PAWTDAWKNA 12:15 - PATHIEN LEKHABU THIENGTHO (BSI)

¹⁵ Chun, “Ni sagih sung chuh chângthâk chawl sawhloh na nek ding uh ahi a: ni khat ni apat chun na insung u apat chawl chuh na thielngim suok dinguh ahi: kuole ni khat ni apat a ni sagih ni chana chângthâk chawl sawh ne taphawt chuh, zie mite chuh Israel te lak apat a satthak hi’nau.

PAWTDAWKNA 12:15 ပူးပေါင်းရင်းမြစ်များ

DAN NIHNA 16:3

Chângthâk chawl kisawh tawh na nek dinguh ahi puoi; ni sagih sung chângthâk chawl sawhloh, gimtheihna chângthâk, chuh na nek dinguh ahi zawi, kinlebuong a Aigupta na nutsieh lai u a na nek u tawbang kha; khutia chuh na damsung cheng u a Aigupta na nutsieh niu kha na hetzing theihna dingun.

THILSIEMBUL 17:14

Himahleh, pasal zektan loh taphawt chuh, zie pa ngêi chuh a chipihte laka pat sukmang hi’n a; amah chun ka thugawlh chuh a susie ngâla” a tikit a.

KISIMNA 9:13

Amahvang chuh thiengtho ngâl, zinmangna nei le hilo a, Chiehkân Kut a tello chuh ka mipite lak apat satthak hi’n au; a hunbi a Lalpa kawma thillat a lat loh ziekin amah chun a gitloh mawh puo’n a.

PAWTDAWKNA 34:18

“Chângthâk chawl sawhloh kut na neih ding uh ahi. Thu ka hun piek tâksa bang khan, ni sagih sung chuh, chângthâk chawl sawhloh, Abib tha a hun guot a chuh na nek ding uh ahi; zie tha khan Aigupta gam apat a hung pawt na hi ngâl u a.

PAWTDAWKNA 23:15

Thu ka hun piek bangin, Aigupta gam na nutsieh kum uh, Abib tha chun chângthâk chawl sawhloh kut ni sagih na mat ding uh ahi. Zie kut sung ni sagih chuh chângthâk chawl tel himhim na nêk loh dinguh ahi. Tichun, ka ma ah kuomah khutngawn a na hung kilat loh dinguh ahi.

DAN NIHNA 16:8

Zie zawh ni gup sung chuh chângthâk chawl sawhloh na nek dinguh ahi; a ni sagih ni chuleh Lalpa na Pathien u a ding a kikhawppi thiengtho hi’n tin, zie ni chuleh na himhim na sep loh dinguh ahi.

KISIMNA 28:17

Zie tha ni sawmlenga ni chun guolvakna chuh kipan intin, ni sagih sung hiding ahi; zie hun sung chun chângthâk chawl sawhloh nek ding ahi.

PAWTDAWKNA 34:25

“Kei dinga kithawihna sa thisan chuh chângthâk chawl sawh tawh na hun piek ding uh ahi puoi, Chiehkân kut kithawihna chuh a zing tieng in umsak ding ahi diek puoi.

PAWTDAWKNA 12:8

Chun, belam no sa chuh zie zan ngêi achu a nek dinguh ahi a; em min un tin, chângthâk chawl sawhloh tawh hampa kha tawh a meh dinguh ahi.

GALATI 5:12

A hun subuoite chuh, amau leh amau kitan bawng leh pha ka sai.

NASEPTE 12:3

Zie chun, Judate a sukipak hi tih a het in, Peter chule mat a guo kit zel a. (Zie chuh, Chângthâk Chawl sawhloh Kut hun lai ahi.)

LUKE 12:1

Khutia mipi sang tamtak, kinawk lullul khawp hiela a hung kikhawp phat u chun, Isu’n a masapen in a sinsakte kawmah, “Pharisaite chawl lak apat chun kivêng phau in.

MATTHAI 16:12

Ziephet chun, chawl, chângthâk laka kithak sek apat a chingthei dingin a hilh puoh a; Pharisaite leh Sadukaite Sinsakna laka chingthei dingin hilh ahiu hi tih a he dawk tau a.

MALAKI 2:12

Zie tawbang thilhihte chuh, Jakob puon-In apat Lalpa’n paih dawk henla, Sepaih te Lalpa kawma thillante chan in.

DAN NIHNA 16:5

Lalpa na Pathien un a hun piek na khuou khawimah ah Chiehkân kithawihna chuh nei thei puo’n lau;

THIEMPUDANTE 17:14

Ganhing chengcheng hinna thu achun, a thisan chuh a hinna ahi a; zieziekchun Israel chate kawma, Bang sa hileh a thisan na nek loh dinguh ahi, kuole a ne taphawt chu, ka mite lak apat satthak a um ding ahiu hi, ti a a gen kha;

THIEMPUDANTE 17:10

Kuole, Israel inkuon laka mi ahim, gamdang mi na kawm u a khuosa ahim, sa, a thisan puma nete chuh, Lalpa lungnatna chuh a chungah um intin, a chipihte lak apat satthak hiding ahi.

PAWTDAWKNA 31:14

Zieziekchun, chawlhni hi na nit dinguh ahi; zie chuh nang u dingin ni thiengtho ahi ngâl a. Kuole nit lo a subuok ta chuh suklup ngêi ngêi ding ahi.

LUKE 2:43

Chun, kut a kichaih phet chun, in lama kilehkit dingin a kipan tau a, himahleh, naupang Isu chuh Jerusalem achun a um den ta a; a nu leh pa chun zie chuh a he puou hi.

PAWTDAWKNA 30:33

Kuo’n le a kibatpih siem in ahim, midang, thiempu hilote dingin a na mang taleh, zie mi chuh ka mite lak apat satthak hi’n a,’ ti’n gen in,” a ti a.

2 KHANGTHUBU 30:21

Israel mi Jerusalem a umte chun chângthâk chawl sawhloh kut chu kipâk takin ni sagih a mang u a; chun, Levi te leh thiempute chu kingkang ngeihtak tawh theihtawp a la sa’n ni chengin Lalpa a pakchau a.

EZRA 6:22

Khutichun, chângthâk chawl sawhloh kut chuh ni sagih kipâk takin a mang u a, Lalpa’n amau chuh a sukipak a, Pathien, Israel Pathien In sakna a a khut uh sukhat sak ding in Asuria leng lungthim chuh amau lam a ngat sak ta a.

PAWTDAWKNA 13:3

Chun, Mosi’n mipite kawm achun, “Aigupta te suok apat a na pawt niu tuni hi hezing un; zie ni hin Lalpa’n a thilhih theihna’n nang uh a hun puidawk a: chângthâk chawl kisawh himhim chuh na nek loh dinguh ahi.

PAWTDAWKNA 30:38

Kuo’n le a gim nak ding mai a khutibang chuh a siem chun, zie mi chuh a chipihte laka apat a satthak hi’n a.” a ti a.