Chun, Lalpa’n Mosi kawmah, “Chieh inla, Pharaoh va kimuhpih in. A lunggil leh a suokte lunggil chuh ka sukkhauh sak ta a, zie ka thilmak hih haw hi a kawm u a ka etsak theihna dingin;
Chun, Lalpa’n tumlam huih hattak mai a hun nun saka, zie chun khaupe haw chuh a tawk a, Tuipi San ah a mût lut vek ta a. Tichun, Aigupta gam achun khaupe khat chale a um ta puoh a.
Chun, Mosi leh Aron chun Pharaoh masang achun zie thilmak chengcheng chuh a hih u a: chun, Lalpa’n Pharaoh lunggil chuh a sukkhauh sak a, tichun Israel chate chuh a gam apat chun a pawtdawk sak nuom puoh a.
Chun, Lalpa’n Mosi kawmah, “Aigupta gam na tun tieng leh na khuta thilmak ka hun hihsak chengcheng kha Pharaoh masangah hih ngêi ngêi in; himahlele a lungthim sukkhauh sak ing ka ting, tichun mihaw chuh pawt sak phal puo’n a.
Himahlele, Lalpa’n Pharaoh lunggil chuh a sutak a, tichun, a thuu chuh a ngaitha nuom diek ta puoh a; Lalpa’n Mosi leh Aron kawma a gen tâksa guol khan.
Ahihziekin, Heshbon lengpa Sihon chun a gam chuh ei hawhsak nuom puoh a; Lalpa na Pathien un na khut u a a piek theihna dingin a lungthim chuh a sukkhauh saka, a suktak sak ta a, na hetsau guol ngêi in.