NEHEMIA 5:7 - PATHIEN LEKHABU THIENGTHO (BSI)

⁷ Khutichun keingawn a ka ngaihtuoh zawh phetin.lawiupate leh vaihawmte chuh ka vau a, hiti hin a kawm u ah, “Mitin in na suohpih teu a lawk delh in sum na palâk sak zing u a,” ti’n. Chun, a chungchâng thuu achun mi tampi ka sam khawm a.

NEHEMIA 5:7 ပူးပေါင်းရင်းမြစ်များ

SAM LEHKHABU THE PSALMS 109:11

A sum batna teu chun a neih chengcheng chu lâksak u hen la; Malzin haw chun a sepgim gah chu kilak hen.

SAM LEHKHABU THE PSALMS 15:1

Aw Lalpa na puon-In achun kuo a hung zin tung ding? Na tâng thiengtho a hung cheng ding chuh kuo ahi?

SAM LEHKHABU THE PSALMS 15:5

A pung delh dinga sum palâk sak khalo chuh, A thiem zaw thiemloh chansak na ding a gawlhgukna le la khalo mi chuh. Zie tawbang mite chuh bang mah tik in kilîng ngei puo’n a.

SAM LEHKHABU THE PSALMS 27:8

“Ka mel hawl un,” ti a na gen lai khan; ka lunggil chun na kieng ah, “Lalpa na mel hawl ing ka,” ka ti a.

SAM LEHKHABU THE PSALMS 4:4

Lungnau inla, gilo kiu in; Na zâlkhun chung u achun na lunggil un kingaihtuoh unla, thip hiet hiet un. Selah

SAM LEHKHABU THE PSALMS 94:16

Kuo a thil phalo hih haw ei do sak dinga kipan ding? Kuo a thil hihkhiel te ei do sak dinga ding ta ding?

PAWTDAWKNA 22:24

tichun, na chunga ka lungnat na hung kuong zak intin, chemzâm in hun that ka ting; chun, na ziteu chuh meithai hiu intin, na chateu le pa beiin um in au.

PAWTDAWKNA 22:25

“Ka mite, na kawm u a chagah taka umte kawma dangka na palâk sak u chun, na leibateu banga na bawl dinguh ahi puoi; a pung le na lak ding uh ahi puoi.

THUCHINGTE 27:5

A gûka lungsietna sang chun, phuong taka hilhgaihna chuh a phazawi.

THUCHINGTE 28:4

Dan ngaihsak lote chun migilo a pakcha sek u a; himahleh, dân zawpte vang chun a kalh sek ui.

EZEKIEL 22:12

Na sunga chun thisan suoh dingin gawlhgukna a lau a, a lawk leh a pung na la a, na invengte thil na pawng lak sak a, diklo takin na kisulawk a, kei nei hengilh ta ahi,” Lalpa Pathien chun a tii.

EZEKIEL 45:9

Lalpa Pathien chun hiti hin a gen a, “Nang haw, Israel leng chate leh vaihawmte, Na thagum suohnau leh pawngbawlnate chuh haihsan tau un. Thil dik leh, vaihawmna diktak chuh hih zawu un. Ka mite chuh a gam u apat nawhdawk kit ta kiu in, Lalpa’n, a tii.

THIEMPUDANTE 19:15

“Vaihawmna achun diklo taka ana hih dinguh ahi puoi; mi chagahte chuh deihsak chuom in, mi hausate chuh na zah chuom dinguh ahi diek puoi; himahleh, na invengte chungah diktakin vai na hawm sak ding ahi.

THIEMPUDANTE 25:36

Amah apat sum pung ahim na lak ding ahi puoh a, Pathien na kihchak a, na suohpih chuh na kawma a khawsak theihna dingin.

MATTHAI 18:17

Chun, amau haw thu le a ngaih loh zel leh, sapchuomte kawmah tun ah; chun sapchuom thu le a ngaih loh chun, amah chuh nang dingin Jentel leh siehdawl bang hi hen.

2 KORINTH 5:16

Zieziekchun, tu a thak hin, kei un vang, mihiemte etdan guolin kuomah vaihawm ta puo’ng kau. Mihiemte etdan guolin, Krista chuh na vaihawm sak ta mahleu hing le, tuhin chuh ka hih ta puou.

GALATI 2:11

Himahleh, Peter chuh Antiokei khuo a a hung lai in, awihmawh um taka a um ziekin, mipi lak ngêi ah ka na vauhilh ta a.

1 TIMOTHE 5:20

Thil sukhielte chuh mi chengcheng masangah suohsalh ah, mi dang te’n le a lauh theihna ding un.

TITA 2:15

Zie thil haw hi sinsak inla, na thu ngaithate na tîlkhohna leh gaihna achun, thunei takin hilh inla. Kuoma’n hun musit kiu hen.