NEHEMIA 9:1 - PATHIEN LEKHABU THIENGTHO (BSI)

¹ Khutichun, zie tha mah, ni sawmnih leh ni li ni chun Israel chate chun an a ngawl u a, kawlladip silh in a luzâng u a leivui kibuok in a kikhawm u a.

NEHEMIA 9:1 ပူးပေါင်းရင်းမြစ်များ

2 SAMUEL 1:2

Chun, ani thum ni chun mi khat, van sie taka kivan, a luzâng a nin bek lemlum hi Saul kawma a panmun u apat in a hung a; David kawm a hung tun chun leia khupbawk in chibai a bûk a.

2 KHANGTHUBU 20:3

Chun, Jehoshaphat a lau a, Lalpa puihna ngên in a paucham ta a. Juda gam chengcheng ah an ngawlh ding thu a phuong viel a.

2 KHANGTHUBU 7:10

Chun, tha sagihna, ni sawm leh ni thum ni chun mipi te chu a kikhenzak u a, Lalpa’n David leh Solomon leh a mi Israel te chunga a phatna a latsak ziek chun lawp tak leh kipâk takin mipi te chu a In lam chiet u ah a chieh tau hi.

EZRA 8:21

Khutichun, ka Pathien uh masang a kingaihniem ding thu ka phuong a, kei u leh ka chateu leh ka thuomphuo teu tawh lamzang taka ka chieh theih na dingun, Ahava lui a chun anngawlh ding thu ka phuong ta a.

EZRA 8:23

Khutichun, an ka ngawl u a, ei vengbit dingin Pathien ka sam u a; khutichun ka ngetnau chuh ei ngaihthak sak a.

NEHEMIA 8:2

Khutichun, tha sagihna, ni khat ni chun thiempu Ezra chun mipi kipunkhawm, nuting leh pating a hethiem thei ding tieng te masang achun Dan bu chuh a hun chawi a.

ESTHER 4:16

“Chieh inla, Judate chengcheng chuh Susan achun samkhawm in; an ngawl unla, kei a dingin paucham unla, Ni thum leh zan thum chuh an ne kiu inla, tui le dâwn diek kiu in. Kei leh ka suok nungakte hin le tawbang chun hih ung kau. Dan lo guolin leng kawmah lut ing ka ting, chun, ka thih leh ka thih himai ina,” a ti a.

ESTHER 4:3

Leng in thu a piek, thupiek tunna gam cheng a Juda te lak achun kahlemaunate, an ngawlhna te, tau lut lut nate a hung um ta a; mi tamtak chuh saidippuon silh in leivui lak achun a kuol u a.

JOB LEHKHABU THE BOOK OF JOB 2:12

Chun, gamla deuh apat a a vak et u leh a hethei ta puou a; tichun, aw suoh zetin ngeih tak in a kap u a; a puonhawu a bawtthêk u a, van lam ah leivui a vawk u a, a lu chung u ah leivui a kibuok u a.

ISAI 22:12

Zie ni chun, Lalpa Sepaihte Lalpa chun kap ding leh âwm kichup ding leh, sam met muih a saidippuon silh dingin a hun sama.

JOEL 2:12

Lalpa chun, “Khutichun, tuhin na lunggil chengcheng u a lungkham in, anngawl in, kap unla kei lam hung ngau in.

THIEMPUDANTE 23:34

Israel chate kawm achun hiti hin gen ah: Tha sagihna, ni sawm leh nga ni chuh Lalpa dinga Bawkcha Kut ahi a; ni sagih sung na mat dinguh ahi.

THIEMPUDANTE 23:39

Chun, gamsung a thai gah na lâkkhâwm zawh tieng u leh, tha sagihna ni sawm leh nga ni akipat chuh Lalpa dinga guolvakna chuh ni sagih sung na neih dinguh ahi. A ni giet ni chuh Sabbath chawlhni tawh kituok kit ding ahi.

JOSHUA 7:6

Chun, Joshua chun a puonhaw a bawtthêk a, Lalpa bawm masangah amah leh Israel upate chuh a mai u a lei si’n nitâk tiengin a khupbawk u a; a lu chung u ah leivui a buok u a.

THUPHUON 11:3

Tichun, ka thu ei hetpih nih te chuh thu pie’ng ka ting, amau chun kawlladip puon silh in, ni sang khat leh za nih leh ni sawmgup sung thu gen un au,” a ti a.

VAIHAWMTE 20:26

Khutichun, Israel suonte chengcheng leh mipite chuh a chiehto u a. Bethel ah a chieh u a, a kap u a, zie ni chun Lalpa masang ah nitâk lam tiengin an a ngawl u a; chun Lalpa kawma hâlmang kithawih na leh chamna thillat a la’n u a.

1 SAMUEL 4:12

Sepaih haw lak a pat in Benjamin suon pasal khat a tai a, a puon haw ek zeng zung leh a luchang a lei bek neunou in zie ni mah mah chun Shiloh a va tung a.

1 SAMUEL 7:6

Tichun, Mizpah a chun a chieh khawm tau a, tui a khâi uh a, Lalpa ma achun a sungthau a, zie ni chun an a ngâwl uh a, zie tak achun, “Lalpa chungah I na gilo tau hi,” a tiu a. Chun, Samuel chun, Mizpah achun Israel te vai a hawm a.