PAWTDAWKNA 10:16 - PATHIEN LEKHABU THIENGTHO (BSI)

¹⁶ Ziephet chun, Pharaoh chun Mosi leh Aron chuh kin takin a sap sak a, a kawm u ah, “Lalpa na Pathien u chung leh, nang uh haw chungah thil ka na hihkhiel tai.

PAWTDAWKNA 10:16 ပူးပေါင်းရင်းမြစ်များ

2 SAMUEL 19:20

Na suok hin thil ka hihkhiel hi tih ka kihe a; zieziekchun, ngaitie, Joseph inkawte chengcheng te laka ka pu lengpa chu muok dingin tuni hin a hung pawt masapen ka hi,” a ti a.

2 SAMUEL 24:10

Himahlele, mi a sim zawh nung chun David lunggil chu ana mah mah mai ta a. Tichun Lalpa kawmah, “Zie tawbang thil ka na hih hi, gitlohna nasa tak hih kha ka na hi tai! Himahleh, tuhin Aw Lalpa lungsiet takin ei ngaidam in, ngawlhuoi takin thil ka na hih ahi tai!” a ti a

2 SAMUEL 24:17

Chun, David in vânsâwlchâk mi that chu a muhin Lalpa a hopih a, “Ngaitie, Kei hi ka hi a gilo chu, keimah hin diklo takin thil ka na hih ahi tai: himahleh, zie belamte hin bang ahim a hih uh? Na khut chun kei leh ka ka pa insung ei gawt zaw hen,” a ti a.

PAWTDAWKNA 8:25

Chun, Pharao’n Mosi leh Aron a sap saka, a kawm u ah, “Chieh tau inla, zie gamsung ahin na Pathien kawm u achun va kithawi mai tau in,” a ti a.

PAWTDAWKNA 8:8

Khutichun Pharao’n Mosi leh Aron chuh a sap saka a, a kawm u ah, “Kei leh ka mite kawm apat ukeng hi lamang dingin Lalpa kawmah ngên tiem u; tichun, Lalpa kawma na kithawih theihna dingun mihaw hi pawtsak ing ka,” a ti a.

PAWTDAWKNA 9:27

Chun, Pharaoh chun Mosi leh Aron chuh a sap saka, a kawm u ah, “Tuchung hin vang thil ka hihkhiel tai; Lalpa chuh mi diktat ahi a, kei leh ka mite hi vang a diklo ka na hiu hi.

THUCHINGTE 28:13

Gitlohna selgute chuh lawhting ngei puo’n tin uh; himahleh kuole, kiphuonga haihsante vang chun zahngaihna mun au.

KISIMNA 21:7

Mipite chuh Mosi kawmah a chieh u a, “Lalpa leh nangmah kalh a ka na pau tâk ziek u hin ka na gilo tau hi, gûl haw hi ka lak u apat sumang dingin Lalpa kawmah paucham in,” a tiu a. Khutichun mipite a ding chun Mosi chuh a paucham ta a.

KISIMNA 22:34

Balaam chun Lalpa Vânsâwlchâk kawmah, “Ka na gilo ahi tai, ei dal dingin lampi ah na ding hi tih ka he puoh ngâl a; zieziekchun diklo na sak chun vaikit mai ing ka,” a ti a.

MATTHAI 27:4

“Mi diktat thisan ka matsak kha thil ka hihkhiel ahi,” a ti a. Amau chun la, “Zie chuh kei uh dingin banga khawk? Nangin na lawh lawh kilawh ah,” a tih san u a.

1 SAMUEL 15:24

Chun, Saul chun Samuel kawmah. “Thil gilo hih kha ka na hita hi: Lalpa thupiek leh na thu chu ka na bawhsie ahi tai; mipite ka lau a, a thuu ka na zuih ziek ahi.

1 SAMUEL 15:30

Khutichun amah chun, “Ka hihkhiel kêi tai: himahlele ka mipite upate leh Israel te ma a ei zahbawl dingin ka hun ngên hi; chun, Lalpa na Pathien ka ho theihna dingin ei vaihkit pih hâm in,” a ti a.

1 SAMUEL 26:21

Ziephet chun, Saul chun, “Thil ka na hihkhiel mah mah ahi hi; ka chapa David, hung kitin: tuni a hi ka hinna na mitmuha alul bêk ziekin bangmah hun lawh ta hiel puo’ng ka: ngaitie, thil ngawlhuoi tak ka na hih ta a, ka na hihkhiel ahi tai” a ti a.