NEHEMIA 3:15 - PATHIEN LEKHABU THIENGTHO (BSI)

¹⁵ Chun, Mizpah a hotu Kolhozeh chapa Shallum in tuikul kawtkhak chuh a siempha a, a tung dawka; a kawt leh a kamna haw leh a zawl haw a zam a; lengpa huon kienga Shelah dîl bang, David khawpi akipat a chieh suk kalbi tiengin a siemphau a.

NEHEMIA 3:15 ပူးပေါင်းရင်းမြစ်များ

JOHAN 9:7

“Siloam Dil ah va sil ah,” a ti a. (Siloam chuh “Sawl” tihna ahi.) Tichun, a va chieh a, a sil a, mit vakin a hungkit ta a.

ISAI 8:6

“Zie mite hin Shiloh a tui awlcha a luong del del te chuh a deihloh ziek u leh, Rezin leh Remalia chapa Pekah chunga a kipah ziek un.

NEHEMIA 12:37

Tui kawtpi zawn a tun phet un, David khawpi zawtna kalbi achun a chieh to u a; kulhbang zawt toh na David in changlam pang suohlam panga Tui kawtpi tiengin.

LUKE 13:4

Chun, Siloam insang in, mi sawm le giet a delhlupte kha bangti dana le? Ziete kha, Jerusalem a mi dang chêngte sanga kha phalo zaw’n na ngai u?

NEHEMIA 2:14

Chun, tuinak kawtkhak leh lengpa dîl lam zuon in ka chieh zela; himahleh, ka chutna sabiltung chieh pai theihna ding chuh a um puoh a.

JEREMIA 40:6

Tichun, Jeremia chuh Ahikam chapa Gedalia kawma Mizpah khuo achun a chieh ta a, a kawmah a gama mi a na umsunte lak achun a cheng tai.

NEHEMIA 3:14

Khutichun, Beth-hakkerem biel a puitu Rakeb chapa Malkijah chun nin kawtpi a siempha a, a tung dawka, a kawtkhakte chuh a kamna zawl haw tawh a siempha a.

NEHEMIA 3:12

Chun, amau haw bân achun Jerusalem biel kimkhata lawiupa Hallohesh chapa Shallum in a chanute tawh a siemphau a.

NEHEMIA 3:9

Chun, amau bân achun Jerusalem biel kimkhata lawiupa Hur chapa Rephai in a siempha a.

NEHEMIA 3:7

Chun, amau haw bân achun Gibeon mi Melairia leh Meron mi Jaddon leh Mizpah te chu tawh luigal zie lampanga lengpa chênna mun tieng in a siemphau a;

2 KHANGTHUBU 32:30

Leng Hezekia mah hin Gihon lui a tingtan a, a tui chu Jerusalem kulhbang sung lam ah a la lut a tichun Hezekia chu a thilhih chengah a lawh ting zel a,

2 LENGTE 25:4

Tichun, khawpi kulh bâng chu a vitvang u a. Babulon te chun khawpi um kimvel suok mahleu, zan lai chun sepaih chengcheng chu a taidawk tau a. Leng huon kawma bâng nih kikal achun a taidawk u a, Jordan luiphai lam achun a taisie tau a.

VAIHAWMTE 20:3

(Zie lai chun Benjamin suonte chun Israel chate Mizpah ah a chiehkhawm ui tih a na zau a.) Chun, Israel chate chun, “Bangti dana zie tawbang nunsietna hih hung um thei ahim, ei hilh tiem u?” a tiu a.

VAIHAWMTE 20:1

Khutichun, Israel chate chengcheng-Dan apat a Beerseba tiengin Gilead mite tawh kipumkhat in Mizpah a Lalpa kawmah a kikhawm tau a.

NEHEMIA 2:17

Khutichun, a kawm u ah, “I chansiet zieu hi na muu a, Jerusalem siet dân te leh a kawtkhak te a katum tai tih le na heu hi. Hung tiem u, gensiet I hih loh na dingun Jerusalem kulhbang chuh sapha kit hitiu,” ka ti a.

NEHEMIA 3:19

Chun, aban chuh Mizpah a lawiupa Joshua chapa Ezer chun kulhbang kâwi patna gâlvan kawih na inmai tiengin a siemphau a;

THUGENPA 2:6

Tui a chawmna dingin tuilam leh dîl te ka bawl a.

2 SAMUEL 5:9

Tichun David in kulh chu a lak zawh nung chun zie tak achun a cheng ta a, a min dingin “David khawpi” a vawh ta a. Chun, David chun Millo apat a kimvelin a kulh a siem a, a sung lama tawh.