NEHEMIA 8:6 - PATHIEN LEKHABU THIENGTHO (BSI)

⁶ Tichun, Ezra chun, Lalpa Pathien lopi tak chuh a pakchau a, “Amen, Amen,” ti’n a khut uh dawmsang kawm in a na dâwng u a. Chun, a maichang u a leisi’n a khun u a Lalpa chibai a bûk tau hi.

NEHEMIA 8:6 ပူးပေါင်းရင်းမြစ်များ

1 TIMOTHE 2:8

Khutichun, pasal haw’n, sapchuom nasepna achun, khut thiengtho tungin, lungna lo leh kiniel lo in paucham leu ka deih ahi.

SUNNA LA 3:41

I khutteu leh I lungthimteu chu Van Pathien lam ah dawmsang hitiu.

PAWTDAWKNA 4:31

Chun, mipite chun a gingcha tau a: chun, Lalpa’n Israel chate gimtheih zie a mu tai tih a het un, a bawkkhup u a, a ho tau hi.

2 KHANGTHUBU 20:18

Khutichun Jehoshaphat chu a mai a lei si’n a khun a; chun, Juda mite chengcheng leh Jerusalem mite chengcheng chu Lalpa aho u a, Lalpa masang ah a khun u a.

THUPHUON 7:11

Chun, vânsâwlchâk chengcheng te chuh, Lalchutphah leh, upate leh, ganhing lite kimvel achun dinsa’n a um uh a; chun Lalchutphah mai tak achun khupbawk in,

SAM LEHKHABU THE PSALMS 134:2

Na khut hawu chuh munthiengtho lam ah zak unla, Lalpa chuh pakchau in.

NEHEMIA 5:13

Ka puonchen ka thinga, “Zie thutiem bang taka hih lo chuh a In a kipat leh a nasep a kipatin thinthak hi henla, khutngawn in um hen” ka ti a. Chun, mipite chengcheng chun, Amen, Lalpa chuh pakchau in, a tiu a. Khutichun, mipite chun zie thutiem dungzui chun a hih tau a.

THILSIEMBUL 24:26

Tichun suokpa chun a lu a khun a, Lalpa chuh a ho a,

1 KHANGTHUBU 29:20

Chun, zie zawh chun David in mipi cheng chengte kawm achun, “Khaile, Lalpa na Pathien u chuh pakchau un,” a ti a. Tichun, mipi chengcheng chun Lalpa, a pileputeu Pathien chu a pakchau a, a khun u a, Lalpa leh leng chuh chibai a bûk u a.

THIEMPUDANTE 9:24

Tichun, Lalpa ma apat chun mei a hung pawt a, hâlmang thillat leh maichâm chunga sathau um haw chuh a katum ta a; zie chuh, mipite chun a muh phet un, a kiko u a, maia lei si’n a khupbawk tau hi.

PAWTDAWKNA 12:27

‘Zie hi Lalpa chiehkân kithawihna ahi, amah chun Aigupta mite a suklup lai khan ka In teu chuh a chiehkan a, Aigupta gama Israel chate In chuh a chiehkân ahi, na hun tih ding uh ahi,’” a ti a. Israel mite chun a luu khun in a ho tau a.

1 PETER 1:3

I Lalpau Isu Krista Pathien leh Pa chuh pahchak in um hen. Amah chun a zahngaihna nasatak dungzui zelin, mithi lak apat Isu Krista thawhkitna vangin, kinepna hing mu dingin hinna thak ei pie a.

EPHESI 1:3

I Lalpau Isu Krista leh Pa chuh pahchak in um hen! Amah chun, vanmun haw akhun Krista achun thagau lam vang sakna tincheng tawh vang ei pie a.

1 KORINTH 14:16

Khutichun, thagau maia Pathien kawma kipahthu na gen chun, kikhawpnaa tel dangte chun, bangti’na, na kipah thugenna a chuh, “Amen” a tih theih dinguh? Na thugen hetna ding a nei puoh ngâl a.

MATTHAI 26:39

Chun, a malam ah kal bang zah ahim a suona, a khupbawk a, “Aw he pa, a hih theih ding chun, zie khawn hi ka kawm apat kichawn mang heh; himahlele, kei thu hilo in nangmah thu thu hi zaw hen,” tin a paucham a.

MATTHAI 6:13

Thepna ah ei puilut ki’n la, Gitloh apat in ei hukdam zaw’n; Gam leh, thilhih theihna leh, lopina chuh, Kumsawt in nanga ahi ngâl a. Amen.’

JEREMIA 28:6

“Thiemgau Jeremia chun, ‘Amen, Lalpa’n khutibang chun hih ngut hen; Lalpa Ho-In a ûmlebel leh, saltânghaw Babulon apat a zie mun hun tun kit dinga na genlawk chuh Lalpa’n hih guitung tei he’n!

SAM LEHKHABU THE PSALMS 141:2

Ka pauchamna hi thil gimlim tak guolin na masang ahin pawm in um hen la; Ka khut zak hi nitâk lam kithawihna guol in um hen.

SAM LEHKHABU THE PSALMS 63:4

Tichun ka damlai chanin hun pakcha’ng ka, Na min in ka khut te zak ing ka ting na min sam ing ka.

SAM LEHKHABU THE PSALMS 41:13

Lalpa, Israel Pathien chuh, Kumsawt apat kumsawt tiengin pahchak in um hen. Amen, Amen.

SAM LEHKHABU THE PSALMS 28:2

Ka hun sapa, ka khut haw hi na Ho-In munthiengtho a ka zak chun Lungsiet ka ngetna aw haw hi ngaitha’n la.

2 KHANGTHUBU 29:30

Lengpa Hezekia leh milien te chun Levi te chu David leh thiemgau Asaph phuok, pahchakna la sa ding in thu a pie a, mitin chun kipâk tak in pahchak na la a sau a, a khun u a, Pathien a ho tau a.

2 KHANGTHUBU 6:4

A mah chun, “Lalpa, Israel te Pathien, ka pa David kawma amah kam ngêi a,

THILSIEMBUL 14:22

Himahleh Abram chun Sodom lengpa kawm achun, “Patzang chakhat ahim, kengtawbek khau chakhat ahim le, nanga phawt chuh bangmah la puo’ng ka,

1 KHANGTHUBU 16:36

Lalpa, Israel Pathien chu kumsawt apat kumsawt chanin pahchak in um hen. Tichun, mipi chengcheng chun, “Amen, Lalpa chuh pahchak in um hen,” a tiu a.

NEHEMIA 8:7

Chun, Levi chite, Jeshua, Bani, Sherebia, Jamin, Akkub, Shebathai, Hodija, Maaseiah, Kelita, Azaria, Jozabad, Hanan, leh Pelaia chun dân thu chuh mipite chuh a hilhchien u a, mipite chuh a dinna mun u ah chun a ding zing u a.

1 KHANGTHUBU 29:10

Khutichun, David in mipi chengcheng te ma achun Lalpa chu a pakcha a, “Aw Lalpa, ka puu Jakob Pathien, kumlekhuo a pahchak in um in.

2 KHANGTHUBU 29:10

“Tuhin, zie lungnatna nasatak chu a beih theihna dingin Lalpa Israel te Pathien kawmah thuthun ka guot ahi.

SAM LEHKHABU THE PSALMS 95:3

Lalpa chuh Pathien lopi tak ahi ngâla, pathien chengcheng chunga Lal lopi tak ahi.