PAWTDAWKNA 10:21 - PATHIEN LEKHABU THIENGTHO (BSI)

²¹ Chun, Lalpa’n Mosi kawmah, “Van lam ah na khut vak tungin, ti a chuh thim nasatak mai a hung um a, Aigupta gam hi a hun khuh theihna dingin,” a ti a.

PAWTDAWKNA 10:21 ပူးပေါင်းရင်းမြစ်များ

JUDA 1:6

Chun, vânsâwlchâkte’n, amau sawlchak hihna kivawp lo a, a chênnau taihsan zawte chuh, Ni lopi, vaihawmna a dingin, khawthim nuoi ah, kumkhuotuong kânna a chuh kân sa’n kawih ahi tai.

2 PETER 2:17

Ziete haw chuh, tuikhuk tui umlo leh, meibuol huih in a mût lêng viel viel tawbang ahiu hi; amau a ding chun khawthim sah tak chuh kumkhawtuong a ding a sit sak ahi.

2 PETER 2:4

Chun, Vânsâwlchâkte’n thil a sukkhelh lai uh khan, Pathien in a hâwi puoh a, gawtmun ah a paih lut vek a, a chungthuu chuh vainung leh tan sak dingin a sit a, kawkhuk thim ah a khum tai.

LUKE 23:44

Chun, sun an nek phat vel a hung hi a, zie a pan chun vaimim huon phat gei in nisa chuh a hung thim ta a, gam chengcheng chungah thim a hung zing ta a:

MARK 15:33

Chun, sun a hung hih phetin, dâkkâl thum sung gam pumpi chungah thim a hung zing ta a.

MATTHAI 27:45

Chun, sun an nêk phat apat vaimim huonphat gei in gam pumpi chungah thim a hung zing ta a,

THUCHINGTE 4:19

Mi gilote lampi chuh thim sah tak tawbang ahi a, bang ahim a suih khak uh tih nasan le a he thei puou hi.

SAM LEHKHABU THE PSALMS 105:28

Amah chun thim a sawl a, gamsung chu a thim ta a; A thu chuh a nielkalh u a.

DAN NIHNA 28:29

Thimlaka mitdûk a kimai a kimai guolin sunchang lai tak in le kimai kimai in na tin un, na khawsakna phawt u ah lamzang puo’n lau; nuoisieh in um zingin na tin un, na thil uh mi’n hun mawk lâksak zingin tin un, nang u hun hukdawk dingin kuomah um puo’n a.

PAWTDAWKNA 9:22

Chun, Lalpa chun Mosi kawmah, “Van lam ah na khut vak tung inla, Aigupta gamsung cheng ahin, mihingte chung leh, ganhingte chung leh, lo a thai tincheng chunga chuh giel a hung kiek theihna ding in,” a ti a.

JUDA 1:13

Tuisuohgiet kinawk banga, amau thilhih zahchâk um tak, tui phuon banga hun suoh dawkte ahiu a; aksi leng viel, amau dinga thim sah tak sit sakte chuh ahiu hi.

THUGENPA 6:4

Nausen pieng lo a um chuh a pha zaw a, thim lak ah a chieh manga, hetngilh in a um tai.

THUGENPA 2:14

Mi pil chun a chiehna ding a mu thei a, mi ngawlin vang a mu thei puoi. Tichun, I bawn u a chungah thil kibang tung chiet ding ahi,” tih ka hun he ta a.

SAM LEHKHABU THE PSALMS 78:49

A lungnatna lauh-um tak chu a chung u ah a khie a, Lungnatna, lunghihlohna mah mah leh buoina te, Sietna vânsâwlchâk hawnte chu hun sawl in.

SAM LEHKHABU THE PSALMS 35:6

Lalpa vânsâwlchâk in delh zel ngâl in. A lampiu chuh thim tak leh nâl tak hi henla,

THUPHUON 8:12

Chun, vânsâwlchâk lina chun a pengkun chuh a vak mût a. Zie chun ni sa, mun thuma khena mun khat, thapi, mun thuma khena mun khat, aksi le mun thuma khena mun khat chuh suksiet ahi ta a; tichun, ni, mun thuma khena mun khat, tha mun thuma khena mun khat chuh a hung thim ta a.

PAWTDAWKNA 7:19

Chun, Lalpa’n Mosi a hopih a, “Aron kawmah hiti hin gen in, Na tiengkhut chawi inla, Aigupta gama tui chunghaw ah, a dîl chunghawu ah, a tuikulhaw chung achun thisan a hung suok vek theih na dingin na tiengkhut kha tungdawk in; tichun Aigupta gamsung cheng chuh thisan in dim in tin, thing leh suong a kisiem kuong haw chule thisan in dim vek ina,” hun tih, a ti a.

EZEKIEL 32:7

Ka hun sukchimit tieng leh, vanpi tuom ing ting, a aksi cheng suthim ing ka, Nisa meipi’n tuom ka ting, Thapi’n a vak pawtsak puo’n a.

DAN NIHNA 1:30

Na makai uh Lalpa na Pathien u chun na mitmuh ngêi u a Aigupta gama a hih guol mah khan hun dopih intin,

DAN NIHNA 4:34

Ahihloh leh, Lalpa na Pathien un Aigupta gama na mitmuh ngêi u a a hih guola patepnate, thilmakte manga nam dang lak apat amah dinga nam khat puihdawk guo pathien a um kha mawng mawng em?

JOB LEHKHABU THE BOOK OF JOB 5:14

Sun lai in thim a tuok u a, Sun lai in zan bangin a kimai sek ui.