NEHEMIA 9:32 - PATHIEN LEKHABU THIENGTHO (BSI)

³² “Zieziekchun, ka Pathien uh lopi, bangkim hihthei leh lauh um, a thugawlh hezing leh zahngaihna a dim chun ka chung u leh ka leng teu leh ka milien teu, ka thiemputeu, ka thiemgau teu leh ka pileputeu leh, na mite chengcheng chunga Asuria lengte vaihawm lai apat a tuni tienga gimtheihna hung tung haw hi thil neu thêm in ngai ki’n.

NEHEMIA 9:32 ပူးပေါင်းရင်းမြစ်များ

1 LENGTE 8:23

“Aw Lalpa, Israel Pathien, nang tawbanga a ângsung a a lunggil chengchenga tawiviel zing a suokte dinga a thugawlh guitun saka lungsietna nei zing thei, chunglam van a leh nuoi lam lei ahin Pathien dang mawngmawng a um puoi.

2 LENGTE 15:19

Asuria te gam awptu khat, Tiglath Pileser chun Israel te chu a do a, Manahem chun a gamsunga a thuneihna sukhat na ding chun, dangkaguo talent sang khat a pie a.

2 LENGTE 15:29

Israel leng Pekah vaihawm lai in ahi, Asuria gam awptu lien, Tiglath Pileser in Ijon khawpi te, Abel-Bethmaakah te, Janoah te, Kadesh te, Hazor te, Gilead leh Galili gam te, Naphtali gam chengcheng te a lâk a, Asuria mipite chule a puih mang vek tâk chuh.

2 LENGTE 17:23

Khutichun, a suok thiemgaute manga ana gen tâksa guolin, Israel chate chu a mitmuh a Lalpa’n a bawhdawk masang sieh chu zie tak achun a um den tau hi.

2 LENGTE 17:3

Asuria leng Shalmaneser in a vak do a, tichun, Hosea chu a kipie lut ta a, leiman te le kum chengin a pie sek a.

2 LENGTE 17:6

Chun, Hosea’n kum kuo vai a hawm kum, Asuria leng in a do, kum thumna achun Samari khuo chu a la ta a, Israel te haw chu Asuria gam ah salin a pui a, khenkhatte chu Halah khawpi ah, Gozan gambung khen sunga Habor lui pang ah a um u a, khenkhat chu Media te khawpi ah a umsak ta a.

2 LENGTE 23:29

Josia vaihawm lai chun, Aigupta leng Pharaoh-nekoh chu sepaihte pui in, Asuria leng tawh kido dingin Euphrates lui ah a chieh to a; leng Josia chun Aigupta sepaihte chu Megiddo mun ah dal a na guo a; tichun, kidona achun thah in a um ta a.

2 LENGTE 25:7

Chun, Zedekiah chapate chu a mitmuh ngêi chun a that u a, Zedekiah mit haw chu a kheuhdawk sak a, kawl a buhsak a, Babulon lam ah a pui tau a.

EZRA 4:10

Mi thupi leh zahum Osnapper hun puidawk, Samari khawpi leh Luipi gala gamdang haw leh mun dang danga um namte tawh ahiu hi.

EZRA 4:2

Jerubabel leh inkuon lawiupate kieng ah a hung u a, a kawm u ah, “Hun sak pih ung kau, kei un le nang haw bangin na Pathien u chuh ka hawl ngâl u a; Asuria lengpa Esar-haddon vaihawm laia kipat khan a kieng ah ka kithawi sek u a, ama’n ei pui tung tai,” a tiu a.

EZRA 9:13

Chun, ka thilhihkhelh ziek u leh ka thil phalo hih ziek u a ka chung u a hiti bang thil a hung tun a, nang ka Pathien uh, ka gitlohna teu sanga nêp zaw a ei gawt a, zie tawbanga nei suohchak sak ziek hin,

NEHEMIA 1:5

“Aw Lalpa van Pathien, Pathien lopi leh lauh-um, Amah hehpih a a thupiek zawp te chunga thugawlh hezing a zahngaihna sulang sek pa;

SAM LEHKHABU THE PSALMS 47:2

Lalpa Chungnung pên chuh a lauh um ngâla: Lei chung chengcheng ah leng lopi tak ahi.

