NEHEMIA 8:10 - PATHIEN LEKHABU THIENGTHO (BSI)

¹⁰ Khutichun, amah chun a kawm u ah, “Chieh unla, a thau thau neu unla, a thum thum dâwn unla, bangmah neilote dingin chanvo thâk un. Tuni hi Lalpa a dinga thiengtho ahi ngâla. Lungkham kiu in, a ziek chuh Lalpa a na kipahna u chuh na hât nau ahi ngâla.”

NEHEMIA 8:10 ပူးပေါင်းရင်းမြစ်များ

THUCHINGTE 17:22

Lungthim kipahna chuh damdawi phatak ahi a, himahleh, lungthima gimtheihna vang chun guh a sungawt hi.

THUGENPA 9:7

Khawsa zel inla, kipâk takin na chângthâk ne’n la, uain dâwn in; na thilhih chengcheng chuh masang lai apat a khah Pathien in pha a sak sa ahi.

SAM LEHKHABU THE PSALMS 149:2

Israel chuh a siempa chung achun kipâk henla: Zion chate chuh a Lalpen uh chung achun lawp u hen.

ISAI 61:10

Lalpa achun nasa takin kipâk ing ka ting, ka lungthim le ka Pathien chung ah kipâk in a; amah chun hukdamna puon ei silh saka, diktatna puonâk chuol in ei thuom ta ngâla. moneipa chuh pakchavui a a kithuom a, mo chuh sana khite a a kichei bangin.

ESTHER 9:19

Zieziekchun, kulh neilo khawte haw a Juda te chun Adar tha ni sawmleli ni chuh kipahna leh guolvakna ni leh nek ding leh thil piek kithak tuohna ni’n a mang tau hi.

2 KORINTH 8:2

Khati a, buoina nasatak maia patepa a umna thuu leh; chagah tak mai himahleu le, a kipahnau luong let a, thilphalna nasatak mai a chan tâk zieu thute khah.

ESTHER 9:22

Zie ni chun Juda te chuh a melmateu apat a gâlmuong a a um tâk ziekun leh, zie tha a lungkhamna chuh a mau dinga kipahna a suok tâk ziekin leh, kahna ni chuh kipâk um taka a hung chan tâk ziekin. Guolvakna ni leh kipahna ni leh nek ding kithak tuohna ni leh gimtheite thilpiekna ni dinga siem dingin le thu a pie a.

THUGENPA 3:13

Zieziekchun, mitin hi ne leh dâwn a, a sepgim gahteu nuom taka a chen u chuh Pathien thilpiek ahi.

THUGENPA 2:24

Mihing a ding chun nek leh dâwn a, a sepgim zieka thilpha a nawpchen sanga phazaw a um puoi. Zie chule Pathien khuta kipan ahi tih ka hun he tai.

THUGENPA 11:2

Na thil neih te chuh mun sagih ahim mun giet ahim ah hawmzak in, leichung ahin bang tawbang sietna hungtung ding ahim tih na he puoh ngâla.

PHILIPPI 3:4

Nuom vang leng keile, phehlevo pawlama zek le chan kibawlte chunga ginna kimuonpih nei a a kingaih u chun, kei ka kingai zawsem hi.

LUKE 11:41

Khutichun, na khawn u leh na kuong sungteu a um chuh mi chagahte kawmah pieu in, tichun, thil bangkim chuh nang haw adi’n thiengtho ding ahi.

SOLOMON LA 5:1

Ka huon a ka luta, ka suohpihnu, ka lawinu, Ka murra ka gimlimte tawh ka lakhawm a, ka khuoizu chuh a phâng pum in ka ne a, ka uain ka dâwn a, bâwngnawi tui tawh; Guolte haw, neu inla, dâwn un; hehpihna chuh kham hielin ta’n un,

THUGENPA 5:18

Thilpha leh hawih khawvel a ka muh chuh Pathien in damsung hun chawmchah a piek sunga mihing in a sepgim gah chuh a nêk a, a dawna nuom tak a a chen chuh ahi; zie chuh a chantawk ahi.

JOEL 2:23

“Nanguh, Zion chate haw, kipâk un! Nang haw dinga Lalpa thilhihte ziek chun kipâk un. Guoh masa chu a hun takin nanguh a hun pie ta ngâl a. Nanguh dingin guoh a zuk sak a, chavang guoh masa leh guoh nunung chuh.

THUPHUON 11:10

Zie mi nih te thihna ziek chun leia mite chuh kipâk un au. Kipahnate siem in, thilpiekte kithak tuoh un au, zie thiemgau nih te chun lei chunga umte chuh a sukgimtheih sek ziek un.

1 SAMUEL 25:8

Na tangvalte dawng leh chin hun hilh zieng in au: Zieziekchun ka tangvalte hi a na lungsiet inla: a lemchân ni taka hung ka hiu hi; na neih dân dân chu na suokte leh na chapa David hi a na pien, a tii, va tiu in,” a ti a.

NEHEMIA 8:11

Khutichun, Levi chite chun, “Thip hiet hiet un, tuni hi ni thiengtho ahi ngâla; lung le lungzîng kiu in,” ti’n mipite chuh a thêm bih tau a.

NEHEMIA 8:12

Tichun, a kawm u a dân thu kisimdawk chuh a hetthiem ziekun, mipite chuh a chieh tau a, a ne’n a dâwn u a. midang te chanvo ding a thâk u a; guolvakna thupi tak a siem tau hi.

ZEKARIA 14:21

Chun, Jerusalem leh Juda ûmlebel chengcheng chuh, Bangkim hihthei Lalpa hona dinga kawih thiengtho hung hi ta’n au. Tichun, kithawi chengcheng chun hung lau un tin, sa huonna’n mang un au. Zie ni chuleh, Sepaihte Lalpa Ho-In achun Kanaan mi himhim um ta puo’n au.

1 LENGTE 8:66

A ni giet ni chun Solomon in mipi haw chu a kikhen sak a, chun, leng chu vang a pieu a, tichun Lalpa’n a suok David leh a mi Israel te chunga a phatna khuti lâwm lâwm a a latsak ziek chun lungthim kipâk leh thanuom takin a puonbuk lam chiet u ah a chieh tau hi.

1 KHANGTHUBU 16:27

Limbawlna leh lopina’n a ûmkimvel a; Hatna leh kipahna chu a Mun thiengtho achun a um a.

SAM LEHKHABU THE PSALMS 89:17

Nang chuh a hâtnau lopina na hi ngâla; Na deihsakna ziekin ka kiu hi limbawl in um in a.

ISAI 49:5

Chun, a nasem dinga sûl apat a ei siem Lalpa chun, Jakob te a kawma puikit ding leh Israel chate chuh a kawma puikhawm ding ahi a, Lalpa mitmuh a limbawla ka um theih na dingin, Lalpa chuh ka hatna bulpi ahi ngâla.