NEHEMIA 6:19 - PATHIEN LEKHABU THIENGTHO (BSI)

¹⁹ Zielo chun le ka masang ah a thilpha hih haw a gen sek u a; ka thugen haw chuh a kawmah a tun zel u a, tichun, Tobia chun ei sulauthawng dingin lehkha ei hun thâk sek hi.

NEHEMIA 6:19 ပူးပေါင်းရင်းမြစ်များ

1 JOHAN 4:5

Thiemgau lêmte chuh khawvel a um ahiu a, khawvel a um bangin a pau sek uh a, khawvel in a thuu a ngaitha sek uh ahi.

JOHAN 15:19

Nang haw khawvel mi hi leu chin, khawvel in amah mite a hehpih ding a hii; khawvel a mi na hi ngâl puou a, khawvel a um, ka teldawk na hih zawk ziekun, khawvel in a hun hawt na hiu hi.

JOHAN 7:7

Khawvel in nanguh a hun haw thei puou hi, kei vang chuh ei haw sek ui, a thilhih hawu a gilo ahi tih ka hilhchet sek ziekin.

THUCHINGTE 28:4

Dan ngaihsak lote chun migilo a pakcha sek u a; himahleh, dân zawpte vang chun a kalh sek ui.

NEHEMIA 6:13

Tia chuh ka lauhthawng zieka thil gilo ka bawl a, ei gensiet na ding u leh ei sukminsiet na ding a muh theih na dinguh a a gawih uh a na hi.

NEHEMIA 6:9

“A nasep uh a pitit theih loh na dingin a khut hawu chuh sukchauh sak a um ding ahi,” ti’n amau chun ei sulau u a. Zieziekchun, Aw Pathien, tuhin ka khutteu suhat in.

NEHEMIA 6:18

Amah chuh Arah chapa Shekania mâkpa a hih ziekin Juda gama mi tamtak amah kithuohpih dinga kipautiem a um u a. Chun, a chapa Jehohanan chun Berekiah chapa Meshullam chanu zi’n a nei a.

NEHEMIA 7:1

Chun, hiti hi ahi a, kulhbang ka bawl zawh phet un, a kawtkhak haw chuh ka tuoh kita; kawtkhak veng dingte, lasa dingte leh Levi chite chuh guot zawh ahi ta a.