NEHEMIA 7:65 - PATHIEN LEKHABU THIENGTHO (BSI)

⁶⁵ Chun, Tirsha-tha chun a kawm u ah, thiempu khat Urim leh Thumim tawh a hung pawt masang sieh chuh thil thiengtho pên chuh na nek loh dinguh ahi, a ti a.

NEHEMIA 7:65 ပူးပေါင်းရင်းမြစ်များ

NEHEMIA 8:9

Khutichun, mipite chun dân thu chuh a zak phet un a lungthim uh a khawih mah mah a, tichun a kap tau a. Ziephet chun gam awptu Nehemia leh thiempute leh lehkhazikpa Ezra leh mipi sinsak Levi chite chun mipite kawm achun, “Tuni hi Lalpa na Pathien u a ding a ni thiengtho ahi a, kap kiu inla, thasie takin um kiu in,” a tiu a.

PAWTDAWKNA 28:30

Chuleh, zie vaihawmna awmphaw achun Urim leh Thumim na kawih ding ahi a; zie chuh Aron chuh Lalpa ma a chieh tieng chuleh Israel chate vaihawmna chuh a lungchang zawna a kawih zing ding ahi.

NEHEMIA 10:1

Tichun, ziehaw hi suoikai te chuh ahiu hi: Hakalia chapa, gam awptu Nehemia leh Zedekia.

EZRA 2:63

Chun, Tarshath chun a kawm u ah, “Urim leh Thumim kibelh a thiempu a hung dindawk masang sieh thil thiengtho chuh ne thei puo’n lau,” a ti a.

DAN NIHNA 33:8

Chun, Levi mite chungchâng achun; “Na Thumim leh na Urim chuh na mi thiengtho kawmah a um hi, Amau chuh Massah ah na patepa, Meribah tui mun ah a dik zieu na phawchien a;

KISIMNA 27:21

Tichun, amah chuh thiempu Eleazar masangah ding intin, ama’n Lalpa masangah Urim leh Thumim mang in vaihawm sak intin: a thu’n pawt untin, a thu’n lut un au. Amah leh Israel suon chengcheng te, kikhawm khawm haw chengcheng tawh,” a ti a.

THIEMPUDANTE 6:17

Zie chuh chawl tello ding ahi, mei a ka thillat amau chanvo dinga ka piek ahi, zie chuh gitloh thawihna leh bawhsiet thawihna banga thil thiengtho tak ahi.

THIEMPUDANTE 2:10

Chun, changbuong thillat kilân mawk te chuh Aron leh a chapate a ding hi’n a, zie chuh Lalpa a dinga mei a thillat, thil thiengtho pên ahi.

THIEMPUDANTE 2:3

Chun, changbuong thillat um nalai cheng chuh Aron leh a chapate a ding ahi; zie chuh Lalpa a dinga mei a thillat thiengtho pên chuh ahi.

THIEMPUDANTE 8:8

A awmphaw chuh a belh sak a, zie chung achun Urim leh Thumim a belh sak ta a.

NEHEMIA 7:64

Ziehaw chuh a khangthu sutnau achun a min uh a hawl u a, himahleh, a mu puou a: zieziekchun, nam thienglo a ngaih ahiu a, thiempu a hihnau chuh pawm ahi puoi.

NEHEMIA 7:66

Mipi kikhawm chengcheng chuh singli leh sangnih leh zathum leh sawmgup ahiu hi.

NEHEMIA 7:70

Chun, inkuon a lawiupa khenkhat chun zie nasep na ding chun thilpiek a pieu a. Gamawptu chun tuoklawm in sana darik sangkhat, kuongkang sawmnga, thiempute puonsilh zanga leh sawmthum a hun tuok a.