NEHEMIA 9:15 - PATHIEN LEKHABU THIENGTHO (BSI)

¹⁵ “Chun, a gilkiel uh hih daihna dingin van apat in chângthâk na pie a; a dangchâk phatna dingun suongpi apat in tui na pie a; amau haw kawma piek na guot gam chuh luoh dingin na pie a.

NEHEMIA 9:15 ပူးပေါင်းရင်းမြစ်များ

DAN NIHNA 1:8

Ngaitiem u, zie gam chuh ka hun piek sa ahi tai: na pileputeu Abraham leh Isak leh Jakob te leh a nung u a a suonteu kawma pie dinga Lalpa kihâksiel na gam chuh va luoh tau in,’” ti’n.

PAWTDAWKNA 17:6

Ngaitie, Horeb a suongpi chung akhun na masangah ana ding ing ka ting; chun, suongpi chuh hun khên in na tin, tichun, mipite dâwn ding tui chuh hung luong dawk mai in a,” a ti a. Mosi’n Israel upate mitmuh chun khutibang chun a vak hih a.

PAWTDAWKNA 16:4

Khutichun Lalpa’n Mosi kawmah, “Ngaitie, nang u dingin van apat in chângthâk hun kiek sak ing ka, tichun mipite’n ni chengin ni khat a ding a a chanvo ding mai u chuh luok zel u hen, ka dân a zawp u leh zawp loh uh ka patep theihna dingin.

EZEKIEL 20:15

Thalek akhan le amau haw ka piek gam, bâwngnawi leh khuoizu a luong gam, gam chengcheng laka gam hawihpen, achun puilut puo’ng ka ti’n a kawm u a kihâksielna’n ka khut ka na zak ta a;

SAM LEHKHABU THE PSALMS 114:8

Amah chun suongpi chuh dîl a suok sak a, Meisuong chuh tuinak a suoh sak hi.

DAN NIHNA 8:3

Mihing hi chângthâk maia hing ahi puou a, himahleh, Lalpa kama thu pawt tin cheng in a hing zawu ahi tih a hun hetsak theihna dingin a hun sugimthei a, na kiel uh a phal a, na hêtkhâk loh uh, na pileputeu inle a hêtkhâk diek loh uh manna chun a hun chawma.

NEHEMIA 9:20

Amau haw sinsak dingin na Thagau phatak chuh na pie a, amau chuh, manna’n na chawma; a dangchâk uh sukbeih na dingin tui na pie sek a.

DAN NIHNA 1:21

Ngaitiem u, Lalpa na Pathien un gam chuh a hun pie chienkei ta a; chieh to unla, Lalpa na pileputeu Pathien in a na gen tâk guol khan va luoh un; lau kiu inla, lungkie hiel kiu in,” ka ti a.

KISIMNA 14:30

Jephuneh chapa Kaleb leh Nun chapa Joshua tih loh chuh na chênna ding u a ka hun piek na gam achun khat chale lut hiel puo’n lau,

THILSIEMBUL 14:22

Himahleh Abram chun Sodom lengpa kawm achun, “Patzang chakhat ahim, kengtawbek khau chakhat ahim le, nanga phawt chuh bangmah la puo’ng ka,

PAWTDAWKNA 6:8

Abraham te, Isak te leh Jakob te kawma kipautiem ngeia piek ka tiemna gam akhan hun puilut ing ka ting; tichun, na goluoh dingun hun pie’ng ka: kei Jehovah chuh ka hi hi,’ ti’n hilh in,” a ti a.

PAWTDAWKNA 17:3

Zie tak achun mipite dangchâk in a um u a; tichun mipite chuh Mosi chungah a phunchiek u a, “Bang zieka ka chateu leh ka ganchateu tawh dangchâk a thi dinga Aigupta gam apat nei puihdawk a?” a tiu a.

ISAI 48:21

Lalpa’n a mite gamlum leh thalek gamgawa a puih lai khan; dangchâk in a thuokgim ngei puou a; Amau haw dingin suongpi ah tui a pawtsak a, suongpite hihphel in tui a kichikdawk ta a.

JEREMIA 32:23

A hunglut u a a luoh tau a; himahleh, na kamsuok a nit puou a, na dân le a zui diek puou a, hih dinga na thupiek haw le a hih puou a, zieziekchun, zie thil phalo haw cheng hi a chung u a na tunsak ahi hi.