NEHEMIA 9:6 - PATHIEN LEKHABU THIENGTHO (BSI)

⁶ Israel mipite chuh hiti hin a paucham u a, “Nang mai hi Lalpa na hi a. Van haw khu nang siem ahi a, van sang pên tiengin, van a um chengcheng tawh, lei leh a chunga um chengcheng te tawh; tuisuohgiet leh a sunga um chengcheng te chuh nang siem ahiu. Hinna chengcheng hi nang piek ahi a; van a umte chun chibai a hun bûk ui.

NEHEMIA 9:6 ပူးပေါင်းရင်းမြစ်များ

THILSIEMBUL 1:1

Atûng in Pathien in lei leh vante a siem a,

THILSIEMBUL 1:9

Chun, Pathien in, “Van nuoia tui haw chuh mun khat ah kigawm khawm hen la, lei hul hung lang hen,” a ti a; tichun, khutibang chuh a hung hi ta a.

THILSIEMBUL 2:1

Tichun lei leh vante chuh a chung u a um haw chengcheng chu tawh siem zawh ahi ta a.

THILSIEMBUL 32:2

Jakob in amau chuh a muh in, “Ziehaw hi Pathien sepaihte ahiu hi,” a ti a: tichun zie mun min ding chun Mahanaim a sa a.

1 LENGTE 22:19

Chun, Mikaiah chun, “Zieziekchun Lalpa thu hi ngaitha tie, Lalpa chu a lalchutphah a chu ka mu a, van a mipi chengcheng, a changlam leh a veilam a ding te tawh.

1 LENGTE 8:27

“Himahlele, Pathien chu lei ahin a cheng taktak thei ding a ahim? Ngaitie, van leh vante van inle nang a hun dawl puoh a; zie ka In sak hi bangti tiengin a neu ta dem!

2 LENGTE 19:15

Chun, Hezekia chu Lalpa ma ah a paucham a, “Aw Lalpa, cherub te kikala chu, Israel Pathien, Nangmah chauh hi, gam cheng chunga vaihawm na hi a, Lei leh van hi nangmah siem ahi.

2 LENGTE 19:19

Tuhin, Lalpa ka Pathien uh, Asuria te apat hin ei hukdawk tei in, ti a chu, khawvel a namtin in, Nang chauh hi Lalpa Pathien na hi tih a hun het theihna dingun,” a ti a.

NEHEMIA 9:5

Khutichun, Levi chi Jeshua leh Kadmiel te, Bani leh Hashabania te, Sherebia leh Hodija, Shebania leh Pethaia te chun: “Ding unla, Lalpa na Pathien u chuh kumsawt apat kumsawt chan in pakchau unla. Chun, limbawl na leh pahchak na chengcheng chungah na min lopi pahchak in um hen,” a tiu a.

SAM LEHKHABU THE PSALMS 102:25

Lei kingakna chu malai pek a na vuih ahi ta a, Van haw khule na khutsuok ahi a.

SAM LEHKHABU THE PSALMS 103:21

A sepaihte haw, a deihlam hih sek, a nasemte haw, Lalpa chuh pakchau in.

SAM LEHKHABU THE PSALMS 115:15

Lalpa vangsakna mute na hiu hi, Amah chuh lei leh van siempa ahi.

SAM LEHKHABU THE PSALMS 124:8

Ei panpihna ding chuh Lalpa lei leh van siempa min ah a um hi, ti’n.

SAM LEHKHABU THE PSALMS 146:6

Amah chuh lei leh van leh, Tuisuohgiet haw leh a sunga um chengcheng siempa ahi; Amah chun thutak kumlekhuo dingin a vawppha sek hi.

SAM LEHKHABU THE PSALMS 24:10

Zie lopi na LAL chuh kuo ahi? Sepaihte Lalpa chuh, A mah ngêi hi lopina Lalpa chuh ahi. Selah

SAM LEHKHABU THE PSALMS 33:6

Lalpa thun van haw chuh siem ahi a; Ziehaw chengcheng chu le a kama hu a siem ahiu a.

SAM LEHKHABU THE PSALMS 36:6

Na diktatna chuh Pathien tâng haw bang ahi; Na vaihawm haw chuh tui thuk tak tawbang ahi: Aw Lalpa, mihing leh sa na hukbit seka.

SAM LEHKHABU THE PSALMS 86:10

Nang chuh na lopi a, thilmak le na hih ngâla; Nang maicha hi Pathien na hi.

