Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




NEHEMIA 9:8 - PATHIEN LEKHABU THIENGTHO (BSI)

8 Chun, a lungthim chuh na masanga ginum in na he a; Kanaan gam te, Hit gam te, Amor gam te, Periz gam te, Jebus gamte, Girgash gam haw chuh pie dingin thu na tiem a. Chun, mi ginum tak na hih ziekin, na thutiem chuh na suguitung a.

အခန်းကိုကြည့်ပါ။ ကော်ပီ




NEHEMIA 9:8
39 ပူးပေါင်းရင်းမြစ်များ  

Lalpa chuh Abram kawmah a kilak a, “Zie gam hi na suon te kawmah pie’ng ka,” a ti a: tichun zie tak achun a kawma kilak Lalpa a ding chun maichâm a siem tai.


Chun, amah chun Lalpa chuh a gingcha a; tichun amah chun zie chuh a diktat na’n a sânsak ta a.


Chun, amah chun, “Naupang chung akhan na khut tha ki’n la, amah kha bangmah lawh kih: na chapa na neih sun le nei piek dinga na it loh ziekin Pathien na kihchai tih tu’n ka he tai,” a ti a.


Pathien vang a lampi chu a phabukim a: Lalpa thu chu etchet ahi tai; Amah gingchate chengcheng dingin amah chu phaw ahi.


Abraham kawma a thugawlh leh, Isak kawma a kipautiemna ngêi chuh.


Aw Lalpa Israel Pathien, nang na diktat ngâla, a um nalaite leh a suokcha te ka hiu a, tuni a na muh guol hin. Ngaitie, ka gitlohnau kipuok zingin na masang ah ka um u a, zieziek hin na masang ah kuomah ding thei lo ding ahi ngâla,” ka ti a.


Abang hileh, ka chung u a thil hung tung chengcheng ahin nang chuh na dika, nangin diktak in na nasem a, keihaw’n vang dik lo takin thil ka hih sek ui.


Lalpa chuh mi lungsiet thei tak leh diktat tak ahi a; Ahi, I Pathien u chuh zahngai thei tak ahi.


Aigupta gama sukgimtheihna lak apat chun hun puidawk ing ka ting, Kanaan mite, Hit mite, Amor mite, Periz mite, Hiv mite, Jebus mite gam, bâwngnawi leh khuoizu a luong gam achun hun puilut ing ka,” tih ka tiem ta ngâl a.


Tichun, Aigupta pata hukdawk ding leh, zie gam apat a chuh puidawk a, Kanaan mite, Hit mite, Amor mite, Periz mite, Hiv mite, Jebus mite umna gam phatak leh lientak, bâwngnawi leh khuoizu a luong gama chuh puilut dinga hungsuk ka hi tai, a ti a.


“Mihing chapa Israel gama khawpi siesa nunga cheng haw chun, ‘Abraham khah ahih leh khat chauh a na hi a, gam chuh a na luoh a, himahleh eihaw I hih u leh tamtak I hiu a, luoh dinga gam chuh piek I hi tau hi,’ a tiu a.


A simlam achun Amalek te a cheng u a, thingtâng gam achun Hit mite, Jebus mite, Amor te haw chuh a cheng u a; chun, Kanaan mite chuh tuisuohgiet pang leh Jordan luidung ah a cheng ui,” ti’n a hilh u a.


Pathien chuh mite guola lepchieh ahi puoh a; mihing guola lungthim kisang hethut ei puoi. A thutiem chuh a hih zel a, a gentak chuh hih in a um zel ahi.


Chun, amah chuh a haihsak nung khan, a leng dingun David a siem ta a; Pathien in zie thu ding chuh hetsak in, ‘Ka deih guol cheng hih ding mi, ka lungthim bang pu, David, Jessai chapa ka mu tai,’ a ti a.


Chun, zie pet a thiempu kawm achun chieh in na tin un, ‘Ei uh piek dinga Lalpa’n I pileputeu kawma ana kihâksiel gam achun ka hung tai tih tuni hin Lalpa na Pathien kawmah ka phuong hi,’ a kawma chuh na tih dinguh ahi.


“Amah suongpi chuh, a thilhih a phabukim; A umdan chengcheng a dik: Pathien ginum, adiklo hih lo, Thudik leh pha Amah ahi.


“Lalpa na Pathien un va luoh dinga na chiehnau gam chuh a hun puih tunga, nam tamtak, Hit te, Girgash te, Amor te, Kanaan te, Periz te, Hiv te leh Jebus te, nang u sanga thupi zaw leh thilhih thei zaw nam sagihte chuh na masang u a a nawhdawk tieng leh;


Na fel ziekun ahim, na lungthim dik ziekuh ahim a a gam u chuh luoh ding na hi puou a, zie nam haw gitloh ziek leh Lalpa’n na pileputeu Abraham leh Isak leh Jakob kawma a kihâksielna thu sudet dinga Lalpa na Pathien un amau chuh a hun nawhdawk sak ahi zawi.


Zie chuh kumsawt a hinna kinepna thu a kinga ahi. Zie hinna chuh leisiet kisiem ma pek a Pathien lepchieh ngei lo pa chun ei tiem a,


Taksanna ziekin Abraham chuh, patep a a um khan, Isak chuh a vak lân zieng a, a hii, kipâk taka thutiem haw chang pa, “Isak ahin na suonte ti’n au,” a tihpau mawng khan,


Zie chun then kit theih loh thil nih a um ta a, zie thu achun le Pathien chuh a lepchieh ngeilo ahi. Khutichun, eihaw, amah a kihumbitna mute hin, I masang uh a kinepna um chuh tuchak dingin, nasa taka sukhat in I um tau hi.


Khutichun, Lalpa’n Mosi kawma a gen haw bang tak khan Joshua chun gam pumpi chuh a la ta a; Joshua chun Israel te haw chuh a phung uh kikhen dân bang zelin a go chan dinguh a pie chiet a, tichun gam chuh gâlmuong in a um tai.


suohlam leh tumlam a um Kanaan mite thingtâng gama um, Amor mite, Hit mite Periz mite, Jebus mite, Mizpah gama Hermon tâng nuoi a um Hiv te haw kawma chun mi a sawl a.


“Chun, ngaitiem u, tuhin leichung chengcheng dân bang in chieh ding ka hi tai; Lalpa na Pathien un na chungchâng uh a pha lama a na gen tâksa chengcheng khah a thâwn khatchale a um puoi tih na lunggil chengcheng u leh na lungthim chengcheng un na heu a; na chung u ah a hungtung suok ta a, khatchale a thâwn a um puoi.


Chun, hiti hi ahi a, Israel chate guolzawhna thu chuh Jordan gala leng haw chengcheng tâng gama te, phai gama te, Tuisuohgiet lien tak dung a chêng a Lebanon tienga um chengcheng te: Hit mite, Amor mite, Kanaan mite, Periz mite, Hiv mite, Jebus mite hawn a hun het u chun,


I gitlohnau I phuon uh chun chuh, eihaw gitlohna ngaidam ding leh, I diktat lohnau chengcheng tauh ngim dingin, amah chuh a taksanum in, a diktat ahi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