PAWTDAWKNA 11:8 - PATHIEN LEKHABU THIENGTHO (BSI)

⁸ Chun, Mosi chun, “Na miliente cheng chuh ka kawmah hung untin, ka masangah bawkkhup in, ‘Ei taihsan un, nang leh mipi a hun zuite hi tawh,’ ti’n ei ngên un au. Zie tieng chuleh chieh ing kau,” a ti a. Zie zawh chun Mosi chun Pharaoh chuh lungna takin a nusieh ta a.

PAWTDAWKNA 11:8 ပူးပေါင်းရင်းမြစ်များ

DANIEL 3:19

Ziephet chun, Nebuknezar chuh a lungna mah mah ta a, Shadrak, Meshak leh Abednego te chung achun a mel latdan chuh a duptha zo ta a: a mite chuh hâltuina mei a leh sagih a tih sat beh dingin thu a pie a.

EZEKIEL 3:14

Khutichun, Thagau in ei dawm kâng a, ei la mang ta a; lungna tak leh dahsasa’n ka chieh ta a, Lalpa khut chuh ka chungah a hât ngâl a.

THUPHUON 3:9

Ngaitie, Setan lawi laka tel, Juda tak hilo a, lepchieh gena Juda ka hi, kitite chuh sawl in, na keng bul ah hun ho sak ing ka ting, chun, ka hun hehpih hi tih le hetsak ing ka.

MARK 3:5

Isu chun a et viel lai in a lungna mah mah a, himahleh, a lunggil tâk zieu chuh a muh in khawk a sa mah mah a. Chun, mi pa kawm achun, “Na khut tung dawk ah.” a ti a. Tichun, a tung dawka, a hung dam ta a.

ISAI 49:26

Nang haw hun bawl gimtheite chu amau leh amau kithah tuoh sak ka ting; lungnatna leh tuolthahna thisan chun uain guolin dâwn kham un au. Khutichun, Kei hi Lalpa, nang haw hun hukdawkpa leh, Jakob mihat chuh ka hi tih micheng in he ta’n au,” ti’n.

ISAI 49:23

Tichun, lengte chun na chateu chuh dâwn un tin; lengnute chun le na chateu enkawl un au. Amau haw chun maia lei si’n chibai hun bûk un tin, na kêngpêk u a leivui chuh liek un au. Tichun, Kei hi Lalpa chuh ka hi tih hun he ta’n au; kuole ka panpihna ngakte chuh muolpho in um puo’n au,” ti’n.

SAM LEHKHABU THE PSALMS 6:1

Aw Lalpa, lungna’n ei hilhgaih ki’n la thangtawm takin ei sawi ki’n la.

2 LENGTE 3:9

Khutichun, leng Jehoram leh Juda leng chu Edom leng chu tawh a chieh tau a. Ni sagih zet a chieh nung u chun, sepaihte haw leh a gancha puihteu tui dâwn ding a um ta puoh a.

1 LENGTE 20:10

Chun, Benhadad in a kawmah mi a sawl kit a, “Ka nungzuite chengcheng hin Samari khuo leivui khutdim khat chiet a a chan u a ahihleh, pathiente chun a nawp nawp ei lawh u hen la, zie sanga nasa zaw chun le,” a ti a.

VAIHAWMTE 8:5

Chun, Sukkoth khuo a mite kawma chun, “Lungsiet takin ka nungzuite hih chângthâk pie tiem u a chawl ta bêk un, Midian leng Zebah leh Zalmuna delh ka hiu,” a ti a.

VAIHAWMTE 4:10

Chun, Barak chun, Zebulun te leh Naphtali te chuh Kadesh mun ah a samkhawm a, chun mi singkhat in a zui to u a, Deborah chule a kawm u achun a va chieh ta a.

DAN NIHNA 32:24

Gilkiel in gawp sîtsiet in au, meipi leh hipi namailo in thawigawt in au, gamsa haw peh sak ka ting, Leivui laka vak gûl gu haw le.

DAN NIHNA 29:24

Namtin te chun, ‘Lalpa’n bang zieka zie gam hi a hiti bawl ahi dem? Bang zieka khuti lungnat lâwm lâwm ahi dem?’ ti’n tin un;

KISIMNA 12:3

Mosi chuh lei chunga mihing cheng lak a mi kingainiem pên ahi a.

HEBRAI 11:27

Taksanna ziekin leng lungnat chuh lau lo in, Aigupta gam a taihsan a, muhtheihlohpa chuh a muh ziekin a thuok tuntun a.

PAWTDAWKNA 10:29

Chun, Mosi chun, “Na gen dik ngut hi; na mel mu kit ta puo’ng ka,” a ti a.

NEHEMIA 5:6

Zie thu leh a kiko thawm u chuh ka zak phetin, ka lungthim a na mah mah zieng a.