NEHEMIA 8:8 - PATHIEN LEKHABU THIENGTHO (BSI)

⁸ Tichun, Pathien dân lehkhabu chuh kichien takin a sim u a, a umzie a hilhchien u a; tichun, a sim u chuh a hilhchien zel u a.

NEHEMIA 8:8 ပူးပေါင်းရင်းမြစ်များ

NASEPTE 28:23

Khutichun, ni a tiem u a, zie ni chun Paul umna In achun mi tamtak a kikhawm u a; zingpi apat, nitâk lam tiengin, a kawm u ah zie thu chuh a hilhchien ta a, Pathien gam thu a hetsak a, chun, Mosi Dan Lehkhabu apat leh, Thiemgaute Lehkhabu apat ladawk in, Isu chanchin thu achun, amau haw chuh thuzawh a guo hâm a.

LUKE 24:45

Tichun, Pathien lehkhathu hethei dingin, a lungthimteu a suk-hawn sak a,

LUKE 24:32

Amau chun, “Lampi a ei hopih laia, Pathien lehkha thu haw ei hilhchet lai khan, I sung ah I lunggil a kuong hiel hilo maw?” a kitiu a.

LUKE 24:27

Tichun, Isu chun, Mosi leh thiemgaute lehkha ah a pan a, Pathien lehkha thu a amah chanchin kizik chuh amau haw a hilh chien ta a.

HABAKKUK 2:2

Tichun, Lalpa’n ei dâwng a: “Kilâkna chuh zik in la, taih kawm ale sim theih dingin, kichien takin suongpek chungah zik in.

EZRA 4:18

“Ka kawma na lehkha hun thâk u kha ka masang ah kichien takin sim dawk ahi a,

NEHEMIA 8:7

Chun, Levi chite, Jeshua, Bani, Sherebia, Jamin, Akkub, Shebathai, Hodija, Maaseiah, Kelita, Azaria, Jozabad, Hanan, leh Pelaia chun dân thu chuh mipite chuh a hilhchien u a, mipite chuh a dinna mun u ah chun a ding zing u a.

NEHEMIA 8:9

Khutichun, mipite chun dân thu chuh a zak phet un a lungthim uh a khawih mah mah a, tichun a kap tau a. Ziephet chun gam awptu Nehemia leh thiempute leh lehkhazikpa Ezra leh mipi sinsak Levi chite chun mipite kawm achun, “Tuni hi Lalpa na Pathien u a ding a ni thiengtho ahi a, kap kiu inla, thasie takin um kiu in,” a tiu a.

NEHEMIA 8:12

Tichun, a kawm u a dân thu kisimdawk chuh a hetthiem ziekun, mipite chuh a chieh tau a, a ne’n a dâwn u a. midang te chanvo ding a thâk u a; guolvakna thupi tak a siem tau hi.

2 LENGTE 23:2

Chun, leng chu Juda gama mi chengcheng tawh, thiempute leh thiemgaute tawh, mipi chêngte chu tawh, a lien a neu in, Ho-In achun a va chieh to u a. Leng chun, a lehkhabu muhna sung u a thugawlh chuong chengcheng chu, ngeih tak in a zaknau ah a sim a.

NEHEMIA 9:3

A umna mun u achun a ding u a, ni khat mun li a khena mun khat sung Lalpa Pathien dân lehkhabu chuh a sim u a; mun li a khena mun khat dang chuh gitloh thupha chawihna’n a mang u a; Lalpa a Pathien uh a ho ui.

EZEKIEL 46:10

Chun, a lut tieng u leh, leng chuh amau haw tawh lut khawm un tin, a pawt tieng u leh amah le a pawt kit ding ahi.