NEHEMIA 6:6 - PATHIEN LEKHABU THIENGTHO (BSI)

⁶ Zie sung achun, “Nang leh Judate hin kiphin na guou a, zieziek a chuh kulh hi na siem uh ahi tih thu nam dang te kieng ah a kithang ta a, Gesem in a gena, chun, a gen dân u chun nang hi a leng u a pan guo na hi,” tih a kizik a.

NEHEMIA 6:6 ပူးပေါင်းရင်းမြစ်များ

NEHEMIA 2:19

Himahleh, Horon mi Sanballat leh Amon mi Tobia leh Arab mi Gesem in a na zak phet un, musit tak in ei nuihsan u a, “Na thilhih u hi bang ti dân a? Leng chunga kiphin guo na hiu maw?” ei tiu a.

1 PETER 3:16

Zie chuh nunnem tak leh zah tak kawmin hih un. Na sielepha hetnau chuh thieng takin vawp zing un, tichun, Krista nungzuite na hihna ziekuh a, na umdan phateu a hun gensietnau a chuh, a hun gensiete chuh sukmuolpho a a um theihna dingun.

ROME 3:8

Khuti a hih chun, thilpha hung pawt theihna dingin thil gilo bawl hi tiu ti leng phazaw lo ding? Mi khenkhat in nei hêk u a, khenkhat in ka gen loh hiel nei gensak u a; Zie tawbang mite chun mawh a chan u chuh adik ahi.

EZRA 4:12

Na kieng apat a hung to Judate chuh Jerusalem a keihaw kieng ah a hung u a, khawpi kiphin hât leh gilo chuh a siem phau a, kulh bâng haw chuh a zo vang vang tau a, a suongphum haw chuh a phum tau hi tih leng in a na za hen.

2 KORINTH 6:8

Limbawl leh sukmuolpho in ka um u a; gaih leh pahchakna ka tuok zel sek ui. Lepchieh a ngawh in ka um u a: thu diktak gen zing ngâl in;

JOHAN 19:13

Pilate in zie thu haw chuh a zak phetin, Isu a puidawk a, a min suong kilem, (Hebrai pau in Gabbatha a tiu a) zie mun achun, vaihawmna chutphah ah a chu a.

LUKE 23:2

“Zie pa hin I miteu a sukhuolo a, Kaisar kawma sieh a chawih dinguh a khap a, Krista ka hi, leng ka hi, a kitih ka heu ui,” ti’n a hêk pan tau a.

MATTHAI 5:11

“Mi’n kei zieka a hun gaih u a, a hun bawl gimtheih u a, lepchieh a gitlohna tin chenga a hun hêk tieng u leh hung hampha’n lau.

JEREMIA 20:10

Mi tamtak te’n, ning tin ah lauh-um a um a. Kihetloh sak un la, pang khawm hitiu, ti a a phunguk sausau uh ka za a. Ka melhet ka puk chânggu zing sek te chun, thep in um intin, zo ding I hiu, a chungah phuba lai tiu, a tiu a.

EZRA 4:15

Zieziekchun, na pileputeu thil tiemtehna bu a na hawl u chun, zie lehkhabu achun zie khawpi hi kiphin hât leh leng leh a lalgam a ding a thil lauh-um tak hih zieka hung sie ahi tih mudawk unlau, tih na hetna ding u a leng ka hun hetsak u ahi.

NEHEMIA 6:5

Khutichun, Sanballat chun a ngavei na achun lehkhathawn hawnsa hun chawiin a suokpa chuh ka kawmah a hun sawl a.

NEHEMIA 6:7

“Chun, Juda gam achun leng a um hi ti a genzak ding leh Jerusalem a phuong viel dingin thiemgau le na guot hiel ta ngâla; zie thu hi leng kawm achun kin takin hilh untin; zieziekchun, tuhin hung inla holim khawm hitiu,” ti’n a kizik a.

NEHEMIA 6:13

Tia chuh ka lauhthawng zieka thil gilo ka bawl a, ei gensiet na ding u leh ei sukminsiet na ding a muh theih na dinguh a a gawih uh a na hi.