NEHEMIA 2:20 - PATHIEN LEKHABU THIENGTHO (BSI)

²⁰ Khutichun, amau chuh hiti hin ka dâwng a, “Van Pathien in ei lawhtit sak intin, khutichun, kei uh a suokte hi kipan ing ka tingun, tung ding kit ding ka hiu hi; nang hawn vang Jerusalem ahin chanvo leh thuneihna ahim, khutnung thang ahim na nei puou hi,” ka ti a.

NEHEMIA 2:20 ပူးပေါင်းရင်းမြစ်များ

2 KHANGTHUBU 26:5

Pathien kilâkna hethiem Zekaria damsung in Lalpa na ginum takin a sem a, Pathien in vang a sak zel hi.

EZRA 4:3

Himahlele, Jerubabel leh Jeshua leh Israel inkuon lawiupate chun a kieng u ah, “Ka Pathien ho-in ding uh sak na ahin na tel na dinguh lampi a um hiel puoi; Persia leng Kura’n ei thupiek bangin kei u mai in Lalpa Israel Pathien In ding chuh ka kisak dinguh ahi,” a tiu a.

NEHEMIA 1:4

Chun, hiti hi ahi a, zie thu chuh ka zak phetin, ka chutha a, ka kap ta a; ni bang zat ahim chuh anngawl in lungkham takin van Pathien masang ah ka paucham a.

NEHEMIA 2:4

Khutichun, leng chun ka kawmah, “Banga na deih?” ti’n ei dawng a. Khutichun, van Pathien kieng achun ka paucham ta a.

ESTHER 4:11

“Kuole pasal hileh, numei hileh, leng sapna mulo a, insung gil lama lut taphawt chuh thah ding ahi a. Zie thu chuh leng suokte leh a gamsung a mipite chun a he vek u a. Zie dân leh hih theihna lampi chuh khat chauh a um a; leng in a leng tieng khut chuh amah lama a tun chun zie mi hinna chuh hukbit ding ahi. Himahleh, kei chuh leng in ei sap lohna chuh ni sawmthum ahi ta a,” a ti a.

SAM LEHKHABU THE PSALMS 102:17

Chagahte ngetna chuh a limsak a, A pauchamnau chuh a musit puoi.

SAM LEHKHABU THE PSALMS 122:6

Jerusalem thamuonna ding ngetsak unla: Nang hun ngainate chu lawhting u hen.

SAM LEHKHABU THE PSALMS 20:5

Na hukdamna a chun lâwpin la sa’ng ka ting un, I Pathien min un I puonzak u haw hi zakna lai hitiu: Lalpa chun na ngetna chengcheng chuh hun lawhtit sak hen.

SAM LEHKHABU THE PSALMS 35:27

Ka diktat na chunga kipâk te chuh lawp a kiko in kipâk takin um u henla: Ahi, “A suok vangphat na chunga kipâk sek Lalpa chuh a lopi ie, Limbawl in um hen la,” ti zing u hen.

SAM LEHKHABU THE PSALMS 51:18

Na deihbang takin Zion chungah thilpha hih inla; Jerusalem kulh chuh tung ding kitin.

PAWTDAWKNA 28:29

“Khutichun, Aron chuh munthiengtho a a lut tak leh, Lalpa masanga a hetzing theihna dingin a lungchang zawn tak ah vaihawmna awmphaw achun Israel namte min chuh a puok zing ding ahi.

THUGENPA 7:18

Khat zaw na tûk det chuh a phâi, ahi’n khat chule thahsuok diek lo in; Pathien kihchate chuh a nih nih a chuh lawhting ding ahi ngâl u a.

ISAI 56:5

Ka Ho-In leh ka kulh sunghaw a chun chanu leh chapa sanga phazaw hetzingna leh min phazaw pie’ng ka ting; kumlekhuo a amin dinguh sukmangthai tâk loh ding chuh pie ding ka hi,” a ti ngâla.

THIEMPUDANTE 2:2

Chun, Aron chapa thiempute kawma chuh a chawih ding ahi. Amah chun, changbuong leh, sathau leh gimlim chuh a khut khat dim in la’n tin, Chun, thiempu chun maichâm chung achun hetzingna, Lalpa kawma mei thillat dingin hâl ina.

THIEMPUDANTE 24:7

Chângthâk chungah a tien nih chun begaw thieng tak na kawih ding ahi, hetzingna, Lalpa dinga mei a thillat bang ahih theih na dingin.

ZEKARIA 6:14

Chun, lallukhuk chuh limbawla a um nau hetzingna dingin Lalpa Ho-In achun um in tin, Heldai te, Tobijah te, Jedaia te leh, Josia te chun enkawl un au,” ti’n.

KISIMNA 10:10

Na kipah niu haw ah, na kut hun bithieh niu haw ah, na tha thak kipat niu haw ah, na hâlmang kithawihnau thillat leh, kichamna thillat kithawihna ni te achun, pengkun chuh na mût dinguh ahi. Khutichun hun panpih ding ka hi, kei hi, Lalpa na Pathien uh ka hi,” ti’n.

NASEPTE 10:31

ka kawmah, ‘Kornelias, na pauchamna khah zak in a um tai, mi kawma na thil piek haw khale, Pathien in a hezing hi.

NASEPTE 10:4

Kornelias chun amah chuh lau takin a en a, “Lalpa, bang ahi?” a ti a. Amah chun a kawmah, “Na pauchamna haw leh na thilpiek thu haw khah, hetzing dingin Pathien ma ah a tung to ta a.

NASEPTE 8:21

Zie thu haw a hin nang na tel puoi, chan le na nei diek puoi; na lungthim Pathien ngaih in a dik puoi.