PAWTDAWKNA 10:7 - PATHIEN LEKHABU THIENGTHO (BSI)

⁷ Chun, Pharaoh miliente chun a kawmah, “Zie pa hin bang chan ahim ei sukbuoi zing ding? Ziete hin Lalpa a Pathien uh a ho theihna dingun chiehsak mai ta’n la. Aigupta gam hi suksiet ahi tai tih helo na him?” a tiu a.

PAWTDAWKNA 10:7 ပူးပေါင်းရင်းမြစ်များ

1 SAMUEL 18:21

Chun, Saul chun, “A awkna thâng ahung hih theihna ding leh Philistia te’n a chunga khut a thâk theihna dingun amah hi pie ding ka,” a ti a. Zieziekchun Saul chun a nihvei na dingin David kawmah, “Tuni hin ka mâkpa hiding na hi,” a ti a.

THUGENPA 7:26

Thihna sanga lauh-um zaw ka muh chuh numei thang a pang, a lungthim chuh thang leh lên, a khutte chuh thikkawl tawbang ahi a; Pathien sukipak te chuh amah apat chun suokcha’n tin, himahleh, mi gilote chuh a puimang sek hi.

JOSHUA 23:13

Lalpa na Pathien un ziehaw namte hi na mitmuh u chun hun nawhdawk sak ta hiel puo’n tin, Lalpa na Pathien un gam phatak a hun piek uh apat hin, na manthai suok kêi macheng uh amau haw chuh nanguh haw dingin thâng leh piel leh, na nungzang uh a dinga zêpna mawlh leh, na mit uh a dingin ling hung hi zaw ding ahi tih chientakin heu in.

PAWTDAWKNA 23:33

Na gamsung u a a chên loh ding uh ahi, khutilochun kei chung ahin thil gilo hun hih sak kha’n au; a pathienteu na na sep u chun nang u a dingin thâng hi tei ding ahi,” ti’n a ti a.

1 KORINTH 7:35

Zie thil haw chuh, nang haw phatna dinga ka gen ahi a; na chung u a khapna chuh gen guo ka hi puoh a, thil dik leh hawihte na hih theihna dingun leh, Lalpa na chuh sit bei keia kipie a, nasep theihna dingun ka gen zawk ahi.

ZEPHANIA 1:18

Lalpa lungnatna ni chun, a sana teu, a dangkaguoteu ahim in la amau haw hukdawk thei puo’n tin; gam pumpi hi a lungnatna mei chun ka zo vek in a. Gamsung a um chengcheng sumangthai ding ahi a, ahi, manthaina huoisie tak tung ding ahi ngâla.

JEREMIA 51:8

Babulon chuh thakhat in a puk a, a mangthai ta a; amah chuh hah kah in kah un. Sukdam theih ding a hih chun, thingnai damdawi nuh thawh chi lak sak un.

JEREMIA 48:4

Moab chuh sukmang ahi ta a, a chateu kah git chuh Zoar tienga het ahi.

ISAI 51:9

Aw Lalpa tho in, tho in! Na khut in ei panpih in; malai nite bang khan na thilhih theihna mang in keihaw ei hukdam in! Nang chuh Rahab satnelpa Dragon sunpa kha hilo na him?

ISAI 14:20

Na gam na hihsiet a, na khuoletuite na thah ziekin, leng dangte vuih guola vuih in um puo’n la na suonte chuh kumlekhuo’n hing puo’n au.

THUCHINGTE 29:6

Mi phalote chuh amau gitlohna thâng ah a âwk sek u a; himahleh, mi phate chun vang la a sau a a kipâk sek ui.

SAM LEHKHABU THE PSALMS 107:34

A gamsung a chêngte nunsiet ziekin gam gahsuoh chu gamgaw, chi gam a suok sak sek hi.

PAWTDAWKNA 8:19

Khutichun mitvaidawi thiemte chun Pharaoh kawmah, “Ziehi Pathien thilhih ngêi ahi hi,” a tiu a. Himahleh, Pharaoh lungthim chuh sukkhauh in a um a, a thuu chuh a ngaitha nuom puoh a; Lalpa’n Mosi leh Aron kawma a na gen tâksa guol khan.

PAWTDAWKNA 7:5

Chun, Aigupta chunga ka khut ka vak zak a, a lak u apat a Israel chate ka puihdawk tieng le chuh, Aigupta mite chun kei hi Lalpa chuh ka hi tih hun he ta’n au,” a ti a.

PAWTDAWKNA 12:33

Chun, Aigupta mite chun, “Nei pawtsan loh u chun thi suok ding ka hiu hi,” ti’n mipite chuh a gam uh kintaka pawtsan dingin a nawh tau a.

1 SAMUEL 5:11

Khutichun, Philistia lengte chengcheng chu a samkhawm u a, “Israel te Pathien bawm hi sawlmang unla, keihaw leh ka miteu ei suklup lohna dingin a umna mun mah akhan chieh kit hen” a tiu a. Khawpi sung pumpi achun thihna khawpa buoina nasatak a um a, Pathien khut chun zie khuo chu a delh gik ta ngâl a.