NEHEMIA 4:14 - PATHIEN LEKHABU THIENGTHO (BSI)

¹⁴ Chun, ka kipana ka vak en viela, milien leh vaihawmte leh mipi dangte kawm achun, “Amau haw chuh kihcha kiu inla, Lalpa lopi leh lauh-um chuh hezing un la, na suohpih teu, na chapa teu leh na chanu teu a dingin galdo un; na ziteu leh na In leh loteu a dingin tawh,” a ti a.

NEHEMIA 4:14 ပူးပေါင်းရင်းမြစ်များ

2 SAMUEL 10:12

Hangtakin um unla, I miteu leh I Pathien khawpiu huk in kimek tak hitiu; chun Lalpa phasak bang zelin hi hen,” a ti a.

2 KHANGTHUBU 32:7

“Dettak leh muong takin um unla, Asuria lengte chu lau kiu inla, a sepaih hun puihte chu kihcha diek kiu in. Eihaw lam a pang chu amau haw lama pang sangin a hatzaw ahi.

NEHEMIA 1:5

“Aw Lalpa van Pathien, Pathien lopi leh lauh-um, Amah hehpih a a thupiek zawp te chunga thugawlh hezing a zahngaihna sulang sek pa;

JOB LEHKHABU THE BOOK OF JOB 37:22

Mâllam apat in êng lopi tak a hung pawt a, lopina nasa takin Pathien chuh a ûmkimvel a.

SAM LEHKHABU THE PSALMS 143:5

Malai nite chu ka hezing sek a; Na thilhih haw chengcheng chu ka ngaihtuoh sek a: Na khut nasephaw chuh ka sut zel a.

SAM LEHKHABU THE PSALMS 20:7

Khenkhat in kangtalai a kimuonpih u a, khenkhat in sakawl a kimuonpih u a: Himahleh, ei hawn vang chuh Lalpa I Pathien min u chuh sam zawi tiu.

SAM LEHKHABU THE PSALMS 27:1

Lalpa chuh ka vak leh ka hukdamna ahi; kuo ahi ka kihchak ding? Lalpa chuh ka hinna insang ahi; kuo ahi ka lauh ding?

SAM LEHKHABU THE PSALMS 46:11

Sepaihte Lalpa chuh ka kawmah a um a; Jakob Pathien chuh I kulh insang uh ahi. Selah

SAM LEHKHABU THE PSALMS 65:5

Aw ei hukdampa Pathien, Thil tizat um te’n kitûp takin ei dâwng un na tin; Nang kâwlmawng a mi cheng cheng leh, Tuipi chunga gamla taka umte kineppih na hi.

SAM LEHKHABU THE PSALMS 66:3

Pathien kawmah “Na thilhih haw chu a huoisie na maizen e! Na thilhih theihna nasat ziekin nangmah hun dote chun na kawmah nuoilut chuh un au.

SAM LEHKHABU THE PSALMS 66:5

Hung un la, Pathien thilhih haw hi en tiem u; Mihiem chate chunga a thilhih hi a lauh um ahi.

PAWTDAWKNA 14:14

Lalpa’n hun do sak intin, nang uh vang na um hiet hiet mai dinguh ahi,” a ti a.

PAWTDAWKNA 14:25

A kangtalai kengteu chuh a sutawng a, a tawl hât thei ta puou a; khutichun, Aigupta mite chun, “Israel mite hi taihsan hitiu; amau lam ah Lalpa a panga zie mite hi Aigupta mite a dopih ahi hi,” a tiu a.

THUGENPA 12:1

Khangdawng na hih lai in nang hun siempa chuh hezing in, ni phalote a hung tun ma leh, “Kipahna himhim ka nei puoi,” na tihna ding kumte a hung naih ma hin.

DANIEL 11:32

A thuthun uh haihsante chuh leng in amah lama pang dingin kamthiem in zawl intin, himahleh Pathien thu zawpte vang chun amah chu do un au,

ZEKARIA 14:3

Zie tieng chuleh, Lalpa chuh pawt in tin, kido ni a a hih sek bangin, zie namte chuh do ina.

KISIMNA 14:9

Lalpa chung ah kiphin kiu unla, zie gam mi haw chuh le kih cha diek kiu, I an ding chauh uh ahi ngâl u a; a kivenbit nau chuh lâkdawk ahi ta a, Lalpa chuh I kawm u ah a um a, amau chuh lau hiel kiu in” a tiu a.

MATTHAI 10:28

Chuleh, sapum that a thagau that theilo haw chuh lau kiu in la; zie sang chun, Gehen a thagau leh sapum sumang thei vang chuh lau zawu in.

DAN NIHNA 1:21

Ngaitiem u, Lalpa na Pathien un gam chuh a hun pie chienkei ta a; chieh to unla, Lalpa na pileputeu Pathien in a na gen tâk guol khan va luoh un; lau kiu inla, lungkie hiel kiu in,” ka ti a.

DAN NIHNA 10:17

Lalpa na Pathien u hi pathiente Pathien, lalpa te Lalpa, Pathien lopi tak, hât tak, tizat-um tak, deihsak chuom neilo leh gawlhgukna le la khalo ahi ngâla,

HEBRAI 13:6

Khutichun, hangsan takin, “Lalpa chuh ei panpihpa ahi a, lau puo’ng ka; Mihiem in banga ei lawh theih dinguh?” I ti sek ui.

JOSHUA 1:9

Thu ka hun pie hilo maw? Hattak leh hangsan takin um in; lau ki’n la, lungkie diek ki’n: Lalpa na Pathien chuh na chiehna tak ah na kawma um zel ding ahi,” ti’n a gen a.

VAIHAWMTE 3:27

Chun, hiti hi ahi a, zie gam chuh a tun phetin Ephraim tânggam achun pengkun a mût a, Israel chate tânggam apat in a kawmah a chieh suk u a; amah chun ma a pui ta a.