SAM LEHKHABU THE PSALMS 66:3

Pathien kawmah “Na thilhih haw chu a huoisie na maizen e! Na thilhih theihna nasat ziekin nangmah hun dote chun na kawmah nuoilut chuh un au.

SAM LEHKHABU THE PSALMS 66:5

Hung un la, Pathien thilhih haw hi en tiem u; Mihiem chate chunga a thilhih hi a lauh um ahi.

PAWTDAWKNA 18:8

Lalpa’n Israel te hukdawkna ding a Pharaoh leh Aigupta te chunga a hih zie chengcheng leh, lamkal a gimtheih a thawk zieu chengcheng leh, Lalpa’n amau haw a hûkbit zie haw chuh Mosi’n a puzawnpa a hilh a.

ISAI 9:6

Ei u dingin naupang a hung pieng a, Chapa piek in I um tau a! Vaihawmna chuh a liengko ah um intin; Amin chuh “Mak, Lemguottu, Pathien Hat, Kumsawt Pa, Chamna Lal Cha,” tih hi ding ahi ngâla.

DANIEL 9:4

Lalpa ka Pathien kawm achun ka paucham a, ka kiphuong a, “Aw Lalpa Pathien, lopi tak leh lauh um tak, nang hun hehpih a, na thupiek zawp sekte kawma thugawlh sudet in lungsietna na latsak sek a.

DANIEL 9:6

Na suok thiemgaute’n, ka lengteu leh ka lawiupateu kawm leh nam mipite kawma na min a a thugenteu chu ka na ngaitha ta puou a.

DANIEL 9:8

Aw Lalpa, na chunga ka na gitloh tâk ziekun, keihaw leh ka lengteu, ka milienteu leh ka pateu chun zahchâk um takin thil a na hih tau hi.

THIEMPUDANTE 26:18

“Ziehaw cheng nunga hile ka thu na zawp diek loh u chun, ka hun gawtna chuh a leh sagih in hih pung ding ka hi.

THIEMPUDANTE 26:21

“Nei dal u a, ka thu na zawp loh naklai u chun, na gitlohna teu zilin ka gawtna chuh aleh sagih in hihpung kit ing ka ting,

THIEMPUDANTE 26:24

keile nanguh kalh lam in um ing ka ting, keimah ngêi in na gitloh ziekun sagih vei sanga tamzaw’n hun gawt ding ka hi.

THIEMPUDANTE 26:28

ka lungnatna hun taksuoh ka ting, na chung u a ka lungnatna chuh a huoisie zawsem in sagih vei behlap ding ka hi.

DAN NIHNA 7:12

“Chun, hiti hi hi’n tin, zie thutanna haw hi na ngaihsak u a, na zuih u a, na hih u chun na pileputeu kawma Lalpa na Pathien un kihâksiel a a thuthun leh lungsietna chuh na chungu ah nga’n tin;

DAN NIHNA 7:13

Hun hehpih intin, hun vangsak intin, hun supung intin; piek dinga na pileputeu kawma a na kihâksiel gam achun na gil uh a gah leh na lei gah hawu buh leh uain leh sathau haw, na bâwngno u leh na belamno hawu le.

DAN NIHNA 7:21

Amau chuh na lauh dinguh ahi puoi; Lalpa na Pathien uh, Pathien lauh-um tak leh thupi tak chuh na laku ah a um ngâla.

DAN NIHNA 7:9

Zieziekchun, Lalpa na Pathien u maicha hi Pathien chuh ahi tih heu in; Pathien ginum, amah hehpih a, a thu zuite chunga khang sang chana thuthun leh lungsietna sulang zing seka,