PAWTDAWKNA 12:17 - PATHIEN LEKHABU THIENGTHO (BSI)

¹⁷ Chun, chângthâk chawl sawhloh guolvak ni chuh na nit ding uh ahi, zie ni ngêi chun Aigupta gam apat in mipi haw chuh ka puidawk ngâla; zieziekchun na suonteu chan a kumkhuo thugawlh a um zing dingin zie ni chuh na nit ding uh ahi.

PAWTDAWKNA 12:17 ပူးပေါင်းရင်းမြစ်များ

PAWTDAWKNA 13:8

Zie ni chuleh na chateu kawmah, ‘Aigupta gam apat a ka hung pawt lai u khan Lalpa’n thil ei na hihsak zieka kihih ahi,’ ti a na hilh dinguh ahi.

PAWTDAWKNA 13:3

Chun, Mosi’n mipite kawm achun, “Aigupta te suok apat a na pawt niu tuni hi hezing un; zie ni hin Lalpa’n a thilhih theihna’n nang uh a hun puidawk a: chângthâk chawl kisawh himhim chuh na nek loh dinguh ahi.

PAWTDAWKNA 12:41

Chun, hiti hi ahi a, kum zali leh kum sawmthum a hung beih phetin Lalpa mipite chengcheng chuh Aigupta gam apat chun a pawt tau a.

PAWTDAWKNA 7:5

Chun, Aigupta chunga ka khut ka vak zak a, a lak u apat a Israel chate ka puihdawk tieng le chuh, Aigupta mite chun kei hi Lalpa chuh ka hi tih hun he ta’n au,” a ti a.

KISIMNA 20:16

Tichun Lalpa ka sam u a, ka kiko aw teu chuh a na za a, a van sawlchak a hun sawl a, Aigupta gam apat in ei puidawk a, Tuhin na gam tawppen a Kadesh a hin ka um tau hi,

PAWTDAWKNA 6:26

Zie Aron leh Mosi te hi ahiu hi Lalpa’n “Aigupta gam apat in Israel chate asi-asen in puidawk un,” ti a a gennate chuh.

PAWTDAWKNA 12:6

Zie tha ni sawmleli tienga chuh na kawih ding ahi a; chun Israel mipi kikhawm khawm chengcheng chun mielzul a a thah ding uh ahi.

PAWTDAWKNA 12:14

Chun, zie ni hi nang uh dingin hetzing na ni hi’n tin, Lalpa dinga guolvakna ni a na mat dinguh ahi; na suonteu chanin kumkhuo thuguot ding a um zing dinga guolvakna ni a na mat dinguh ahi,” a ti a.

PAWTDAWKNA 12:24

Nang haw leh na chateu in zie dân hi kumkhuo a na zuih ding uh ahi.

PAWTDAWKNA 13:10

Khutichun zie kut hi kum chengin a hun taka chuh na hun mat zing ding uh ahi.

PAWTDAWKNA 34:18

“Chângthâk chawl sawhloh kut na neih ding uh ahi. Thu ka hun piek tâksa bang khan, ni sagih sung chuh, chângthâk chawl sawhloh, Abib tha a hun guot a chuh na nek ding uh ahi; zie tha khan Aigupta gam apat a hung pawt na hi ngâl u a.

DAN NIHNA 16:3

Chângthâk chawl kisawh tawh na nek dinguh ahi puoi; ni sagih sung chângthâk chawl sawhloh, gimtheihna chângthâk, chuh na nek dinguh ahi zawi, kinlebuong a Aigupta na nutsieh lai u a na nek u tawbang kha; khutia chuh na damsung cheng u a Aigupta na nutsieh niu kha na hetzing theihna dingun.