ISAI 37:16

“Bangkim hihthei Lalpa Pathien, Israel Pathien, Cherub te chunga chu, Nang hi, nang mai hi, lei chung luoh gam chengcheng Pathien chuh na hi a; nang chun lei leh van hi na siem ahi.

ISAI 37:20

Tuhin, aw Lalpa Pathien, Asuria te khut apat hin ei hukdawk tei in, khutia chuh, khawvel a nam chengcheng in, nangmah mai hi Pathien na hi tih a het theihna dingun,” a ti a.

ISAI 43:10

Nang u haw hi Kei ei hetpihte na hiu a, ka suokte hi dinga ka hun tel na hiu a, Khutia chuh nei hetuh a, nei ginchak uh a, Kei mai hi Pathien ka hi tih na hêtchet theihna dingun, Lalpa’n a tii. Kei tih loh pathien dang himhim a um puoh a, um le um ngei puo’n tin, hung um kit diek puo’n a.

ISAI 44:6

Lalpa, Israel mipite Tandawkpa leh vengpa, Bangakai hihthei Lalpa chun hiti hin a tii, “Kei a Masapen leh a Nunung pên, Pathien khat chauh ka hi a. Kei tihloh Pathien dang himhim a um puoi.

ISAI 44:8

Ka mite haw, lau kiu in! Malai apat in tuni gei hin thil hungtung dingte ka genlawk puoh a ahim? Nang haw hi ei hetpihte na hiu hi tih na he ngâl uh a. Pathien dang a um himhim em? Ahi, Pathien dang himhim a um puoh a, khat chale a um lam ka he puoi,” ti’n.

ISAI 45:12

Kei hi leisiet siema, a sung a mihing cheng te siempa chuh ka hi. Ka thilhih theihna’n vante khu ka zak palh a; a sunga umte cheng cheng hile kei thupiek a um ahiu hi.

JEREMIA 32:17

“Aw Lalpa Pathien, ngaitie, na thilhih theih na nasa tak leh na khut zak in lei leh van na siem ta a; nanga dingin thil haksa taluo a um puoi.

EZEKIEL 20:11

Chun, Ka dân siem haw chuh amau ka pie a, ka thutanna haw chuh ka etsak a, min a zuih a a hinlawh ding hawu chuh.

JONA 1:9

Jona chun a kawm u ah, “Hebrai mi ka hi a; Tuisuohgiet leh leisiet siempa Pathien chuh ka lau a ahi,” a ti a.

JOHAN 10:30

Kei leh ka Pa chuh pumkhat ka hi ngâl u a,” ti’n a dâwng a.

NASEPTE 4:24

Gingtute cheng chun zie a thugen u chuh a het phet un, a guolin ngeih tak in Pathien kawmah, “Lalpa, nang van te, leisiet te, tuisuohgiet leh a sunga umte chengcheng Siempa na hii!

DAN NIHNA 10:14

Ngaitiem u, van leh, vante van leh, lei leh a sunga um chengcheng hi a bawnin Lalpa na Pathien u a ahi.

DAN NIHNA 32:39

Kei, Keimah ngêi hi, Amah chuh ka hi, he tau in, Kei tihloh pathien dang a um puoi; Ka sulum seka, ka suhing sek; Ka suliem seka, ka sudam sek; Ka thilhih ei dal thei kuomah a um puoi.

DAN NIHNA 6:4

“Aw Israel mite haw, ngaitiem u, Lalpa I Pathien chauh u hi ahi Pathien chuh;

HEBRAI 1:3

Amah chuh Pathien lopina eng leh, Pathien hihna kibatpih ngêi, a thu thilhih thei taka bangakai vawp det pa chuh ahi. Mi chengcheng dinga gitloh ngaihdamna a siem nung in, van a, Pathien Bangakai hihtheipa khut changlam akhun a va chu ta a.

HEBRAI 1:6

Chun, Cha pieng masapen chuh van nuoia hih puih lut a hih tieng, “Pathien Vânsâwlchâkte chengcheng inle, Amah chibai u he’n,” a ti a.

THUPHUON 14:7

Chun, Pathien chuh aw ngeih tak in, “A vaihawm phat chuh a hungtun tâk ziekin, Pathien chuh lau unla, a lopina chuh pakchau un! Vante, leisiet te leh tuinakte siempa chuh ho un!” a ti a.

THUPHUON 4:11

“Nang, ka Lalpau leh ka Pathien uh, Lopina te, limbawlna te, thilhih theihna te, mu tâk na hi ie; Nangin thil bangkim na siem a, Na deih zieka um leh siem A hi ngâl u a,” a tiu a.