NEHEMIA 7:3 - PATHIEN LEKHABU THIENGTHO (BSI)

³ Chun, a kawm u ah, “Jerusalem kawtkhak haw chuh ni asat masieh a hawn loh ding ahi a, gâlveng te a din sung u chuh kawt khâk chuh a bawna khâk hi henla, kam chak bikbek ding ahi. Chun, Jerusalem a mite veng ding guot unla, mitin chuh amau gâlven hun chiet leh amau in zawn chiet ah kawih in,” ka ti a.

NEHEMIA 7:3 ပူးပေါင်းရင်းမြစ်များ

MATTHAI 10:16

“Ngaitiem u! ngeihawn laka belam um guola ka hun sawl na hiu hi, khutichun gûl guola ching a, vakhu guola mi zakdah ding khawih lo in um un.

SAM LEHKHABU THE PSALMS 127:1

Lalpa’n In a sak loh chun, A sate chuh a semgim thâwn mai ahiu hi: Lalpa’n khawpi a ven loh chun; A vengte chuh a hakthawn mai ahiu hi.

NEHEMIA 13:19

Chun, hiti hi ahi a, chawlhni kipat ding ni a khuo a hung miel tieng leh Jerusalem kawtpi te chuh khâk ding leh chawlhni a beih masang sieh hawng lo dingin thu ka pie a. Tichun, ka suok te laka khenkhat chuh kulh kawtkhak achun ka kawih a; chawlhni a van gik a hun puoklut loh na dingun kawtkhak haw chuh ka ven sak a.

NEHEMIA 3:23

Amah bân chuh Benjamin leh Hashub in amau In zawn chuh a siemphau a; amah bân chuh Anania chapa Maaseiah chapa Azaria’n a In mai a siempha a.

NEHEMIA 7:2

Ka suohpih Hanani leh leng Inpi a vaihawm Hanania te chuh Jerusalem enkawl dingin ka guot a, amah chuh mi ginum ahi a, midang cheng sanga Pathien kihcha mi ahi.

NEHEMIA 7:4

Khawpi chuh a lien a, a thupi mah mah ngâla, ahihziekin a sung a mite chu tawmchah ahiu a; a In haw le sak nailoh ahi a.

SAM LEHKHABU THE PSALMS 147:13

Amah chun na kulh kawtkhak kamna thiktawn haw chuh a hih khauh a; Na sunga na cha na nau um haw chuh a vangsak a.