PAWTDAWKNA 10:9 - PATHIEN LEKHABU THIENGTHO (BSI)

⁹ Mosi chun, “A têk a khang in chieh ding ka hiu hi, ka chapateu, ka chanuteu tawh; ka belam guolteu leh ka bâwng guolteu tawh, chieh ing kau; Lalpa kawma Kut ka neih tei dinguh ahi ngâl a,” a ti a.

PAWTDAWKNA 10:9 ပူးပေါင်းရင်းမြစ်များ

PAWTDAWKNA 5:1

Zie nung chun Mosi leh Aron chuh lengpa kawmah a va chieh u a, a kawmah, “Lalpa Israel te Pathien in hiti hin a tii, ‘Ka mite hi thalek a ka kawma hung kut dingin hun sawl in,’ a tii,” ti’n a gen u a.

PAWTDAWKNA 3:18

Khutichun, amau chun na thugen a na ngaithau in tin, chun, nang leh Israel upate chuh Aigupta lengpa kawmah chieh un na tin, a kawmah, “Lalpa, Hebraite Pathien chuh ka kawmah a hung kilak a; zieziekchun gamthip ni thum lam ah, Lalpa ka Pathien uh kawma ka va kithawih theihna dingun, lungsiet takin ei chiehsak in,” tiu in.

EPHESI 6:4

Chun, nanguh pate haw, na chateu sulungna kiu inla, Lalpa thununna a leh, a hilhna achun seilet sak zawu in.

THUGENPA 12:1

Khangdawng na hih lai in nang hun siempa chuh hezing in, ni phalote a hung tun ma leh, “Kipahna himhim ka nei puoi,” na tihna ding kumte a hung naih ma hin.

THUCHINGTE 3:9

Na thil neih te chun Lalpa chuh limbawl inla, na gah masa te chengcheng chun tawh.

JOSHUA 24:15

Chun, Lalpa nasep hi phalo guola na ngaih u chun, tuni hin kuo na ahi nasep ding uh tel un; na pulepateu in lui gala a na a sep uh pathien haw khah ahim, na chênnau gam Amor te pathien haw khah ahim ana nasep dinguh? Himahleh, kei leh ka inkawte hin chuh Lalpa na ahi ka sep dinguh,” a ti a.

KISIMNA 29:12

Tha sagihna, ni sawmlenga ni chun kikhawpna thiengtho na neih dinguh ahi a, na nasep loh dinguh ahi. Lalpa dinga guolvakna ni sagih na nit dinguh ahi.

PAWTDAWKNA 13:6

Ni sagih sung chuh chângthâk chawl sawhloh na nek ding uh ahi a, a ni sagih ni chuh Lalpa dinga Kut ni hi’n a.

PAWTDAWKNA 5:3

Chun, amau chun, “Hebraite Pathien ka kawm u ah a hung kilak a, thalek ni thum lam ah Lalpa ka Pathien u kawmah ka va kithawih theihna dingun lungsiet takin ei chieh sak in; khutilochun, ka chung u ahin natna hi ahim, chemzâm ahim hun lênsak kha’n a,” a tiu a.

THILSIEMBUL 50:8

Joseph inkawte chengcheng leh, a suohpihte leh a pa inkawte chun a zui u a; a cha neucha chateu leh, a belam hawn u leh, a bâwng hawn hawu mai chuh Gosen gam achun a nusieh u a.

PAWTDAWKNA 10:10

Chun, amah chun a kawm u ah, “Lalpa chuh na kawm u ah um hen, na cha neucha chateu tawh ka hun chiehsak hiel lele, cham taka gen in kiphinna bawl guo na hiu hi tih a kichien tai.

PAWTDAWKNA 10:26

Ka ganchateu ka puih ngêi ngêi dinguh ahi a, khat chale nusieh thei puo’ng kau. Keimau ngêi in, Lalpa ka Pathien uh ka hona ding uh gancha chuh ka kitel ding uh ahi. A mun ka tun mau chun, bang tawbang hi mat ding ahim tih ka he puoh ngâl u a,” a ti a.

PAWTDAWKNA 12:32

Na gen bang u khan na belam hawu leh na sabiltung hawu chu le pui unla, chieh unla, chun, keile ei paucham sak un,” a ti a.

PAWTDAWKNA 12:37

Khutichun, Israel chate chuh Rameses apat keng in a kipan dawk u a, Sukkoth a zuon tau a, naupang simloh in, pasal piting chiet nuoigup hiel ahiu hi.

PAWTDAWKNA 12:38

Chun, mipi kichawkhel tamtak inle amau chuh a zui u a; chun, ganhawn tamtak, belam leh bâwng haw tamtak le a sawm u a.