PAWTDAWKNA 12:27 - PATHIEN LEKHABU THIENGTHO (BSI)

²⁷ ‘Zie hi Lalpa chiehkân kithawihna ahi, amah chun Aigupta mite a suklup lai khan ka In teu chuh a chiehkan a, Aigupta gama Israel chate In chuh a chiehkân ahi, na hun tih ding uh ahi,’” a ti a. Israel mite chun a luu khun in a ho tau a.

PAWTDAWKNA 12:27 ပူးပေါင်းရင်းမြစ်များ

PAWTDAWKNA 4:31

Chun, mipite chun a gingcha tau a: chun, Lalpa’n Israel chate gimtheih zie a mu tai tih a het un, a bawkkhup u a, a ho tau hi.

PAWTDAWKNA 12:11

Chun, na nek dân ding u chuh hiti hi hi’n a, na kâwng uh gâk sa’n, na keng u a kengtawbek butsa’n, na khut u a na tiengkhut uh chawikawm in; chun, kintaka na nek ding uh ahi; Lalpa chiehkân ankuong hi ding ahi ngâl a.”

1 KORINTH 5:7

Na hung thientho suok kêi theihna dingun, gitlohna chawl lui chengcheng chuh ladawk vek un. Khutichun, chawl tello na hih guol mah un, chângthâk lawm thak hung hi thei un lau. I Chiehkân Kut na ding u chuh a that ta ngâl u a; Krista ngêi chuh.

PAWTDAWKNA 12:23

Lalpa chun Aigupta mite that dingin hun hawhpai ding ahi ngâl a; tichun kawtkhak chung leh kawtbieng tuoka thisan bek a muh tieng leh Lalpa chun kawt chuh chiehkân intin, thihna vânsâwlchâk chuh nang haw hun sulum dingin insung achun hun lut sak puo’n a.

NEHEMIA 8:6

Tichun, Ezra chun, Lalpa Pathien lopi tak chuh a pakchau a, “Amen, Amen,” ti’n a khut uh dawmsang kawm in a na dâwng u a. Chun, a maichang u a leisi’n a khun u a Lalpa chibai a bûk tau hi.

2 KHANGTHUBU 29:30

Lengpa Hezekia leh milien te chun Levi te chu David leh thiemgau Asaph phuok, pahchakna la sa ding in thu a pie a, mitin chun kipâk tak in pahchak na la a sau a, a khun u a, Pathien a ho tau a.

2 KHANGTHUBU 20:18

Khutichun Jehoshaphat chu a mai a lei si’n a khun a; chun, Juda mite chengcheng leh Jerusalem mite chengcheng chu Lalpa aho u a, Lalpa masang ah a khun u a.

1 KHANGTHUBU 29:20

Chun, zie zawh chun David in mipi cheng chengte kawm achun, “Khaile, Lalpa na Pathien u chuh pakchau un,” a ti a. Tichun, mipi chengcheng chun Lalpa, a pileputeu Pathien chu a pakchau a, a khun u a, Lalpa leh leng chuh chibai a bûk u a.

DAN NIHNA 16:5

Lalpa na Pathien un a hun piek na khuou khawimah ah Chiehkân kithawihna chuh nei thei puo’n lau;

DAN NIHNA 16:2

Lalpa’n a Min umna dinga a tel ding mun achun Lalpa na Pathien u kawmah Chiehkân kithawihna dingin na ganchau, belam ahim, bâwng ahim pieu in.

PAWTDAWKNA 34:25

“Kei dinga kithawihna sa thisan chuh chângthâk chawl sawh tawh na hun piek ding uh ahi puoi, Chiehkân kut kithawihna chuh a zing tieng in umsak ding ahi diek puoi.

PAWTDAWKNA 34:8

Ziephet chun, Mosi chuh kintakin tuol ah a bawkkhup a, a ho ta a.

PAWTDAWKNA 10:2

Chun, Aigupta te chunga ka thilhih dân haw leh a lak u a ka thilmak hihhaw hi na chapateu leh na chapate chate zaka na gen ding ahi; kei hi Lalpa chuh ka hi tih na hettheih na dingun,” a ti a.

PAWTDAWKNA 12:28

Tichun, Israel chate chuh a chieh u a, Lalpa’n Mosi leh Aron thu a piek bang chun a hih tau hi.

PAWTDAWKNA 13:14

Chun, hiti hi hung hi’n tin hun hungtung dinga na chapateu in, ‘Ziehi bangti dân ahi?’ ti a a hun dawt tak u leh, nang un a kawm u ah, ‘Khut hattak in Lalpa’n Aigupta gama suok a ka um u khah ei puihdawk ahi:

SAM LEHKHABU THE PSALMS 44:1

Aw Pathien ni dang lai a na thilhih haw kha ei suonteu in a damlai un ei hilh u a, ka nakhang un ka zau a.

PAWTDAWKNA 13:8

Zie ni chuleh na chateu kawmah, ‘Aigupta gam apat a ka hung pawt lai u khan Lalpa’n thil ei na hihsak zieka kihih ahi,’ ti a na hilh dinguh ahi.

SAM LEHKHABU THE PSALMS 78:5

Jakob achun a thuguot chuh a phut det a, Israel kieng ah dân a guot a, Ziehaw chuh ei suonteu kawmah thupiek in a pie a, Amau chun zie thu chuh a suonteu kawma a hetsak dingun.