NEHEMIA 8:16 - PATHIEN LEKHABU THIENGTHO (BSI)

¹⁶ Khutichun, mipite chuh a chieh u a, thingbâk haw chuh a hun chawi u a, sawlbuk a siem u a. Mitin in amah In huongsung leh inmai haw leh Pathien In huongsung leh Tui kawtkhaka lamlien pang vel leh Ephraim Kawtpi lamlien a chun sawlbuk a khawh u a.

NEHEMIA 8:16 ပူးပေါင်းရင်းမြစ်များ

NEHEMIA 12:39

Tichun, Kawtpi Lui chunga, Ephraim kawtpi chung, Nga kawtkhak chunga Hananel insang leh Hammeah insang chung leh Belam kawtkhak tiengin; tichun, suongkul kawtkhak achun thipkêi in a ding u a.

2 LENGTE 14:13

Chun, Israel leng Jehoash chun Juda leng, Ahaziah chapa Amaziah chu Beth-shemesh achun a man a, Jerusalem khuo ah a chieh a, Jerusalem kulh chu Ephraim kulh kawtkhak apat a kulh ning kawtkhak tiengin tawng zali zet chu a hihchim ta a.

NEHEMIA 12:37

Tui kawtpi zawn a tun phet un, David khawpi zawtna kalbi achun a chieh to u a; kulhbang zawt toh na David in changlam pang suohlam panga Tui kawtpi tiengin.

NEHEMIA 3:26

Chun, Nethinim te chuh Ophel ah a cheng u a, suohlam panga Tui kawtpi tawh kimaingat leh In sang hung dawk chuom tiengin a um u a.

JEREMIA 32:29

Chun, zie khawpi do ding Kaldai te chuh hung untin uh, zie khawpi hi hung hâl un tin, Baal a dinga gimlim a inchung a a hâl sek nau chuh katum ina; pathien dangte kawma dâwn ding thillat a butdawk sekna in u chule katum in a, ei suklungnatna ding un.

NEHEMIA 8:3

Chun, Tui kawtkhak zawna mun âwng lien tak achun zing khang apat in sun tiengin a sima. Tichun, mipi chengcheng chun Dan thu chuh phatak in a ngaithau a.

JEREMIA 19:13

Jerusalem in haw leh Juda lengte in haw chuleh a chunga van lam thilte kawma gimlim na hâlna chengcheng leh, pathien dangte kawma dâwn ding thillat sundawk sekna haw cheng chuh Topheth bang mai in sukbuok hi’n a,” ti’n.

2 KHANGTHUBU 33:5

Ho-In huongsung mun nih te a chun, aksite hona dingin maichâm a siem a.

2 KHANGTHUBU 20:5

Ziete chuleh Jerusalem a mite chu Ho-In huongsung thak sung achun a kikhawm u a. Leng Jehoshaphat chu a va chieh a, a masang u a chun a va ding a,

2 SAMUEL 11:2

Chun, hiti hi a hi a, nitâk ni nem chun a zâlkhun apat David a tho a, leng In chungah a va vak viel a: chun, In chung apat chun numei khat kisil lai chu a vak mu a; zie numei chu melhawih tak ahi a.

DAN NIHNA 22:8

“In thak na sak tieng u leh, na In chung u apat mi kie lo a, na In u chuh thisan suohna In ahih lohna dingin na In chung u chuh na ûmkimvel dinguh ahi.

NEHEMIA 8:1

Chun, mipi chengcheng chuh thukhat kisa’n Tui kawtkhak zawna mun âwng lien tak achun a kikhawm u a; chun, lehkha zikpa Ezra chuh Lalpa’n Israel chate zuih dinga a piek Mosi Dan bu hun chawi dingin a hilh u a.