NEHEMIA 6:12 - PATHIEN LEKHABU THIENGTHO (BSI)

¹² Chun, ngaitie, Pathien sawl ahi puoi tih ka hedawk a; Sanballat leh Tobia te’n a gawlhguk ziek u a zie tawbang thu chuh a na gen ahi.

NEHEMIA 6:12 ပူးပေါင်းရင်းမြစ်များ

EZEKIEL 13:22

“Mi diktat te lungthim chuh diklo takin na sulungkham u a, ahi’n, kei suklungkham chuh hilo ahi.Chun, a hinna humbit dinga gitlohna lampi apat a vaihkit lohna dingin migilote chuh na tîlkhoh zaw a.

THUPHUON 18:13

Chun, thingthal le, thil gimlim le, gimlim hâl zat le, thau gimlim le, begaw le, uain le, olive thau le, changbuong nêl tak le, buh le, bâwng le, belam haw tawh; sakawl leh a kangtalai te, suokte haw leh mihiemte hinna nasan tawh ahi.

2 PETER 2:3

Chun, sumduh ziekin, lepchieh thu’n sumkawlveina’n hun mang un tin; himahlele, masang apat a a chungthuu tanna ding chuh guot zawhsa ahi ta a, amau haw hihsie ding pa chu le a ipmu diek puoi!

1 PETER 5:2

Na lak uh a Pathien belam hawn um chuh enkawl un; hih ding mawng a hih ziek hilo in, Pathien phasak lam dungzuia ut kawm zaw’n, lepna diklo deih ziek le hi diek lo in, sep utna lunggil nei kawm takin,

TITA 1:7

Sapchuom lamkai chuh Pathien nasep enkawl pên a hih ziekin dem umlo a hih ding ahi. Amah kithusak, lungna vak, zungawlvei nuom, mivelh nuom, lepna diklo a huoiham mi hi lo ding ahi.

1 TIMOTHE 3:3

zungawl vei lo, thagumsuoh chîng lo, mi nunnem leh kinakpih ding hawl lo; dangka sum ngailul lo;

1 KORINTH 12:10

Midang kawmah, thilmak hih theihna piek ahi a, midang kawmah; Pathien thugen theihna piek ahi a; chun midang kawm achun, Thagau apat a thilpiek hungte het dik theihna piek ahi a; midang kawm achun, pauchuom chuom a thugen theihna piek ahi kit zela; midang kawm achun, pauchuom chuom hilhchet theihna piek ahi.

1 KORINTH 2:15

Thagau mi vang chun bangakai a hechil sek a, amah chuh kuoma’n a hechil thei puou hi.

NASEPTE 20:33

Kuomah dangka le, sana le, silhlechen le ka awtcha ngei puoh kha.

MIKA 3:11

Khawpi a lawiupate chuh gawlhgukna kinem in vai a hawm tau a. Thiempute chun lawh kinem in dân a sinsak u a; thiemgaute chun, dangka muh kinem in kilâkna thu a gen u a, a bawn u chun, Ka kawmah Lalpa a um hi, a ti chiet u a. “Ka chunga ah thil phalo hungtung puo’n a, Lalpa chuh ka kawm u ah a um ngâl a,” a ti tei tei u a.

EZEKIEL 13:19

Buh tawmcha leh chângthâk thêm khat ziekin ka mipite lak achun nei suminsie a, a thi lo ding te that in, a hing lo dingte na hinghawih a, lepchieh gingcha ka mite kawma zuou na gen u a.”

EZEKIEL 13:7

Kilâkna diklo mu leh genlawkna lepchieh gen na hi puou maw? ‘Lalpa’n a tii’, na tiu a; ken la bangmah ka gen puoh ngâla.”

JEREMIA 28:15

Chun, thiemgau Jeremia chun thiemgau Hanania kawmah, “Ngaitie! Hanania, Lalpa’n a hun sawl hiel puoi; na mite hi lepchieh thu na zak sak mai a hi zawi!

JEREMIA 23:25

Ka mangmat hi, ka mangmat hi, ti a ka min a zuou gen thiemgaute a genlawk chuh ka za tai.

JEREMIA 23:16

Sepaihte Lalpa chun hiti hin a tii: “Thiemgau, na kawm uh a thugente chuh ngaitha kiu in, amau haw chun thil thâwn maimai a hun sinsak uh ahi! Lalpa kawm apat hilo in, amau haw lungthim suongtuoh a gen sek ui.

JEREMIA 14:14

Chun, Lalpa chun ka kawmah, “Thiemgaute chun ka min in lepchieh a genlawk sek uh ahi chu; amau chuh ka sawl puoh a, thu ka pie puoh a, amau chuh ka hopih puoi. Kilâkna diklo haw, phunsân mantakloh haw leh a lungthim uh a lepbawlna chuh a genlawk uh ahi chu,” a ti a.

ISAI 56:11

Ahi, uicha chuh a gawlsan a, ahun tai tih himhim a nei puou a; zie chuh belampu hetna neilote chuh ahiu a. amau lampi chiet ah a kihei u a; abawn un, amau lawkna ding chiet a kingaihtuoh ui.

1 JOHAN 4:1

Deihtakte, thagau tapoh gingcha kiu, amahvang chuh, thagau chuh, Pathien apat a hih leh, hih loh khuoltuok masa’n, patep un. Thiemgau lêm tamtak khawvel ahin a hung pawt tâk ziekun.

NEHEMIA 6:11

Chun, ken, “Kei u lawi hi taisie ding chi ka hiu em? A hinna hukbit na dinga Ho-In a tailut ding kuo a? Tailut hiel puo’ng ka,” ka ti a.

NEHEMIA 6:13

Tia chuh ka lauhthawng zieka thil gilo ka bawl a, ei gensiet na ding u leh ei sukminsiet na ding a muh theih na dinguh a a gawih uh a na hi.