NEHEMIA 9:25 - PATHIEN LEKHABU THIENGTHO (BSI)

²⁵ Kulh nei khawpi leh gam phatak haw chuh a lau a, thilpha chitin a dim in a luoh u a, tuikhuk laihsate, grep huonte leh theikung tampi a nei u a. Tichun, a neu a, a vah u a, a hung thau tau a, na phatna chuh kiningting tak in a nawpchen u a.

NEHEMIA 9:25 ပူးပေါင်းရင်းမြစ်များ

DAN NIHNA 32:15

Ahihziekin, Jeshurun te chuh a hung thau u a, ahi lawk lawk u a; Na hung thau a, na hung mûm a, na hung zawl ta a; Khutichun, a siempa Pathien chuh a nusieh ta a, A hukdamna suongpi chuh a ngaidau hi.

NEHEMIA 9:35

A chung u a na phat maizen tawh, a gam uh, gam lien tak leh gam hausa tak na piek gam a chun na na a sem puou a, a thil gilo bawl uh a haihsan diek puou hi.

DAN NIHNA 3:5

Zie khuo haw chengcheng hi kulh sang taktak, kawtpi leh a kamna det taktak nei vek ahiu a, kulh neilo khuo tamtak simtel loh in le.

HOSEA 3:5

Zie tieng chu leh Israel chate chuh hung kisik untin, Lalpa a Pathien uh hun hawl untin; a leng uh David kawm achun kihei kit un tin, Tichun ni nunung lam achun Lalpa leh a phatna chuh lau kawmin zuon un au.

EZEKIEL 20:6

Zie ni khan amau chuh Aigupta gam apat a puidawk a, amau dinga ka gam huol, nawitui leh khuoizu a luong gam, gam chengcheng laka gam hawihpen a chuh puilut dingin a kawm u ah kihâksielna’n ka khut ka zaka.

1 LENGTE 8:66

A ni giet ni chun Solomon in mipi haw chu a kikhen sak a, chun, leng chu vang a pieu a, tichun Lalpa’n a suok David leh a mi Israel te chunga a phatna khuti lâwm lâwm a a latsak ziek chun lungthim kipâk leh thanuom takin a puonbuk lam chiet u ah a chieh tau hi.

DAN NIHNA 32:13

Lei mun sang haw chungah a chuon sak a, Lo thai gah in a vak seka; Suongpi khikek kal a khuoizu a dâwn saka, Mei suong apat sathau inle a chawm a;

ROME 2:4

A hihloh leh Pathien phatna’n lungheina dingin a hun pui sek hi tih helo in, a phatna hauh zie leh, a mi khuotuoh zie leh, a dawhtheih zie haw chuh na ngaidau ahi maw?

HOSEA 13:6

Himahleh, gam phatak chuh na lut phet un, ne vah in na lungkim mah mah tau a; tichun na hung chapo tau a, nei hengilh tau hi.

JEREMIA 31:14

Thiempute hinna chuh sathau in sutai ing ka ting, ka phatna’n ka mite le lung-awi un au tih hi,” tih hi Lalpa kamsuok ahi.

ISAI 6:10

Chun, ka kawmah, “Zie mite lunggil hi hih thim unla a bilteu sungawng unla, a mitteu sîn sak un; khutilochun, a mit un muu untin, a bil un zau untin, a lunggil un le heu untin, hung kihei kit untin, sukdam in um kha’n au,” a ti a.

SAM LEHKHABU THE PSALMS 65:11

Kum chu na phatna na’n na vuk seka; Na chieh na lampi haw achun hauhsak na a luong let sek hi.

THUCHINGTE 30:9

Khutilochun vah taluo leng hun hengilh kha’ng ka ting, Lalpa chuh “Kuo ahi?” ti kha’ng ka; a hihloh leh hung chagah taluo leng gu kha’ng ka ting, ka Pathien min susie khang ka.

ISAI 63:7

Lalpa zahngaihna nasep chuh geldawk ing ka ting; Lalpa zaidawhna thute leh pahchakna thute gen ing ka ting; A lungsietna bang zel leh, a zaidawhna nasat zie bang zela Israel inkuon chunga a phatna nasatak a vuk thu khale gen ing ka.

DANIEL 11:24

Hilh masa se lo in gam hausa gamte chu do intin; a pate leh a pute thil hihkhaklohte chuh hih in a. A mite lak achun gâllâk leh gâllâk thuomphuo te chuh hawmzak in a. Ahi kulh detdote do ding leh suksietna ding chuh ngaihtuoh intin, himahleh a hun chuh hung bei pai in a.

DAN NIHNA 32:14

Bâwngnawi khal leh belam nawitui in le a vak, Belamno thau in tawh, Bashan gam belamchal leh kelpite, Buh lim pên chi haw’n le; Grep tui san chîk le na dâwn sek.

1 LENGTE 14:9

Nang hin vang na masanga mite chengcheng sangin thil na hihkhiel nasa chuom a. Nei suklungnatna dingin pathien dangte leh milim kisung te na siem a, nei kiheisan ta a.

SAM LEHKHABU THE PSALMS 105:44

Chun, gam haw chu namte kawm achun a pie a; Amau chun mite hauhsakna chu a luoh tau a.

JEREMIA 2:7

Gam phatak agah leh aphatna chen dingin ka hun puilut a, himahleh, na lut phet un ka gam chuh na subuok u a; ka go chan chuh thil ten um na suok sak tau hi.

JEREMIA 32:23

A hunglut u a a luoh tau a; himahleh, na kamsuok a nit puou a, na dân le a zui diek puou a, hih dinga na thupiek haw le a hih puou a, zieziekchun, zie thil phalo haw cheng hi a chung u a na tunsak ahi hi.