NEHEMIA 5:10 - PATHIEN LEKHABU THIENGTHO (BSI)

¹⁰ “Kei leh ka suohpih te leh ka suok te’n le zie guol chun a lawk um in ka bat sak thei tho ui; a lawk delh a sum palâk sak hi haihsan kei hitiu, ti a ka hun nget na hiu hi.

NEHEMIA 5:10 ပူးပေါင်းရင်းမြစ်များ

NEHEMIA 10:32

Chun, ka Pathien Ho-In a nasepna dingin sekel mun thum a khen a mun khat kum chenga piek dingin dân ka siem u a.

NEHEMIA 5:11

Tuni ngêi hin a loteu, a grep huonteu, olive huonte leh a inteu leh a sum uh leh a buhlebal leh uain leh sathau hawp za a hawp khat na lak sek u chuh pie kit vek un,” ka ti a.

NEHEMIA 5:7

Khutichun keingawn a ka ngaihtuoh zawh phetin.lawiupate leh vaihawmte chuh ka vau a, hiti hin a kawm u ah, “Mitin in na suohpih teu a lawk delh in sum na palâk sak zing u a,” ti’n. Chun, a chungchâng thuu achun mi tampi ka sam khawm a.

NEHEMIA 5:9

“Na thilhih u hi a pha hiel puoi, I melmateu leh namdangte ei muhsit na ziek hin I Pathien uh na kihchak zawk dinguh hilo ahim?” ka ti a.

SAM LEHKHABU THE PSALMS 15:5

A pung delh dinga sum palâk sak khalo chuh, A thiem zaw thiemloh chansak na ding a gawlhgukna le la khalo mi chuh. Zie tawbang mite chuh bang mah tik in kilîng ngei puo’n a.

ISAI 58:6

“An ngawlh dân diktak, ka deihlam chuh ziehi ahi: Diktatlohna namkawlte leh, sukgimtheihna kawlbuh chuh phel sak unla, sukgimtheih a umte chuh thahdawk un.

EZEKIEL 18:13

A pung delha a palâk saka, a pung a lak chun, a hing na dem? Hing hiel puo’n a! Zie thil tenum haw a khawi hile a hih chun a thih ngêi ngêi ding ahi. Amah thisan mawh chuh a puok ding ahi.

EZEKIEL 18:7

kuomah a pawngbawl loh a, bat neite thil kawih a piek kit zawk a, kuomah buluh lo a, gilkielte kawma nek ding a pieka, sangawn a umte puon a silh saka,

EZEKIEL 18:8

Apung delha a palâksak loh a, a pung le a lak loh a, thil phalo hihna apat a khut a tim a, mi leh mi kikala diktaka thu a tan a;

MIKA 2:1

A zâlkhun chunga nunsietna suongtuohte leh, thil phalo ngaihtuoh dawkte chuh a chunguh a gik hi, zingkal khuo a hung vak vak leh zie chuh a bawl pai zieng u a. amau haw khut thilhih theihna a um a hih ziekin.

2 KORINTH 5:11

Khutichun, Lalpa lauhna zie he’n, mi dangte chuh ka zawl sek uh ahi. Pathien in ei he suok vek a, nang haw’n le, na lungthim tak uh a nei hetuh ka kinem hi.

2 KORINTH 5:20

Khutichun, Krista sika palai ka hiu a, Pathien in keimauhaw ei mang in a hun nget na hiu hi tih theih ahi. “Pathien tawh na kicham un,” ti a Krista sika ka hun nget na hiu hi.

2 KORINTH 6:1

Chun, kei u hi Pathien naseppihte ka hiu a, chun, nang u chun, Pathien hehpihna chuh bangmahlo a na kawih mai lohna dingun ka hun nget na hiu hi.

DAN NIHNA 15:2

Ngaihdam ding dân chuh hiti hi hi’n a: a thil mi bat sak taphawt in a invengteu a palâksak u chuh a ngaihdam dinguh ahi; a invengte le a unaute le a pawng bet ding ahi puoi, Lalpa bat ngaihdamna chuh phuon ahih tâk ziekin.