NEHEMIA 9:2 - PATHIEN LEKHABU THIENGTHO (BSI)

² Khutichun, Israel chate chuh nam dang mite apat chun a kikawih chuom u a. Amau mun chiet achun a ding u a, a pileputeu leh amau haw gitloh na a phuong u a.

NEHEMIA 9:2 ပူးပေါင်းရင်းမြစ်များ

1 LENGTE 8:47

Sala a umna gam u a a kingaihtuoh dawk u a, a kisik u a, thil ka na hihkhiel u a, diklo takin leh gilo takin ka na hih tau, ti a sala puite haw gama a hun nget u chun,

EZRA 10:11

Zieziekchun, Lalpa na pileputeu Pathien kawm achun thupha chawi unla, a kipah lam sem un; chun, zie gama nam dang leh a numei teu laka kipat hin kikiengkawih un,” a ti a.

EZRA 6:21

Chun, Israel suon sal pawtte leh Lalpa Israel Pathien hawlte zie gama Pathien helo te buokna apat kikawih thiengtho te chun zie chuh a neu a.

EZRA 9:1

Chun, ziehaw zawh chun leng chate ka kawmah a hung u a, hiti hin a hung gen u a, “Israel mipite, thiempute leh Levi chite chuh zie gam mite laka hin a kikiengkawih diek puou a, Kanaan mite. Hit mite, Periz mite, Jebus mite, Amon mite, Moab mite, Aigupta mite leh Amor mite thilhih kihdak-um tak chuh amau inle a hih tau hi.

EZRA 9:15

Aw Lalpa Israel Pathien, nang na diktat ngâla, a um nalaite leh a suokcha te ka hiu a, tuni a na muh guol hin. Ngaitie, ka gitlohnau kipuok zingin na masang ah ka um u a, zieziek hin na masang ah kuomah ding thei lo ding ahi ngâla,” ka ti a.

EZRA 9:2

Zie gam mite chuh suon pawlhcheh suong dingin a chanu teu zi’n a nei u a, a chapa teu chuh zi’n a neih sak u a; khutichun, nam thiengtho chuh a subuok zo tau hi. Ahi a milien teu leh vaihawm te chuh zie tawbang thil gilo bawlna achun a makai pên in a pang u a,” ti’n ei hung hilh u a.

NEHEMIA 1:6

kei lam ah na bil hun dawh inla, na mi Israel chate a ding a sun leh zan a paucham zing na suok hi ei hun ngaitha’n. Na chungah ka na gilo tau hi tih ka phuong a, ka pileputeu leh kei mau ngêi hi ka na gilo tau hi; ahi, kei leh ka pa inkuon te’n thil ka na hihkhiel tau hi.

NEHEMIA 10:28

Chun, midang, thiempute, Levi te, kawtkhak vengte, lasate, Nethinim te leh Pathien Dan zuih guo midang te laka kikawih thiengtho haw leh a ziteu leh a chapateu leh a chanuteu, hetna leh hetthiemna nei taphawt te chun,

NEHEMIA 10:29

A suohpih teu leh a milien teu chu tawh, Pathien Dan, Lalpa suok Mosi kawma a piek te, leh a vaihawmna leh a thuguot te chuh chingthei taka zui leh vawp dingin a kipautiem tau a.

NEHEMIA 13:3

Chun, hiti hi ahi a, dân thu chuh a ngaihthak zawh phet un Israel mite tawh a na cheng hel nam dang te chuh a khen dawk tau hi.

NEHEMIA 13:30

Khutichun, amau chuh gamdang mite apat chun ka suthiengtho a, thiempute leh Levi chite chuh amau sep ding chiet sem dingin ka guot a.

SAM LEHKHABU THE PSALMS 144:11

Ei hukdawk inla, malzinhaw khuta pat ei hukdawk in, a kam u chun zuou thu a gen sek u a, khut changlam u chu khut changlam diklo ahi.

SAM LEHKHABU THE PSALMS 144:7

Chunglama kipatin na khut hun tha suk inla; Ei Hukdawk inla, tuilien a kipat leh gamdang mite khuta kipatin ei humbit in.

THUCHINGTE 28:13

Gitlohna selgute chuh lawhting ngei puo’n tin uh; himahleh kuole, kiphuonga haihsante vang chun zahngaihna mun au.

ISAI 2:6

Suohlam dawi thilhih dante, Philistia dawite a chîng u a, gamdang mite tawh a kikhutzawp tâk ziekun na mi, Jakob insung chuh na nawlh ta a.

JEREMIA 14:20

Aw Lalpa, ka pileputeu nunsiet zie teu hi ka phuong u a, na chungah ka hihkhiel ta ngâl u a.

JEREMIA 3:13

Lalpa na Pathien chunga na kiphin nate, thingbawk nuoi tin chenga gamdang mite a dinga na kiphal nate leh ka kamsuok na zawp loh na haw chuh thupha chawiin Lalpa’n a tii.

DANIEL 9:20

Chun, keimah gitlohna leh ka mipite gitlohna thupha chawi kawm leh, a Ho-In thiengtho hun tungding kit dinga Lalpa ka Pathien kawma ngên a paucham in ka um zing a.

HOSEA 5:7

Lalpa a dingin a ginum ta puou a, a chateu chule amah a ahi ta puoi. Zieziekchun, amau haw leh a gam u chuh sukmangthai in um un au.