PAWTDAWKNA 12:48 - PATHIEN LEKHABU THIENGTHO (BSI)

⁴⁸ Chun, nam dang na kawm u a um in Lalpa chiehkân hi hih a nawp chun, a pasalteu chengcheng zek a tan masak ding uh ahi; zie chuh hih dingin amah chuh hung nai intin, amah chuh zie gam ahi pieng guola ngaih hi’n a; himahlele zek tan loh mi chun a nêk loh hiel ding ahi.

PAWTDAWKNA 12:48 ပူးပေါင်းရင်းမြစ်များ

KISIMNA 9:14

“Chun, Gamdang mi, na kawm u a umte’n Lalpa dinga Chiehkân Kut na a tel a nawp u chun, Chiehkân Kut a hih ding kiguot leh, a dân bangin a hih dinguh ahi, zie gama mite leh; gamdang mi haw dingin dân kibang na neih dinguh ahi, ti’n gen in,” a ti a.

KOLOSSA 3:11

Zie tak achun Grik mi leh Juda mi, zektan leh tan loh, nam chuom te, Skuthia mite, suok leh suok lo tih a um ta puoi; Krista chuh bang cheng hi zaw’n, bangakaia le a um hi.

GALATI 3:28

Khutichun, Juda leh Grik kal a kilamdanna a um ta puoh a, suok leh suok lo kal a le, numei leh pasal kal a le a um diek ta puoi; na bawn u chun Krista achun pumkhat na hung hi tau hi.

EZEKIEL 47:22

Chun, hiti hi hi’n tin, na gam chan ding u leh na lak u a nam dang cheng, zi le cha neisate gam chan ding chuh na hawp dinguh ahi. Amau haw chule, Israel cha a piengte banga a um dinguh ahi a, Israel chate lak ah, nangmau haw bang mah a chan a neih dinguh ahi.

PAWTDAWKNA 12:43

Chun, Lalpa’n Mosi leh Aron kawmah, “Ziehi Chiehkân Kut thupiek na mat dân ding chuh ahi: gamdang mi chun a nêk loh dinguh ahi:

PAWTDAWKNA 12:19

Ni sagih sung chuh na insung u ah chawl himhim a um loh ding ahi:

EZEKIEL 44:9

“Lalpa Pathien chun hiti hin a tii; gamdang mi kuomah, phehlevo leh lunggil zektan lohte, Israel chate laka gamdang mi mawngmawng chuh ka mun thiengtho a a lut loh dinguh ahi.”

THILSIEMBUL 17:12

Tichun na lak u a ni giet a upa chuh, na suonsawn zel hawu chan inle, na suon uh hi khello le na In a pieng ahim, malzin kuo hitaleh suma châwk hilele pasal taphawt chuh zek tan ding ahi.

THILSIEMBUL 17:11

Tichun na zek vun uh taksa achun na tan dinguh ahi, zie chuh nang tawh I kikala thugawlh melchikna hi’n a.

EZEKIEL 14:7

“Israel inkuon laka kuole, malzin Israel gama chêngte le, kei apat kikawihchuoma, a lungthim u a milim la luta, a masang u a gitlohna a pukna kawih zing kawma a chungthuu ei dawng dinga thiemgau kawma hung taphawt chuh kei, Lalpa, keimah ngêi hin dâwng ing ka.

THIEMPUDANTE 19:34

Gamdang mi na lak u a chêngte chuh nanguh dingin na gam u a mi him ahih dinguh ahi; nangmah na kihehpih bang taka na hehpih ding ahi. Nang haw le Aigupta gama khan gamdang mi na hiu kha. Kei hi Lalpa na Pathien uh ka hi ngâl a.