NEHEMIA 8:1 - PATHIEN LEKHABU THIENGTHO (BSI)

¹ Chun, mipi chengcheng chuh thukhat kisa’n Tui kawtkhak zawna mun âwng lien tak achun a kikhawm u a; chun, lehkha zikpa Ezra chuh Lalpa’n Israel chate zuih dinga a piek Mosi Dan bu hun chawi dingin a hilh u a.

NEHEMIA 8:1 ပူးပေါင်းရင်းမြစ်များ

EZRA 7:6

Ezra chuh lehkhazik mi, Lalpa Israel Pathien piek Mosi dân thiem tak ahi a; Lalpa a Pathien in a deihsak bangin a thil nget cheng chuh Lalpa’n a phalsak zel hi.

NEHEMIA 3:26

Chun, Nethinim te chuh Ophel ah a cheng u a, suohlam panga Tui kawtpi tawh kimaingat leh In sang hung dawk chuom tiengin a um u a.

2 KHANGTHUBU 34:15

Shaphan kawm achun, “Zie Ho-In a hin Dan bu ka mudawk tai” a ti a. Lehkhabu chu Shaphan kawmah a pie a,

EZRA 7:11

Chun, Artazerzias in thiempu Ezra Lehkhazik thiem, Lalpa thupiek leh Israel mite a dinga a thuguot sinsak kawma a lehkha thâk chuh ahi.

MATTHAI 23:34

Ngaitiem u, ziebang tak chun na kawm u ah thiemgaute, miching te, danthuzikte hun sawl ding ka hi; abang chuh that un na tin uh, kross ah khên den unlau, a bang chuh na kikhawpna In hawu ah savun khau in zêp un na tin uh, khaw tin ah bawl gimthei zui zel unlau.

MATTHAI 23:13

“Himahlele, nang haw, Danthuzikte leh Pharisai gukhahte haw, na chunguh a gik hi! van gam chuh mi dingin na khâk u a,

MATTHAI 23:2

“Danthuzikte leh Pharisaite chuh Mosi dante lehdawk dinga guot ahiu a.

MATTHAI 13:52

Chun, amah chun a kawm u ah, “Khuti ahih chun, dân thu zik van gam lampi sinsak a um ta chuh, In nei, a gobawm apat a thil thak leh thil lui suohdawk zing sek bang chuh ahi,” a ti a.

MALAKI 4:4

“Israel chate chengcheng zawp dinga Sinai tânga ka piek Dan leh thupiekte ka suokpa Mosi’n a hun sinsakte kha hezing un!

ISAI 8:20

Amau haw chuh hiti hin dâwng un, “Lalpa hun sinsakna hi ngaithau in! Dawithiemte chuh dawng kiu in, a thugen u chuh bangmah phatchuomna bei ahi,” ti’n dâwng un.

NEHEMIA 12:37

Tui kawtpi zawn a tun phet un, David khawpi zawtna kalbi achun a chieh to u a; kulhbang zawt toh na David in changlam pang suohlam panga Tui kawtpi tiengin.

NEHEMIA 8:16

Khutichun, mipite chuh a chieh u a, thingbâk haw chuh a hun chawi u a, sawlbuk a siem u a. Mitin in amah In huongsung leh inmai haw leh Pathien In huongsung leh Tui kawtkhaka lamlien pang vel leh Ephraim Kawtpi lamlien a chun sawlbuk a khawh u a.

VAIHAWMTE 20:8

Tichun, mipite chengcheng chuh kithuguol in a kipan dawk u a, “Kuomah a In lam u ah chieh kihen la, kuomah a In ale lut diek kihen.

VAIHAWMTE 20:1

Khutichun, Israel chate chengcheng-Dan apat a Beerseba tiengin Gilead mite tawh kipumkhat in Mizpah a Lalpa kawmah a kikhawm tau a.

2 KHANGTHUBU 34:30

Thiempu te leh Levi te leh mipi chengcheng hausa leh chagah te a bawn un Ho-In ah a chieh tau a. A bawn u a masang a chun Ho-In a thugawlh na bu kimu chu leng in a bawn in ngeih tak in a sim ta a.

EZRA 7:10

Ezra chun Lalpa Dan chuh he a zawp ding leh Israel kienga a thuguot haw leh vaihawmna sin sak dingin a lungthim a pie ta a.

NEHEMIA 8:3

Chun, Tui kawtkhak zawna mun âwng lien tak achun zing khang apat in sun tiengin a sima. Tichun, mipi chengcheng chun Dan thu chuh phatak in a ngaithau a.

THIEMPUDANTE 9:5

Tichun, Mosi’n thu a piek bang chun, kihona puon-In mai achun a hun kai u a; mi chengcheng chun a va naih u a, Lalpa masang achun a va ding u a.

DAN NIHNA 31:11

Mun a guot dinga Israel mi chengcheng Lalpa na Pathien mau a a hung kilat tiengu leh, zie dân hi Israel te chengcheng zaka na sim dawk sek dinguh ahi.

2 LENGTE 23:2

Chun, leng chu Juda gama mi chengcheng tawh, thiempute leh thiemgaute tawh, mipi chêngte chu tawh, a lien a neu in, Ho-In achun a va chieh to u a. Leng chun, a lehkhabu muhna sung u a thugawlh chuong chengcheng chu, ngeih tak in a zaknau ah a sim a.

EZRA 7:1

Chun, zie thil haw nung chun Persia leng Artazerzias vaihawm lai in Ezra chuh Babulon apat in a chiehto a, zie pa chuh Seraiah chapa ahi a, zie pa chuh Azaria chapa ahi, zie pa chuh Hilkiah chapa ahi.

NEHEMIA 12:26

Jeshua, Jozadak chapa Joiakim damlai leh gam pawpa Nehemia leh Ezra, thiempu lehkhazikpa damlai a um chuh ziehaw hi ahiu hi.