PAWTDAWKNA 12:37 - PATHIEN LEKHABU THIENGTHO (BSI)

³⁷ Khutichun, Israel chate chuh Rameses apat keng in a kipan dawk u a, Sukkoth a zuon tau a, naupang simloh in, pasal piting chiet nuoigup hiel ahiu hi.

PAWTDAWKNA 12:37 ပူးပေါင်းရင်းမြစ်များ

KISIMNA 1:46

A sim chengcheng teu chuh nuoigup leh sangthum leh zanga leh sawmnga ahiu hi.

PAWTDAWKNA 38:26

Kum sawmnih apat a chunglam kisimna laka tel dinga chieh, nuoigup leh sangthum leh zanga leh sawmnga te chuh mun thiengtho a sekel kipie sek tawbanga sim chun beka khat chiet (zie chuh sekel kimkhat ahi) pie tawbang ahiu hi.

KISIMNA 33:5

Tichun Israel chate chuh Rameses apat in a pawt u a, Sukkoth ah a kikulh u a.

KISIMNA 33:3

Chiehkân Kut a mat zawh uh, tha khatna, ni sawmlenga ni chun, Israel mipite chun hangsan takin Aigupta a pawtsan u a. Lalpa venbitna nuoi ah Rameses khawpi chuh a pawtsan tau a,

KISIMNA 11:21

Chun, Mosi’n Lalpa kawmah: “Ka umpih mipite hi keng a chieh thei chiet le nuoi gup ahiu a: chun, nangin, tha khat lûm kêi nek ding sa hun pie’ng ka na ti a.

THILSIEMBUL 47:11

Tichun, Joseph chun a pa leh a suohpihte chuh Aigupta gam achun a chensak ta a, Rameses khawpi kienga Aigupta a gam phapen leh neihlelamte chuh Pharao’n thu a piek bang chun a pie ta a.

PAWTDAWKNA 1:11

Khutichun, Aigupta mite chun na haksa taktak sep sak in, amau haw sugimthei dingin a chung u ah lawiupa a guot sak tau a, Israel chate chun lengpa dinga nek ding kawihkhawmna mun dingin Pithom khawpi leh Ramases khawpi achun In a sa tau a.

KISIMNA 26:51

Ziehaw hi Israel suon a sim hawu cheng chuh ahiu hi, nuoigup leh sangkhat leh zasagih leh sawmthum ahiu ui.

KISIMNA 2:32

Ziehaw hi Israel khanggui chieh dana mi a ziklut hawu chuh ahi a, abawn a kigawm in nuoigup leh sangthum leh zanga leh sawmnga ahiu hi.

THILSIEMBUL 46:3

Chun, Amah chun, “Kei Pathien, na pa Pathien chuh ka hi; Aigupta gama va chieh chuh lau ki’n; zie achun chi lopitak a hun siem ding ka hi.

THILSIEMBUL 15:5

Chun, amah chuh pawlam ah a puidawk a, “Van lam khu en in la, aksihaw khu na sim theih chun sim in: na suonte chuh khuti zat khu hung hi’n au,” a ti a.

THILSIEMBUL 12:2

tichun nam lopi takin hun siem ing ka ting, chun, hun vangsak ing ka; na min sulopi’ng ka ting, chun, nang vangsakna hung hi’n la:

PAWTDAWKNA 10:9

Mosi chun, “A têk a khang in chieh ding ka hiu hi, ka chapateu, ka chanuteu tawh; ka belam guolteu leh ka bâwng guolteu tawh, chieh ing kau; Lalpa kawma Kut ka neih tei dinguh ahi ngâl a,” a ti a.

PAWTDAWKNA 13:20

Chun, Sukkoth apat chun a pawt u a, gamgaw chin tak Etham mun ah a giek u a;

KISIMNA 1:2

Israel chate kikhawm khawm chengcheng te chuh a chi a chi’n, a kigoluoh dungzui un, a min uh kizawm dân bang zelin pasal chengcheng sim suok in;