NEHEMIA 9:10 - PATHIEN LEKHABU THIENGTHO (BSI)

¹⁰ Tichun, Pharaoh leh a suokte leh a gama mi chengcheng te chungah melchikna leh thilmak haw na latsak a. Chapo taka a chung u a thil a hih teu chuh na he a, tichun, tuni tieng hin min in na nei ta a.

NEHEMIA 9:10 ပူးပေါင်းရင်းမြစ်များ

NEHEMIA 9:16

Himahleh, amau leh ka pileputeu chun chapo takin thil bawl in a kisuluhlul u a, na thupiek chuh a zawp ta puou hi.

NEHEMIA 9:29

Chun, na dân lama na puihkit theih na ding in na hilhgaih seka; himahleh, chapo takin thil a bawl u a, na thupiek chuh a zui puou a, na vaihawmna kalh in thil gilo ahih u a (mi’n a hih leh a chîn den ding chuh) a chapo u a, a kisuluhlul u a, a ngaitha nuom puou hi.

SAM LEHKHABU THE PSALMS 83:18

Nang mah mai hi JEHOVAH min pu, Lei chung chengcheng chunga Chungnung pên na hi, tih a het theihna dingun.

PAWTDAWKNA 18:11

Tuhin chuh Lalpa chuh pathien chengcheng sangin a lopi zawi tih ka he tai; Aigupta te’n simmawh taka a bawlna tâk u ah Amah chuh a chung u a um ahi,” a ti a.

PAWTDAWKNA 3:20

Tichun ka khut zak ing ka ting, Aigupta te chunga thil lauh-um ka hih ding chengcheng chun gawt ing ka, zie tieng chuleh vang hun pawtsak ta’n a.

PAWTDAWKNA 5:2

Pharaoh chun, “Lalpa chuh kuo ahi a, a thu ka zawpa Israel suonte ka vak pawtsak mai ding ahim? Lalpa chuh ka he puoh a, chun Israel chate le pawtsak puo’ng ka,” a ti a.

PAWTDAWKNA 7:1

Chun, Lalpa’n Mosi kawmah, “Ngaitie, Pharaoh a ding chun Pathien banga hun siem ding ka hi a, chun, na suohpihpa Aron in na thiemgau bangin a kawmah thu gen ina.

PAWTDAWKNA 9:16

Himahlele, zie ding ahih ka hun tundin na hi, ka thilhih theihna hun etsak ding leh khawvel chengchenga ka min a hung kithan theihna dingin.

ISAI 42:20

Aw Israel, tamtak na mu ta a; nanga dingin a umzie banga? Zakna dingin bil na nei a, himahleh banga na het mawng mawng le?

ISAI 63:12

Mosi manga thilhih theihna a thil lopitak hih sek Lalpa kha khawia um a hi ta’m? Kumlekhuo a a min sulopi dinga tuipi zêp khen a, a mite tui thuk tak a pui galkai pa kha khawitaka um a hi ta’m?”

ISAI 63:14

Luiphai lei phatna muna gan guolte puih a a um bangun. Lalpa thagau chun amau chuh chawlhdamna a pie a, khutibang chun min lopi tak na kisiem na dingin na mite chuh na pui kha” ti’n.

JEREMIA 32:20

Aigupta gama melchik na leh thilmak hih sek pa, tuni tienga Israel leh midang haw laka hih zel sek pa, tuni guol a a min ngêi sulang zing,

EZEKIEL 20:9

Ahih ziekin ka min vangkhuopna’n a lak u a a chênna teu, Jentel te’n ka min chuh a ngaihho lohna dingun, amau mitmuh ngêi achun Israel te kawmah, Aigupta gam apat puidawk in, keimah ngêi ka na kihetsak a.”

DANIEL 4:37

“Tichun, kei Nebuknezar hin van Lengpa chuh ka pakcha ta a, ka chawisâng a, ka limbawl a; a thilhih chengte chuh a dik in a lampite chuh a kitûp ngâl a: kuole chapo taka thilhihte chuh a suniem thei ahi,” ka ti a!

DANIEL 5:23

Van Lalpa chung achun na kikawihsang zaw ta a; a Ho-In a umlebelte chuh na masangah a hun chawi u a, zie chuh nang leh na miliente leh na ziteu leh na meiteu tawh uain dawnna’n na mang u a, dangkaguote, sanate, sumeng te, thikte, thingte, leh suonghaw a siem pathien, mu theilo, za theilo leh ngaitha thei lote chuh na limbawl zaw tau a. Pathien, na hin leh thih ding hun guonggalh sakpa leh na thilhih chengchenga hun enkawlpa chuh na zah ta puoh a.

DANIEL 9:15

“Chun, tuhin, Aw Lalpa ka Pathien uh, Aigupta gam apat a khut hât tak leh thilhih thei taka na mite puidawkpa leh minthanna leh minphatna tuchana kisiempa, ka gilo tau a, nunsie takin thil ka na hih tau hi.

NASEPTE 7:36

Amah chun, Aigupta gam ale, Tuisuohgiet San ale, Thalek haw achun, kum sawmli sungin, thilmak leh melchiknate a muh sak zet a, amau haw a pui dawk ta a.

ROME 9:17

Pathien Lehkha thu’n Aigupta leng kawm achun, “Zieziek hin ka hun tundawk na hi; nangmah a chuh ka thilhih theihna ka etsak theihna dingin leh, lei chung cheng chenga ka min a than theihna dingin,” a ti ngâl a.

DAN NIHNA 4:34

Ahihloh leh, Lalpa na Pathien un Aigupta gama na mitmuh ngêi u a a hih guola patepnate, thilmakte manga nam dang lak apat amah dinga nam khat puihdawk guo pathien a um kha mawng mawng em?

DAN NIHNA 7:19

Patepna nasatak na mit ngêi u a na muh hawu, melchikna haw, thilmak haw, khut hattak haw leh bân zaka Lalpa na Pathien un a hun puihdawkna kha; Lalpa na Pathien un na mi lauhteu chung achun zie guol khan hih zel ina.

1 PETER 5:5

Khutibang mah in, nanguh tanglak deuhte haw; upate kawmah kitulut un. A hii, na bawn uh a kizen tuoh chiet dingin, nuoilutchuhna’n kivan un; Pathien in mi husiete a do a, kingainiemte vang chuh lungsietna a pie sek hi.