NEHEMIA 8:9 - PATHIEN LEKHABU THIENGTHO (BSI)

⁹ Khutichun, mipite chun dân thu chuh a zak phet un a lungthim uh a khawih mah mah a, tichun a kap tau a. Ziephet chun gam awptu Nehemia leh thiempute leh lehkhazikpa Ezra leh mipi sinsak Levi chite chun mipite kawm achun, “Tuni hi Lalpa na Pathien u a ding a ni thiengtho ahi a, kap kiu inla, thasie takin um kiu in,” a tiu a.

NEHEMIA 8:9 ပူးပေါင်းရင်းမြစ်များ

NEHEMIA 7:70

Chun, inkuon a lawiupa khenkhat chun zie nasep na ding chun thilpiek a pieu a. Gamawptu chun tuoklawm in sana darik sangkhat, kuongkang sawmnga, thiempute puonsilh zanga leh sawmthum a hun tuok a.

NEHEMIA 7:65

Chun, Tirsha-tha chun a kawm u ah, thiempu khat Urim leh Thumim tawh a hung pawt masang sieh chuh thil thiengtho pên chuh na nek loh dinguh ahi, a ti a.

DAN NIHNA 12:12

Chun, Lalpa na Pathien mau a chuh kipâk taka na um dingu ahi, nang u leh na chapateu leh na chanuteu tawh, na suokpateu na suoknu teu tawh, na khuou a cheng Levi te tawh, amau chun na lak u ah chanvo leh gam a nei puoh ngâl u a.

NEHEMIA 8:2

Khutichun, tha sagihna, ni khat ni chun thiempu Ezra chun mipi kipunkhawm, nuting leh pating a hethiem thei ding tieng te masang achun Dan bu chuh a hun chawi a.

DAN NIHNA 16:11

Lalpa na Pathien un a Min umna dinga a tel ding mun achun nang u leh na chapateu leh na chanuteu tawh, na suokpateu leh na suoknu teu tawh, na khuou a um Levi te tawh, chun, na lak u a um gam chuom mite leh nauchagahte leh meithaite tawh Lalpa na Pathien u maa chuh kipâk taka na um dinguh ahi.

ISAI 61:3

Zion a lusûnte chuh vut thasanga pakchavui, lungkhamna sanga kipahna sathaute, nguoina thagau hilo a pahchakna silhlechen te a kawm u a pie ding leh, amau haw chuh diktatna thing Lalpa phuh ngêi, a thil dik hih teu zieka Pathien chuh a lopi theihna dinga sawl ka hi.

THUGENPA 3:4

Kah hun a um a, nuih hun a um, lusûn hun a um a, lam hun a um hi,

EZRA 2:63

Chun, Tarshath chun a kawm u ah, “Urim leh Thumim kibelh a thiempu a hung dindawk masang sieh thil thiengtho chuh ne thei puo’n lau,” a ti a.

DAN NIHNA 12:7

Zie achun Lalpa na Pathien mau ah ne’n na tin un, na khut nasepteu Lalpa na Pathien un a hun vangsakna zieka chuh na inkuonteu tawh kipâk taka na um dinguh ahi.

THIEMPUDANTE 23:24

melchikna pengkun mût a, pengkun Kut na mat dinguh ahi a, zie ni chuh khawmpi thiengtho ahi.

ROME 7:9

Keimah ngêi le, makhan danlo in ka hing a, himahlele, thupiek chuh a hung um phetin, gitloh chuh a hung halh a, kei chuh ka thi ta a.

ROME 3:20

Khutichun, Dan thilhih ziekin mi kuomah a mitmuh in thiem changin um puo’n au; Dan um ziekin gitloh hetna hung um ahi zaw ngâl a.

MALAKI 2:13

Chun ziehi le na hih zel uh a, Lalpa maichâm chuh mitthi leh kahna leh mauna’n na buokkhum u a, a ziek chuh, a kawma na thillat teu a ngaihsak ta puoh a, deih tak a, a pawm takloh ziek in.

HOSEA 4:6

Ka mite chuh hetna tâksap zieka sukmangthai ahiu a, hetna na deih loh ziekin ken le ka thiempu nasem dingin ka hun deih ta puoi. Na Pathien dân na hengilh viela, ken le na chate hengilh ing ka.

NEHEMIA 12:26

Jeshua, Jozadak chapa Joiakim damlai leh gam pawpa Nehemia leh Ezra, thiempu lehkhazikpa damlai a um chuh ziehaw hi ahiu hi.

NEHEMIA 10:1

Tichun, ziehaw hi suoikai te chuh ahiu hi: Hakalia chapa, gam awptu Nehemia leh Zedekia.

EZRA 7:11

Chun, Artazerzias in thiempu Ezra Lehkhazik thiem, Lalpa thupiek leh Israel mite a dinga a thuguot sinsak kawma a lehkha thâk chuh ahi.

2 KHANGTHUBU 35:3

Israel mite sinsaktu, Pathien a dinga kawihchuom Levi te kawmah; “Israel lengpa David chapa Solomon In sak achun Thugawlhna thingkuong thiengtho chu kawih un; na liengko uh a ding a puokgik ahih loh na dingin, Lalpa na Pathien u leh a mi Israel te na sem zaw tau in.

2 KHANGTHUBU 34:21

“Chieh unla, kei leh Israel gam leh Juda gam a mipi ana damsun te ding hin Lalpa ei va dawtsak tiem u. Zie lehkhabu a thu umzie hi hawldawk unla. I pileputeu in Lalpa thu a na zawp loh ziekun leh, zie lehkhabu a hih ding kitite a hihloh ziek un Lalpa chu I chungu ah a lung ana tai,” ti’n thu a pie a.

2 KHANGTHUBU 34:19

Leng in lehkhabu kisim gi a zak phet chun, a puon a bawtthêk ta a, tih ngaihna he lo in.

2 KHANGTHUBU 30:22

Hezekia chun Levi te chu Lalpa hona ma a puihthiem ziek u chun a pakcha a. Chun, amau chun Kut ni sagih sung chun, kithawihna te lân in, a pileputeu Lalpa Pathien kawma suol thuphachawihna nei in ante a neu hi.

2 KHANGTHUBU 15:3

Chun, Hun sawttak Israel mite chun, Pathien tak neilo leh sinsaktu leh thiempu neilo leh dân neilo in a um u a;

2 LENGTE 22:19

‘Zie mun leh a sunga chêngte hi gawt leh, hansie dawl in hung um un au, tih thu ka gen kha na zak a, na lunggilte a nem a, Lalpa masanga na kingaihniem a, na puonte na bawhthek a, ka masanga na kah ziekin, Ken le na thu chu ka na zai,’ Lalpa’n a tii.

2 LENGTE 22:11

Chun, leng chun Dan Lehkhabu kisim a hun zak chun, hiti hi ahi a, a puonte a bawtthêk a.

DAN NIHNA 26:14

Ka lusûn lai un thil zek haw chuh ka ne puou a, ka buok lai un le ka dawm chawn viel viel puou a, mithite le zie laka chuh ka pie diek puou hi; Lalpa ka Pathien u thu chuh ka nung u a, nei thupiek chengcheng guolin ka hih vek uh ahi.

JAKOB 4:9

Lungkham un la, kiko un la, kap un; na nuihnau chuh lungkhamna suok sak unla, na lawpnau chuh lungkhamna suok hen!