PAWTDAWKNA 12:28 - PATHIEN LEKHABU THIENGTHO (BSI)

²⁸ Tichun, Israel chate chuh a chieh u a, Lalpa’n Mosi leh Aron thu a piek bang chun a hih tau hi.

PAWTDAWKNA 12:28 ပူးပေါင်းရင်းမြစ်များ

HEBRAI 11:28

Taksanna ziekin, Chiehkân Kut leh kawtbienga thisan theh khah a siem a, ti a chuh, thihna vânsâwlchâk chun, Israel chate nautil haw chuh a thah lohna dingin.

PAWTDAWKNA 12:27

‘Zie hi Lalpa chiehkân kithawihna ahi, amah chun Aigupta mite a suklup lai khan ka In teu chuh a chiehkan a, Aigupta gama Israel chate In chuh a chiehkân ahi, na hun tih ding uh ahi,’” a ti a. Israel mite chun a luu khun in a ho tau a.

PAWTDAWKNA 12:29

Chun, hiti hi ahi a, zankhang lai chun Lalpa chun Aigupta gama cha lutîl chengcheng, lalchutphah a chu Pharaoh cha lutîl apat in suongkul ngakte cha lutîl gei in, gancha suok masapen tiengin a sulum vek ta a.

PAWTDAWKNA 7:6

Mosi leh Aron chun Lalpa’n amau thu a piek bang ngêi chun a hih tau a.

PAWTDAWKNA 7:10

Chun, Mosi leh Aron chuh Pharaoh kawmah a va lut u a, chun, Lalpa thupiek bang chun a vak hih u a; Aron chun a tiengkhut chuh Pharaoh leh a miliente masang achun a vak septha a, chun, gûl a hungsuok ta a.

PAWTDAWKNA 12:35

Chun, Israel suonte chun Mosi thu bang chun a hih u a: Aigupta mite kawm achun dangkathîk kicheina leh sana kicheina leh silhlechen a ngên u a:

PAWTDAWKNA 14:4

Chun, Pharaoh lunggil chuh sukkhauh sak ing ka ting, tichun hun delh intin; chun, ken Pharaoh leh a sepaih haw chengcheng akipat chuh limbawlna lawh ing ka; tichun Aigupta mite’n kei hi Lalpa chuh ka hi tih he’n au,” ti’n. Tichun, zie tawbang chun ahih ta a.

PAWTDAWKNA 36:1

“Chun, Bezalel, Oholiab leh mi themthiem, kuole Lalpa’n thu a piek bang zela mun thiengtho a nasepna tincheng sem thei dinga chitna leh hetthiemna a piekte chauh chun a sep ding uh ahi,” a ti a.

PAWTDAWKNA 39:32

Khutichun kihona puon-In na chengcheng chuh a zo tau a: tichun Lalpa’n Mosi kawma hih dinga thu a piek bangtak khan Israel chate chun a hih u a.

PAWTDAWKNA 39:42

Lalpa’n Mosi kawma hih dinga thu a piek chengcheng chuh Israel chate chun a hih suok kêi tau a.

PAWTDAWKNA 39:43

Mosi’n zie nasep chengcheng chuh a en a, a zo suok kêi tau a; ngaitie, Lalpa thupiek bang takin a zo suok kêi tau hi: tichun Mosi’n amau chuh a vangsak ta a.

THIEMPUDANTE 24:23

Chun, Mosi’n zie thu chengcheng chuh Israel chate kawma a gen zawh phetin, hansie lawhpa chuh giehbuk pawlam ah a puidawk u a, suongin a sep lum tau a. Tichun, Israel chate chun Mosi kawma Lalpa thupiek guol chun a hih tau a.

KISIMNA 1:54

Khutibang chun, Israel chate’n a hih u a; Lalpa’n Mosi thu a piek guol chun a hih tau hi.

KISIMNA 5:4

Tichun Israel chate chun khutibang chun ahih u a, amau haw chuh giehbuk pawlam ah a kawihdawk vek tau a,

KISIMNA 31:31

Tichun Lalpa’n Mosi thu a piek bang chun Mosi leh thiempu Eleazar chun a hih u a.

KISIMNA 31:41

Lalpa’n Mosi thu a piek bang in sieh, Lalpa deihchuom a piek chuh Mosi’n thiempu Eleazar a pie a.

KISIMNA 31:47

gancha sawmnga zel ah khat a la a, Lalpa thupiek bangin Lalpa puon-In enkawl Levi te a pie a.

DAN NIHNA 34:9

Chun, Nun chapa Joshua chuh chitna thagau in a dima; Mosi’n a chunga a khut a ngak ziekin; chun, Israel suonte chun a thu a zui u a, Lalpa’n Mosi thu a piek guol khan a hih u a.

JOSHUA 2:21

Amah chun, “Na gen bang tak u chuh hi hen,” a ti a. Tichun a mau chuh a chieh sak a, a kikhen tau a; chun, amahnu chun, patzang san chuh tukvan achun a khaitha ta a.

JOSHUA 4:8

Tichun, Israel chate chun Joshua’n a thupiek bang chun a hih u a, Israel chate phung zah, Jordan lui lai a suong sawmlenih a lau a; a giekna mun u ah a puphei u a, zie tak achun a kawih tau a.

JOSHUA 14:5

Lalpa’n Mosi thu a piek bang khan Israel chate chun a hih u a, gam chuh a hawm u a.

2 SAMUEL 5:25

Khutichun Lalpa’n thu a piek bang chun David in a hih a; Philistia mite chu Geba apat in Gezer tiengin a that zel ta ahi.

1 LENGTE 17:5

Khutichun, Lalpa thu bang chun a chieh ta a, a va um ta a: Jordan suohlam a um Cherith lui achun a va um ta a.