NEHEMIA 9:26 - PATHIEN LEKHABU THIENGTHO (BSI)

²⁶ “Himahlele, thu awilo in na chungah a kiphin u a; na dân a nungngat u a, nang lam a hun puihkit guo thiemgaute chuh a that u a, lungnat um takin thil a hih u a.

NEHEMIA 9:26 ပူးပေါင်းရင်းမြစ်များ

1 LENGTE 14:9

Nang hin vang na masanga mite chengcheng sangin thil na hihkhiel nasa chuom a. Nei suklungnatna dingin pathien dangte leh milim kisung te na siem a, nei kiheisan ta a.

1 LENGTE 18:13

Jezebel in Lalpa thiemgaute a thah lai a ka thilhih Lalpa thiemgaute laka mi zakhat, sawmnga zelin kawlpûk ah ka selgu a, chângthâk leh tui a ka vak ziehaw kha ka pu hun hilh lo ahiu em?

1 LENGTE 18:4

Khutia Jezebel in Lalpa thiemgaute a thah lai khan, Obadia chun thiemgau zakhat a pui a, kawlpûk ah sawmnga zel in a selgu a, chângthâk leh tui in a vak sek a.)

1 LENGTE 19:10

Amah chun, “Lalpa sepaihte Pathien a ding hin phachuom ka ngai mah mah sek a. Israel chate chun lah na thugawlh a nusieh ta ngâl u a, na maichâmte a suchim u a, na thiemgaute chemzâm in a satlum u a; Kei, keimah mai hi a um sun ka hi, kei hinna le sukmangthai ding guo’n a hawl nalai ui,” a ti a.

2 LENGTE 21:10

Chun, Lalpa’n a suok, thiemgaute mang in thu a gen a:

2 LENGTE 21:11

“Juda leng Manasseh hin, zie thil kihdak-um tak haw hi a hih a, a maa Amor te haw sang inle a hih gilo nasa a, Judate chu milim ho a, thil a hihkhelh sak ziekin:

2 KHANGTHUBU 36:16

Himahleh Pathien mi sawlte chu a na musit u a, a thugen chu a ngaihsak puou a, Thiemgau te chu a nuihsan u a, suohchak na himhim umlo khawpa, Lalpa lungnatna a mite chunga a tun ma chun.

NEHEMIA 9:18

Ahi, bâwngno lim a siem u a, ‘Zie hi ahi Aigupta gama pata ei puidawk pathien chuh,’ a tiu a. Lungnat um tak thil a bawl lai u khan,

NEHEMIA 9:29

Chun, na dân lama na puihkit theih na ding in na hilhgaih seka; himahleh, chapo takin thil a bawl u a, na thupiek chuh a zui puou a, na vaihawmna kalh in thil gilo ahih u a (mi’n a hih leh a chîn den ding chuh) a chapo u a, a kisuluhlul u a, a ngaitha nuom puou hi.

NEHEMIA 9:30

Himahleh, kum tamtak amau haw na ngaitha a, na thagau in thiemgaute mang in na hilh seka; himahlele, a nakhang uh a sungawng u a, zieziekchun, a gama mite khut achun amau chuh na pie ta a.

SAM LEHKHABU THE PSALMS 50:17

Hilhgaihna na haw a, Ka thu haw hi na nunglam ah na paih zel ngâla.

JEREMIA 16:11

Hiti hin na gen ding ahi. “Nanguh hun suon ten ei taihsan ziekun ahi, pathien dang le a ho u a, a na a sem u a, a ho u a, ei taihsan u a, ka dân a zâwp puou hi.

JEREMIA 2:30

Na chateu ka zêp a la a phachuom puoh a; a phatpih diek puou hi. Sakeibaknei gawlham tak bang mai in na chemzâm teu in thiemgau te a that zo ta a.

JEREMIA 2:7

Gam phatak agah leh aphatna chen dingin ka hun puilut a, himahleh, na lut phet un ka gam chuh na subuok u a; ka go chan chuh thil ten um na suok sak tau hi.

JEREMIA 32:23

A hunglut u a a luoh tau a; himahleh, na kamsuok a nit puou a, na dân le a zui diek puou a, hih dinga na thupiek haw le a hih puou a, zieziekchun, zie thil phalo haw cheng hi a chung u a na tunsak ahi hi.

JEREMIA 42:19

“Aw Juda nutsieh a umte haw, Lalpa chun na chungthuu a gen tai, Aigupta gama chuh lut lo dingin tuni hin thu ka hun piek na hiu hi tih he zieng un.

SUNNA LA 3:42

I na sukhiel tau a, I kiphin u a; tichun aw Lalpa, nangin nei ngaidam ta puoi.

EZEKIEL 20:21

Ahih ziekin a chateu chuh ka chungah a hel u a. ka dân siem haw chuh a hawh puou a, ka thutanna haw, mi’n a zuih a a hinlawh ding hawu chuh zui dingin a vawp diek puou a; ka chawlhni haw chuh a bawhsie zaw tau a; khutichun ‘a chung u ah ka lungnatna chuh buntha’ng ka ting, thalek ahin a chung u a ka lungnat dân takin sawisa di’ng ka’, ka na ti hiel a.

MATTHAI 21:35

Chun, a ngakte chun a suokte chuh a na man u a, khat a zêp u a, khat a that u a; khat suongin a sep u a.

NASEPTE 7:52

Nanguh hun suonte’n, thiemgaute laka kuo a, a bawlsiet loh uh um? Mi Diktat hung ding thu hilhlawkte khah a that u a; zie Mi Diktat chuh matsakte leh thatte chuh nangmau hi na hiu apuo!

DAN NIHNA 32:14

Bâwngnawi khal leh belam nawitui in le a vak, Belamno thau in tawh, Bashan gam belamchal leh kelpite, Buh lim pên chi haw’n le; Grep tui san chîk le na dâwn sek.

DAN NIHNA 32:15

Ahihziekin, Jeshurun te chuh a hung thau u a, ahi lawk lawk u a; Na hung thau a, na hung mûm a, na hung zawl ta a; Khutichun, a siempa Pathien chuh a nusieh ta a, A hukdamna suongpi chuh a ngaidau hi.

VAIHAWMTE 10:6

Chun, Israel chate chun Lalpa mitmuh in thil gilo a hun hih kit tau a, Baal te, Ashtaroth te, Suria pathien te, Zidon pathien te, Moab pathien te, Amon suon pathiente, Philistia pathiente na a sem u a; tichun Lalpa a kiheisan tau a, a na a sem ta puou hi.