NEHEMIA 4:17 - PATHIEN LEKHABU THIENGTHO (BSI)

¹⁷ Kulhbang siemte leh thil gik pawte, chun, van puok ding ana siem sakte chun le a khut langkhat u a nasem in, a langkhat in gâlvan a chawi u a.

NEHEMIA 4:17 ပူးပေါင်းရင်းမြစ်များ

2 TIMOTHE 4:7

Guolsiek pha chuh ka bawl zo ta a; ka kitaihsiekna lam chuh ka siek zo ta a, taksanna chuh ka kivawp zing ahi tai;

2 TIMOTHE 2:3

Krista Isu sepaih phatak guolin haksa thuok ei thuokpih ah. Sepaih a pang dinga lapa chuh a sukkipak theihna dingun,

2 KORINTH 6:7

thudik ka genteu leh Pathien thilhih theihna ngêi in tawh. Ka dona ding u leh, keimauhaw kivenna dingin diktatna gâlvan chuh ka mang ui.

PHILIPPI 1:28

Zie chuh amau haw dingin beimang ding a hih uh kilatna kichien tak a hi a, nang u dingin vang hukdam ding na hih uh hetsakna kichien tak a hi zawi; zie chule Pathien apat a um a hi ngâl a.

1 KORINTH 16:13

Kiveng unla, taksanna achun ding det unla; hangsan takin um unla, hât takin um un.

1 KORINTH 16:9

Ei dodal tamtak um mahleu, nasepna dinga hun pha leh lemchâng, kawt lientak a kihawng ngâl a.

1 KORINTH 9:12

Mi dangte’n bawn zie tawbang thil chuh nangmau apat a a kinep u chun, kei un nei zawsem lo ding ka hiu hi? Himahlele, zie thuneihna chuh ka mang puou hi. Krista Chanchin Pha chuh dala a um lohna dingin, thil bang cheng ka thuok hâm hâm sek zawu hi.

DANIEL 9:25

Ziehi tiemteh inla, hethiem tei in: Jerusalem tundin kitna ding thupiek a hih apat Pathien in a tel ngêi, leng khat hung um tiengin Hapta sawmsagih bei in a. Zie hun sung chun Jerusalem khawlaite leh kulhte chuh siemphat hi’n tin, zie chuh hapta sawmgup le nih sung ding hi’n tin; himahleh zie hun sung chuh hun buoium lai tak hi’n a.

NEHEMIA 4:13

Zieziekchun kulh nung lam, a niemna achun mipite chuh a inkuon dungzui un a chemzâm u tawh, a tiengcha teu tawh a thalpi teu tawh ka pan saka.

NEHEMIA 4:16

Zie hun akipat chun hiti hi a hung hi a, na semte laka kimkhat chun na a sem u a, a kimkhat in tiengchate, phawte, thalpite leh awmphawte chuh a chawi u a, tichun, vaihawmte chun Juda inkuonte nung achun panmun a khawh u a.

NEHEMIA 4:18

Chun, nasemte chun a kâwng u ah chemzâm a kivawp chiet u a; khutichun, a sa zawm zel u a. Chun, pengkun mûtpa chuh ka kieng ah a ding a.

SAM LEHKHABU THE PSALMS 149:6

Pathien limbawla pahchakna chu a kam u ah um hen la; Chemzâm hiemtuok a khut u ah um hen.

SOLOMON LA 3:8

A bawn un chemzâm a kivawp ui, kido thiem mi ahiu; mitin in chemzâm a vawp ui, a khelpi chungu ah, zan a mang lauh-um ziekin.

JOEL 2:8

A kinektuoh puou a, amau lampi chietah a chieh u a; Matchâkte a susieu a, a tâng diek puou hi.