga thu ka hun piek chengcheng hi na hih dinguh ahi; na behlap dinguh ahi puoh a, na lâk khen dinguh le ahi diek puoi.

PAWTDAWKNA 12:41

Chun, hiti hi ahi a, kum zali leh kum sawmthum a hung beih phetin Lalpa mipite chengcheng chuh Aigupta gam apat chun a pawt tau a.

PAWTDAWKNA 7:4

Himahlele Pharao’n na thuu pawm nuom puo’n tin, Aigupta chung ahin gawtna tunsak ing ka ting, ka mi Israel chate, ka mipite hi Aigupta gam apat chun puidawk ing ka.

PAWTDAWKNA 6:26

Zie Aron leh Mosi te hi ahiu hi Lalpa’n “Aigupta gam apat in Israel chate asi-asen in puidawk un,” ti a a gennate chuh.

HEBRAI 11:27

Taksanna ziekin leng lungnat chuh lau lo in, Aigupta gam a taihsan a, muhtheihlohpa chuh a muh ziekin a thuok tuntun a.

PAWTDAWKNA 12:49

Chun, zie gam a pieng den leh na kawm u a nam dang umte dingin dân kibang a um ding ahi,” a ti a.

PAWTDAWKNA 12:51

Chun, zie ni ngêi chun Lalpa’n Israel suonte, a mipi haw chuh Aigupta gam apat chun a hawn hawn in a puidawk ta a.

KISIMNA 3:51

Chun, Lalpa’n thu a piek bangin Mosi chun tatna sum chuh Aron leh a chapate a pie ta a.

KISIMNA 5:4

Tichun Israel chate chun khutibang chun ahih u a, amau haw chuh giehbuk pawlam ah a kawihdawk vek tau a,

KISIMNA 8:19

Tia chuh, Israel chate thasanga kihona puon-In a na sem ding leh, Israel chate’n Mun thiengtho a hun naih uh lele a lak u a hipi alen lohna dingin, a vengbit dingin Israel chate lak apat in Levi te haw hi Aron leh a chapa te ka piek ahi,” ti’n.

KISIMNA 8:20

Khutibang chun Mosi leh Aron leh Israel chate kikhawm khawm haw chengcheng chun Levi te haw chungah a hih u a. Levi te chungchâng thu a Lalpa’n Mosi thu a piek bang tak chun, a chungu ah Israel chate chun a hih u a.

KISIMNA 8:22

Zie zawh chun, Levi te chuh Aron leh a chapate nuoia nasem ding chun kihona puon-In sung ah a lut u a, Lalpa’n Levi te chungchâng thu a Mosi kawma hih dinga thu a piek bang chun a hih tau a.

KISIMNA 9:5

Khutichun, tha khatna, ni sawmleli mielzul in Sinai thalek achun Chiehkân Kut chuh a mang pan tau a; Lalpa’n Mosi kawma thu a piek guol chun Israel chate chun a hih u a.

KISIMNA 36:10

Tichun, Lalpa’n Mosi thu a piek bangtak chun Zelophehad chanute chun a hih u a.