NEHEMIA 4:2 - PATHIEN LEKHABU THIENGTHO (BSI)

² Tichun, a suohpih te leh Samari sepaihte masang achun hiti hin a gen ta a, “Zie a Juda zawngkhalte hin bang ahim a hih uh? Kulh a kisiem theih ding uh a ahim? Ni khat in a hih piting ding uh a ahim? A kithawi ding um? A katumsa hi mu zing in ninpa kisung khawm a pat in suong tiengkhawm kit ding ahiu em?” a ti a.

NEHEMIA 4:2 ပူးပေါင်းရင်းမြစ်များ

EZRA 4:4

Khutichun, zie gam mite chun Juda mite khut chuh a sukchauh sak u a, a in sak u chuh a subuoi tau a.

NEHEMIA 12:27

Chun, Jerusalem kulhbang latna achun dakkhutbet te, gihawih te, kingkang haw tawh lasa a kipahthu gena, kipâk taka a lat nau a tel ding in Levi chite chuh a chênna mun chiet u apat in Jerusalem ah a puikhawm u a.

NEHEMIA 12:43

Tichun, zie ni chun kithawihna thupi tak a bawl u a; a kipâk mah mah u a, Pathien in amau chuh nasa takin a sukipak a, numei leh chapang tieng in nasa takin a kipâk u a khutichun, Jerusalem a a kipahna thawm u chuh gamla tak apat in a zak theih hi.

NEHEMIA 4:10

Chun, zielai chun Juda mipite chun, “Nasem te tha a chau zo ta a, ninpa lah a tam mah mah nalai ngâla, kulh chuh ka sa zawm thei ta puou hi,” a hung tiu a.

NEHEMIA 6:15

Khutichun, kulhbang chuh ni sawmnga leh ni nih ni, Elul tha ni sawmnih leh ni nga ni chun zawh ahi ta a.

SAM LEHKHABU THE PSALMS 83:4

“Hung tiem u, a nam uh mang hiel in sumangthai hitiu; Israel min mawngmawng hi hetzing a um takloh na ding in,” a tiu a.

JEREMIA 26:18

“Moraseth mi Mika chun Juda leng Hezekia lal lai khan, Juda mi chengcheng te kawma chun, Sepaihte Lalpa chun hiti hin a tii: ‘Zion chuh lo guol a kaih hi’n tin, Jerusalem chuh thilsie kipaih khawm hi’n a. A In umna tâng chuh gamlak munsang tawbang hi’n a,’ ti’n a genlawk a.

JEREMIA 33:24

“Zie mipite hin a gen uh, Inkuon nih Lalpa’n a telte chuh a paihmang tai, ti a zie mite hin a gen u hi na ngaihtuoh kha puou em? A mitmuh u a nam tih kham ahih loh na ding un hitibang hin ka mite chuh a musit ui.

DANIEL 9:25

Ziehi tiemteh inla, hethiem tei in: Jerusalem tundin kitna ding thupiek a hih apat Pathien in a tel ngêi, leng khat hung um tiengin Hapta sawmsagih bei in a. Zie hun sung chun Jerusalem khawlaite leh kulhte chuh siemphat hi’n tin, zie chuh hapta sawmgup le nih sung ding hi’n tin; himahleh zie hun sung chuh hun buoium lai tak hi’n a.

HABAKKUK 3:2

Aw Lalpa, na thilhihte chuh ka na heta a, maksakna’n ka dim tai. Thil lopi takte na hih sek kha, zie kum haw hun sung hinle hih kit in. Na lungnat inle, ka chungu ah zahngai tei in.

ZEKARIA 12:8

Zie ni chuleh Lalpa chun, Jerusalem luohte chuh humbit intin; zie ni chuleh, a lak u a hatlo pên chule, David tawbang a hât hung hi’n tin, Tichun, David insung chuh Pathien tawbang hung hiu un tin, amau haw masang achun Lalpa vânsâwlchâk tawbang in ma pui un au.

ZEKARIA 4:10

Vânsâwlchâk chun ka kawmah, “Thaumei sagihte chuh Lalpa mit, khawvel pumpi ahin a vakviel sek uh ahi,” a ti a.

1 KORINTH 1:27

Himahlele, miching te chuh a sukmuolpho theihna dingin, Pathien in vannuoi a thil ngawlhuoi haw chuh a tel zaw a, Pathien in vannuoi a thil zawngkhal haw chuh a tel a, thil hât haw chuh a sukmuolpho theih na dingin.