NEHEMIA 6:13 - PATHIEN LEKHABU THIENGTHO (BSI)

¹³ Tia chuh ka lauhthawng zieka thil gilo ka bawl a, ei gensiet na ding u leh ei sukminsiet na ding a muh theih na dinguh a a gawih uh a na hi.

NEHEMIA 6:13 ပူးပေါင်းရင်းမြစ်များ

JEREMIA 20:10

Mi tamtak te’n, ning tin ah lauh-um a um a. Kihetloh sak un la, pang khawm hitiu, ti a a phunguk sausau uh ka za a. Ka melhet ka puk chânggu zing sek te chun, thep in um intin, zo ding I hiu, a chungah phuba lai tiu, a tiu a.

JAKOB 4:17

Khutichun, kuole, thilpha hih ding he a, hih sâm lo chuh, a dingin gitloh ahi.

2 TIMOTHE 1:7

Pathien in lauhna thagau ei pie puoh a, thilhih theihna leh hehpihna leh lung kitûp tak neihna thagau ei piek zawk uh I hi ngâl u a.

JEREMIA 18:18

Tichun, amau chun, “Hung tiem u, Jeremia hi mat ahih theihna ding ngaihtuoh hitiu, thiempute lak apat dân thu bei ding ahi puoh ngâl a, mipil apat in lemguotna, chun, zawlnei apat in thu bei diek puo’n a. Hung tiem u, gensie sausau hitiu, a thu himhim ngaihsak hiel puoi tiu,” a kitiu a.

THUCHINGTE 29:5

A invengte pahchak lêm thawhte chun amah keng ngeia dinga lên thâng kizak ahi.

NEHEMIA 6:6

Zie sung achun, “Nang leh Judate hin kiphin na guou a, zieziek a chuh kulh hi na siem uh ahi tih thu nam dang te kieng ah a kithang ta a, Gesem in a gena, chun, a gen dân u chun nang hi a leng u a pan guo na hi,” tih a kizik a.

THUPHUON 21:8

Himahlele, mi dawilawkte, gingchalote, kihdakumte, tuolthat te, mideihchak nuomte dawithiem te, milim hote, leh lepchieh chengcheng te chan ding chuh, mei leh kât a kâng dîl achun um ina; zie chuh thih nihna chuh ahi,” a ti a.

TITA 2:8

Bangakai ah thilpha hih lam ah a tatmuh dingin kisulang inla, na kihilhnau achun nathutak zie leh, zah na umzie leh, na thugen dik zie awihmawh guol loh haw chuh sulang ah.

1 TIMOTHE 5:14

Khutichun, meithai ana nungak deuhte chun pasal nei u hen la, cha le nei u hen, In sung vaihawm u hen la; I melmateu ei gensietna ding hun mawngmawng pie dah leu ka nawp ahi.

2 KORINTH 11:12

Tu a ka thilhih bang hi. hih zawm zel ding ka hi: ti a chuh, “sawlchak ka hi” ti, mi dangte chun, kisuonna ding leh, a nasep bang u hi sem ka hi, ti a gen ding a neih lohna dingun.

NASEPTE 6:13

Chun, hetpih lêm le a kisiem u a, ziete chun, “Zie pa hin zie In Thiengtho leh, Dan hi a gensie zing sek a;

MATTHAI 26:59

Thiempu lienpen leh vaihawmte chun Isu a thah theihna dingun hêknadinga hawl u a,

MATTHAI 22:15

Zie lai chun Pharisaite a pawtdawk u a, a thugena a mat theihna dingun a va kiho u a.

MATTHAI 10:28

Chuleh, sapum that a thagau that theilo haw chuh lau kiu in la; zie sang chun, Gehen a thagau leh sapum sumang thei vang chuh lau zawu in.

EZEKIEL 2:6

Chun, nang mihing chapa, amau chuh lau ki’n la, a thuu le lau diek ki’n, na kimvel achun hamlingnei leh ling um in, aikawm laka cheng himahleh chin le: helchîng mi himahleu le a thuu chu lau ki’n la, a kilat dân u ah lungthuoi diek ki’n.

JEREMIA 1:17

Zieziekchun, puon cheng inla, kipan inla thu ka hun piek chengcheng khah a zak dingun va gen ah. A masang u ah taisie ki’n, khutilochun a masang u ah hun taihsiet sak kha’ng ka.

ISAI 57:11

“Kuo na lauh ziek leh na kihchak zieka lepchieh gena ei hezing lo a ei ngaihtuoh lo na hi? Hun sawttak ka hun thipsan ziekin nei limbawl talo ahi maw?

ISAI 51:7

Nang haw thil dik hete leh, ka dân thu lungthima vawpte haw, ngaithau in! Mite’n a hun musit uh a, a hun gaih tieng u leh lau kiu in;

THUGENPA 7:1

Minphatna hi thau gimlim man tamtak sangin a phazaw a; chun, thihni chule pienni sangin a phazawi.

THUCHINGTE 22:1

Hauhsakna sangin minphat hi tel zawk ding ahi a, dangka leh sana sangin deihsakna a deihum zawi.

NEHEMIA 6:12

Chun, ngaitie, Pathien sawl ahi puoi tih ka hedawk a; Sanballat leh Tobia te’n a gawlhguk ziek u a zie tawbang thu chuh a na gen ahi.