NEHEMIA 2:13 - PATHIEN LEKHABU THIENGTHO (BSI)

¹³ Chun, zan in guom kawtkhak achun ka pawtdawk a, dragon tuisutdawk leh êk kawtkhak lam chuh ka zuona, Jerusalem kulh chim sa leh a kawtkhak mei in a kâk tum haw chuh ka en viela.

NEHEMIA 2:13 ပူးပေါင်းရင်းမြစ်များ

2 KHANGTHUBU 26:9

Uzziah chun Jerusalem ah Ningkawi kawt leh Guom kawt leh kulh kawina kawt haw ah insang a sa a, kulh in a um a.

NEHEMIA 1:3

Amau chun ka kawmah, “Saltâng pawtdawkte leh zie gama nutsieh te chuh sukgimtheih leh gensiet ahiu a; tichun, Jerusalem kulhbang haw chuh a chim lem lum mai a, a kawtkhak haw le mei a hâltum in a um hi,” tih ei hilh u a.

NEHEMIA 12:31

Khutichun, Juda lengte chuh kulhbang chunglam a chun ka puito a, kipah thugenna a lasa ding hawn nih ka siem a, lawikhat chuh kulhbang chunga êk kawtkhak lam achun a chieh u a.

NEHEMIA 2:12

Chun, zan in ka tho a, kei leh midang tawmcha tawh, Jerusalem a ka sep ding Pathien in ka lungthim a a kawih chuh kuomah ka hilh puoh a; ka chutna sabiltung tih loh sa dang himhim zie chun a um puoi.

NEHEMIA 2:15

Tichun, zan in luicha dung ka hawh u a, kulhbang chuh ka en viel a, tichun ka vaikit a; guom kawkhuk achun ka luta, tichun ka vaikit ta a.

NEHEMIA 2:17

Khutichun, a kawm u ah, “I chansiet zieu hi na muu a, Jerusalem siet dân te leh a kawtkhak te a katum tai tih le na heu hi. Hung tiem u, gensiet I hih loh na dingun Jerusalem kulhbang chuh sapha kit hitiu,” ka ti a.

NEHEMIA 2:3

Chun, kei chun leng kawmah, “Leng chuh kum khuo’n dam zing hen; bang zieka lungkham mel pu lo ding ka him, ei suonteu thân umna khuo chuh a hawm zo ta a; a kawtkhak haw le mei in a katum suok ta ngâla,” ka ti a.

JEREMIA 5:10

A grep huon pal haw achun kal unla, susieu un. Amahvang chuh na suksiet vek loh dinguh ahi a, a bâk haw chuh thiek unla, Lalpa a a hi puoh ngâl u a tih hi Lalpa kamsuok ahi.