PAWTDAWKNA 1:7 - PATHIEN LEKHABU THIENGTHO (BSI)

⁷ Himahleh, Israel suonte chun chi tamtak a sep u a, nasa taka hung pung in, a hung tam mah mah mai tau a, a hung hât deuh deuh tau a; Aigupta gam chuh a hun luoh dim tau hi.

PAWTDAWKNA 1:7 ပူးပေါင်းရင်းမြစ်များ

THILSIEMBUL 1:20

Chun, Pathien in, “Tui haw chun thilsiem tawithei hinna nei tamtak hun sepdawk sak hen la, vacha haw le vanthamzawl achun leng u hen,” a ti a.

THILSIEMBUL 1:28

Chun, Pathien in amau chuh a vangsak a: Pathien mah in a kawm u ah, “Chi tamtak sep a hung pung in, lei hi luoh dim un la, na thu thuu in um sak un: tuisuohgiet a nga chunghaw leh, chung leng vacha chung leh, thilhing leia bawkvak chengcheng te chung achun le thu nei un,” a ti a.

THILSIEMBUL 12:2

tichun nam lopi takin hun siem ing ka ting, chun, hun vangsak ing ka; na min sulopi’ng ka ting, chun, nang vangsakna hung hi’n la:

THILSIEMBUL 13:16

Chun, na suonte chuh leia leivui bang mai in siem ing ka ting; min leia leivui hi a simsen u chun, na suonte le simsen hi’n au.

THILSIEMBUL 15:5

Chun, amah chuh pawlam ah a puidawk a, “Van lam khu en in la, aksihaw khu na sim theih chun sim in: na suonte chuh khuti zat khu hung hi’n au,” a ti a.

THILSIEMBUL 17:16

Amah chuh vangsak ing ka ting, zielo chun le amah apat chun chapa hun pie’ng ka ting; ahi vangsakna’n tuom ing ka ting, namte nu hung hi’n tin; amah apat in lengte le hung pawt in au,” a tikit zel a.

THILSIEMBUL 22:17

Vana aksi zah leh tuisuohgiet panga pîlnel zah in na suonte chuh hun supung ngêi ngêi ing ka, tih leh, na suonte chun a melmateu kulh kawtkhak bul chanin luoh in au.

THILSIEMBUL 26:22

Zie apat chun a kichawn kit a, tuisutdawk dang a lai kit a. Zie chung achun kinielna a um ta puoi. “Lalpa’n ei nawplen sak ta a, khawsathei ta’ng ka,” ti’n a min ding chun “Rehoboth” a sa ta a.

THILSIEMBUL 26:4

Chun, van a aksi zah in na suonte chuh hun supung ing ka ting, zie gam chengcheng hile na suonte pie’ng ka.Chun, na suonte apat chun khawvel a namtin vangsak in hung um in au.

THILSIEMBUL 28:14

Chun, na suonte chuh leia pîlnel zah hiu intin, suohlam leh tumlam leh simlam leh mâllam haw ahin hung kithehzak un tin: nang leh na suonte achun khawvel a namtin vangsak in um un au.

THILSIEMBUL 35:11

Chun, Pathien mah in a kawmah, “Kei Pathien Bangkim hihtheipa chuh ka hi: chi tamtak suongin hung pung in; chi tih kham zet leh nam chuom chuom tamtak le nang apat in hung pieng intin, na khalbe apat in lengte le hung pawt in au;

THILSIEMBUL 46:3

Chun, Amah chun, “Kei Pathien, na pa Pathien chuh ka hi; Aigupta gama va chieh chuh lau ki’n; zie achun chi lopitak a hun siem ding ka hi.

THILSIEMBUL 47:27

Israel te chun Aigupta gam a, Gosen gam achun ummun a khuol tau a; zie chun a cheng det u a, chi tamtak a suong u a; nasa takin a pung tau hi.

THILSIEMBUL 48:16

Gitlohna chengcheng apat a ei hukdawk sek vânsâwlchâk chun, naupangte hi vangsak hen! Chun, ka min leh ei suonte Abraham leh Isak min chuh zie naupangte chung ahin um zing hen! chun, khawvel lailung ah mipi nasa tak hiding in hung pung u hen,” a ti a.

THILSIEMBUL 48:4

Ka kawmah, ‘Chi tamtak hun sepsak ing ka ting, hun supung ing ka ting na suonte chuh nam tamtak hung hiu in tin; zie gam hi na suonte kawmah a kumkhuo go dingun pie’ng ka,’ ei tih ahi,” a ti a.

THILSIEMBUL 9:1

Chun, Pathien in Noah leh a chapate chuh a vangsak a, a kawm u ah, “Chi tamtak suona hung pung in, lei hi luoh dim un.

NEHEMIA 9:23

A suonteu chuh van a aksi zat in na supung a, a luoh ding uh gam a pileputeu kawma na tiem a chun na puilut ta a.

SAM LEHKHABU THE PSALMS 105:24

A mihaw chuh nasa takin a hih pung a, Amau haw dote sangin a hih hât zaw a.

SAM LEHKHABU THE PSALMS 107:38

Amau haw chuh a vangsak sek a, khutichun nasa takin a hung pung sek u a; A gancha hawu chuh a kiem a phal puoh a.

PAWTDAWKNA 1:12

Himahlele, amau haw chuh a hah sukgimtheih phawt u leh a hah pun zaw deuh u a, gamsung pumpi ah a kithehzâk tau a, tichun, Israel ziek chun Aigupta mite chuh a lunggim mah mah tau a.

PAWTDAWKNA 12:37

Khutichun, Israel chate chuh Rameses apat keng in a kipan dawk u a, Sukkoth a zuon tau a, naupang simloh in, pasal piting chiet nuoigup hiel ahiu hi.

PAWTDAWKNA 5:5

“Chun, Pharaoh chun, Ngaitiem u, zie gam ahin mi na hung tam mah mah tau a, chun, a puokgik puok u chuh nangun na chawlhsak guo mai u a,” a ti a.

EZEKIEL 16:7

Gamlak a hampa guolin ka hun khan let saka, chun, na hung khang lien a, na hung hawih ta a; na nawi a hung bawka, na sam a hung sau a; silh lo cheng lo leh ngawnchang na hi a.

NASEPTE 13:17

Zie Israel Pathien hin, ei uh ei suonte a tel a, Aigupta gama a tham lai u khan nam lopi takin a siem a; a khut thilhih thei tak chun tak apat chun a puidawk ta a.

DAN NIHNA 10:22

Na pileputeu chuh Aigupta gam ah sawmsagih a chieh suk u a; tuhin chuh tam lam ah van a aksi zah in Lalpa na Pathien un a hun supung ta ahi.

DAN NIHNA 26:5

Chun, nangun Lalpa na Pathien u maa chuh, ‘Ka puu chuh Suria mi, mi vakvai ahi a, Aigupta gam ah a na chieh suka, zie chun malzin guolin a na chênga, tawmcha ahiu a; chun, zie tak achun nam lopi tak, hât tak leh tamtak a hung hi tau a;